ವಾಸ್ತು ಸಲಹೆಗಳ ಪ್ರಕಾರ, ಬಟ್ಟೆಗಳು ಅದೃಷ್ಟಕ್ಕೆ ಸಂಬಂಧಿಸಿವೆ. ಒಳ್ಳೆಯ ಬಟ್ಟೆಗಳು ಅದೃಷ್ಟದ ಸಂಕೇತ. ಹಳೆಯ ಕೊಳಕು ಬಟ್ಟೆಗಳು ದುರದೃಷ್ಟಕರ.
ನವದೆಹಲಿ : ವಾಸ್ತು ಶಾಸ್ತ್ರದ ಪ್ರಕಾರ, ಮನೆಯಲ್ಲಿ ಕೆಲವು ವಸ್ತುಗಳನ್ನು ಇಟ್ಟರೆ ಮನೆಯಲ್ಲಿ ಧನಾತ್ಮಕ ಶಕ್ತಿ ನೆಲೆಸುತ್ತದೆ. ಅದೇ ರೀತಿ ಅನೇಕ ವಸ್ತುಗಳಿವೆ. ಅವುಗಳನ್ನು ಮನೆಯಿಂದ ತಕ್ಷಣ ಹೊರ ಹಾಕಬೇಕು. ಯಾವುದೇ ಕಾರಣಕ್ಕೂ ಆ ವಸ್ತುಗಳಿಗೆ ಮನೆಯಲ್ಲಿ ಜಾಗ ಕೊಡಬಾರದು. ಅವುಗಳನ್ನು ಮನೆಯಲ್ಲಿ ಇಟ್ಟುಕೊಂಡರೆ, ಕುಟುಂಬದ ಸದಸ್ಯರಲ್ಲಿ ಪರಸ್ಪರ ವೈಷಮ್ಯವನ್ನು ಬೆಳೆಯುತ್ತದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
ವಾಸ್ತು ಸಲಹೆಗಳ ಪ್ರಕಾರ, ಬಟ್ಟೆಗಳು ಅದೃಷ್ಟಕ್ಕೆ ಸಂಬಂಧಿಸಿವೆ. ಒಳ್ಳೆಯ ಬಟ್ಟೆಗಳು ಅದೃಷ್ಟದ ಸಂಕೇತ. ಹಳೆಯ ಕೊಳಕು ಬಟ್ಟೆಗಳು ದುರದೃಷ್ಟಕರ. ಹಳೆಯ ತೊಳೆಯದ ಬಟ್ಟೆಗಳು ಮನೆಯೊಳಗೆ ಇದ್ದರೆ, ತಕ್ಷಣವೇ ಅವುಗಳನ್ನು ಹೊರತೆಗೆಯಿರಿ. ಹರಿದ ಹಳೆಯ ಬಟ್ಟೆಗಳು ಕೂಡಾ ದುರಾದೃಷ್ಟವನ್ನು ತರುತ್ತವೆ.
ವಾಸ್ತು ಶಾಸ್ತ್ರದ ಪ್ರಕಾರ, ಹಳೆಯ ಪತ್ರಿಕೆಗಳನ್ನು ಎಂದಿಗೂ ಮನೆಯೊಳಗೆ ಇಡಬಾರದು. ಮನೆಯಲ್ಲಿ ಬಿದ್ದಿರುವ ಕಸದ ರಾಶಿಯು ಯಾವಾಗಲೂ ನಕಾರಾತ್ಮಕ ಶಕ್ತಿಯನ್ನು ತರುತ್ತದೆ. ಇದು ಕುಟುಂಬದ ಸದಸ್ಯರ ಪ್ರಗತಿಯನ್ನು ನಿಲ್ಲಿಸುತ್ತದೆ. ಆರ್ಥಿಕ ನಷ್ಟವನ್ನು ಅನುಭವಿಸಬೇಕಾಗುತ್ತದೆ.
ಧರ್ಮಗ್ರಂಥಗಳ ಪ್ರಕಾರ, ದೇವರು ಮತ್ತು ದೇವತೆಗಳ ವಿಗ್ರಹ ಅಥವಾ ಚಿತ್ರವು ಧನಾತ್ಮಕ ಶಕ್ತಿಯನ್ನು ಹೊರಹೊಮ್ಮಿಸುತ್ತದೆ, ಆದರೆ ಅವುಗಳು ಮುರಿದಿದ್ದರೆ, ಋಣಾತ್ಮಕ ಶಕ್ತಿಯು ಅವುಗಳಲ್ಲಿ ವಾಸಿಸುತ್ತದೆ. ಆದ್ದರಿಂದ ಮುರಿದ ವಿಗ್ರಹಗಳನ್ನು ಮನೆಯಲ್ಲಿ ಇಟ್ಟು ಕೊಳ್ಳಬೇಡಿ.
ನಿಮ್ಮ ಮನೆಯಲ್ಲಿ ಹಳೆಯ ಮುರಿದ ಬೀಗಗಳಿದ್ದರೆ, ಅದನ್ನು ತಕ್ಷಣವೇ ಮನೆಯಿಂದ ಹೊರ ಹಾಕಿ. ವಾಸ್ತು ಶಾಸ್ತ್ರದ ಪ್ರಕಾರ ಹಳೆಯ ಮುರಿದ ಬೀಗಗಳನ್ನು ಎಂದಿಗೂ ಮನೆಯೊಳಗೆ ಇಡಬಾರದು. ವಾಸ್ತು ಶಾಸ್ತ್ರದಲ್ಲಿ ಇಂಥಹ ಬೀಗಗಳನ್ನು ಅಶುಭವೆಂದು ಪರಿಗಣಿಸಲಾಗುತ್ತದೆ. ಮತ್ತೊಂದೆಡೆ, ಹಳೆಯ ಅಥವಾ ಮುರಿದ ಬೀಗವು ದುರಾದೃಷ್ಟದ ವಾಹಕವಾಗಿರುತ್ತದೆ.
ಕೆಟ್ಟು ನಿಂತಿರುವ ಗಡಿಯಾರವನ್ನು ಎಂದಿಗೂ ಮನೆಯೊಳಗೆ ಇರಿಸಬೇಡಿ. ಚಲಿಸದ ಗಡಿಯಾರವು ದುರದೃಷ್ಟದ ಸಂಕೇತವಾಗಿದೆ. ಇದು ಮನೆ ಮಂದಿಯ ಕೆಲಸಗಳನ್ನು ಸ್ಥಗಿತಗೊಳಿಸುತ್ತದೆ. ವಾಸ್ತು ಪ್ರಕಾರ, ಮನೆಯಲ್ಲಿ ಕೆಟ್ಟು ನಿಂತಿರುವ ಗಡಿಯಾರಗಳನ್ನು ಇಟ್ಟುಕೊಂಡರೆ ವ್ಯಕ್ತಿಯ ಅದೃಷ್ಟವೂ ನಿಲ್ಲುತ್ತದೆ.
