Benefits of raw Mango : ಶುಗರ್ ನಿಯಂತ್ರಣ ಮಾಡಲು ಮಾವಿನಕಾಯಿ ಹೇಗೆ ಸಹಾಯ ಮಾಡುತ್ತದೆ ತಿಳಿದಿದೆಯಾ?

Benefits of raw Mango : ಮಧುಮೇಹವನ್ನು ನಿಯಂತ್ರಿಸುವಲ್ಲಿ ಮಾವಿನಕಾಯಿ ಪ್ರಯೋಜನಕಾರಿಯಾಗಿದೆ. ವಾಸ್ತವವಾಗಿ, ರಕ್ತದಲ್ಲಿನ ಸಕ್ಕರೆಯನ್ನು ನಿಯಂತ್ರಿಸುವಲ್ಲಿ ಪರಿಣಾಮಕಾರಿಯಾದ ಅಂಶವು ಅದರಲ್ಲಿ ಕಂಡುಬರುತ್ತದೆ

Benefits of raw Mango (file photo)

ಬೆಂಗಳೂರು : Benefits of raw Mango : ಬೇಸಿಗೆ ಕಾಲದಲ್ಲಿ ಮಾವಿನ ಹಣ್ಣಿನ ರುಚಿ ಸವಿಯುವುದೇ ಒಂದು ಆನಂದ. ಅದರಲ್ಲೂ ಮಾವಿನಕಾಯಿ ಯಾರಿಗೆ ತಾನೇ ಇಷ್ಟವಾಗುವುದಿಲ್ಲ.  ಮಾವಿನ ಕಾಯಿಯನ್ನು ಹಸಿ ತಿಂದರೂ ರುಚಿ. ಬೇಯಿಸಿ ತಿಂದರೂ ರುಚಿಯೇ. ಇನ್ನು ಸಲಾಡ್ ಮಾಡಿ ಅದರಲ್ಲಿಯೂ ಮಾವಿನಕಾಯಿಯನ್ನು ಬಳಸಬಹುದು. ಮಾವಿನ ಕಾಯಿ ತಿನ್ನಲು ರುಚಿ ಮಾತ್ರವಲ್ಲ, ಅದು ಆರೋಗ್ಯಕ್ಕೂ ಒಳ್ಳೆಯದು. ಅದರಲ್ಲೂ ಮಧುಮೇಹಿಗಳಿಗೆ ಮಾವಿನಕಾಯಿ ತುಂಬಾ ಪ್ರಯೋಜನಕಾರಿಯಾಗಿದೆ.

ಸಕ್ಕರೆ ರೋಗಿಗಳಿಗೆ ಮಾವಿನ ಕಾಯಿ ತಿನ್ನುವುದರಿಂದ ಆಗುವ ಲಾಭಗಳು :
ಬೇಸಿಗೆಯ ಋತುವಿನಲ್ಲಿ, ಶಾಖದ ಹೊಡೆತವನ್ನು ತಪ್ಪಿಸಲು ಮಾವಿನಕಾಯಿಯನ್ನು ಬಳಸಬಹುದು. ಇದು ನಮ್ಮ ಜೀರ್ಣಾಂಗ ವ್ಯವಸ್ಥೆಯು ಸರಿಯಾಗಿ ಕಾರ್ಯನಿರ್ವಹಿಸಲು ಸಹಾಯ ಮಾಡುತ್ತದೆ. ವಿಟಮಿನ್ ಸಿ, ಎ, ಕಬ್ಬಿಣ ಮತ್ತು ಕ್ಯಾಲ್ಸಿಯಂನಂತಹ ಪೋಷಕಾಂಶಗಳು ಇದರಲ್ಲಿ ಹೇರಳವಾಗಿ ಕಂಡುಬರುತ್ತವೆ. ಇದು ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ. ಮಾವಿನಕಾಯಿ ನಮ್ಮ ತ್ವಚೆ ಮತ್ತು ಕೂದಲ ರಕ್ಷಣೆಯಲ್ಲಿಯೂ ಸಹ ಬಹಳ ಉಪಯೋಗಕಾರಿಯಾಗಿದೆ. ಮಾವಿನಕಾಯಿ ಮತ್ತು ಅದರ ಎಲೆಗಳು ಆಂಥಿಸಿಯಾನಿನ್ ಎಂಬ ಟ್ಯಾನಿನ್‌ಗಳನ್ನು ಹೊಂದಿರುತ್ತವೆ. ಇದು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಹೀಗಾಗಿ, ಹಸಿ ಮಾವು ಮಧುಮೇಹವನ್ನು ನಿಯಂತ್ರಿಸುವಲ್ಲಿ ಪ್ರಯೋಜನಕಾರಿಯಾಗಿದೆ.

ಇದನ್ನೂ ಓದಿ : Diabetes Treatment: ಡಯಾಬಿಟಿಸ್ ರೋಗಿಗಳ ಚಿಕಿತ್ಸೆ ಇನ್ಮುಂದೆ ಮತ್ತಷ್ಟು ಸುಲಭವಾಗಲಿದೆ, ಹೇಗೆ ತಿಳಿಯಲು ಸುದ್ದಿ ಓದಿ

ಮಧುಮೇಹದಲ್ಲಿ ಮಾವಿನಕಾಯಿ ತಿನ್ನುವ ಇತರ ಪ್ರಯೋಜನಗಳು :
1. ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ :
ಮಾವಿನಕಾಯಿ ಹುಳಿಯಾಗಿರುತ್ತದೆ. ಇದು,  ವಿಟಮಿನ್ ಸಿ ಮತ್ತು ಎ ಅನ್ನು ಹೊಂದಿರುತ್ತದೆ. ವಿಟಮಿನ್ ಸಿ ಉತ್ತಮ ಉತ್ಕರ್ಷಣ ನಿರೋಧಕವಾಗಿದೆ. ಇದು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಮತ್ತು ರೋಗಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.

2. ಮೂಳೆಗಳು ಬಲವಾಗಿರುತ್ತವೆ :
ಮಾವಿನಕಾಯಿಯಲ್ಲಿ ವಿಟಮಿನ್ ಕೆ ಮತ್ತು ಸಿ ಕಂಡುಬರುತ್ತದೆ. ಇದು ಕ್ಯಾಲ್ಸಿಯಂ ಹೀರಿಕೊಳ್ಳುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಮಾವಿನ ಕಾಯಿಯಲ್ಲಿ ಕ್ಯಾಲ್ಸಿಯಂ ಕೂಡ ಇದ್ದು ಇದು ಮೂಳೆಗಳನ್ನು ಗಟ್ಟಿಯಾಗಿಸಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ : Cucumber: ಸೌತೆಕಾಯಿ ತಿಂದ ಬಳಿಕ ನೀರು ಕುಡಿಯಬಾರದು...ಯಾಕೆ ಗೊತ್ತಾ?

3. ಶಕ್ತಿಯ ಮೂಲ : 
ಮಾವಿನಕಾಯಿಯನ್ನು  ಹಸಿ ಮಾವನ್ನು ಸೇವಿಸಿ.  ಏಕೆಂದರೆ ಇದು ಕಬ್ಬಿಣದ ಉತ್ತಮ ಮೂಲವಾಗಿದೆ. ಆದ್ದರಿಂದ ಅದು ನಿಮ್ಮ ದೇಹದಲ್ಲಿ ಶಕ್ತಿಯ ಮಟ್ಟವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಹಿಮೋಗ್ಲೋಬಿನ್ ಮಟ್ಟವನ್ನು ಸಹ ಹೆಚ್ಚಿಸುತ್ತದೆ. 

4. ಬೆವರುವುದನ್ನು ನಿಯಂತ್ರಿಸುತ್ತದೆ :
ನೀವು ಹೆಚ್ಚು ಬೆವರುತ್ತಿದ್ದರೆ, ಬೇಸಿಗೆಯಲ್ಲಿ  ಮಾವಿನಕಾಯಿಯನ್ನು  ಅಥವಾ ಮಾವಿನ ಎಲೆಗಳನ್ನು ತಿನ್ನಿ. ಇದರಿಂದ ಬೆವರುವುದನ್ನು ನಿಯಂತ್ರಿಸಬಹುದು. ಮಾವಿನಕಾಯಿ ಮಧುಮೇಹಿಗಳಿಗೆ ಮಾತ್ರವಲ್ಲ, ಆರೋಗ್ಯವಂತರಿಗೂ ತುಂಬಾ ಪ್ರಯೋಜನಕಾರಿಯಾಗಿದೆ.

( ಸೂಚನೆ : ಇಲ್ಲಿ ನ ಈದಿರುವ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಮನೆ ಮದ್ದುಗಳನ್ನು ಆಧರಿಸಿದೆ. ಇದನ್ನೂ ಅಳವಡಿಸಿಕೊಳ್ಳುವ ಮುನ್ನ ತಜ್ಞರ ಸಲಹೆಯನ್ನು ಪಡೆಯಿರಿ.. ZEE NEWS ಇದನ್ನೂ ಖಚಿತಪದಿಸುವುದಿಲ್ಲ)