ಸಿಗರೇಟು ಸೇದುತ್ತಿರುವ ಮಹಾಕಾಳಿ..! ವಿವಾದ ಎಬ್ಬಿಸಿದೆ ಚಿತ್ರದ ಪೋಸ್ಟರ್

Kaali poster out (photo twitter)

Kaali Controversial Poster : ಇತ್ತೀಚೆಗೆ ಸಾಕ್ಷ್ಯಚಿತ್ರವೊಂದರ ಪೋಸ್ಟರ್ ಬಿಡುಗಡೆ ಮಾಡಲಾಗಿದ್ದು, ಅದರಲ್ಲಿ ಮಹಾ ಕಾಳಿಯ ಫೋಟೋವನ್ನು ತೋರಿಸಲಾಗಿದೆ. ಈ ಪೋಸ್ಟರ್ ನಲ್ಲಿ ದೇವಿಯ ಚಿತ್ರೀಕರಿಸಿರುವ ರೀತಿ ಇದೀಗ ವಿವಾದಕ್ಕೆ ಕಾರಣವಾಗಿದೆ. ಈ ಪೋಸ್ಟರ್ ಬಿಡುಗಡೆಯಾಗುತ್ತಿದ್ದಂತೆಯೇ ಈ ಸಾಕ್ಷ್ಯಚಿತ್ರದ ನಿರ್ದೇಶಕರನ್ನು ಬಹಿಷ್ಕರಿಸುವಂತೆ ಜನ ಆಗ್ರಹಿಸುತ್ತಿದ್ದಾರೆ.

ಕೇಳಿ ಬಂದಿದೆ ಲೀನಾ ಬಂಧನದ ಆಗ್ರಹ :  
ಇತ್ತೀಚಿನ ದಿನಗಳಲ್ಲಿ ಭಾರತೀಯ ಚಲನಚಿತ್ರ ನಿರ್ಮಾಪಕಿ ಲೀನಾ ಮಣಿಮೇಕಲೈ ಅವರನ್ನು ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಟ್ರೋಲ್ ಮಾಡಲಾಗುತ್ತಿದೆ. ಇತ್ತೀಚೆಗಷ್ಟೇ ಲೀನಾ ಮಣಿಮೇಕಲೈ ಅವರ ಸಾಕ್ಷ್ಯಚಿತ್ರದ ಪೋಸ್ಟರ್ ಹೊರಬಂದಿದ್ದು, ಇದರಿಂದ ಜನರ ಭಾವನೆಗಳಿಗೆ ಧಕ್ಕೆಯಾಗಿದೆ. ಈ ಹಿನ್ನೆಲೆಯಲ್ಲಿ ಲೀನಾ ಬಂಧಿಸುವಂತೆ ಒತ್ತಾಯ ಕೇಳಿ ಬಂದಿದೆ. #arrestleenamanimekalai ಟ್ವಿಟ್ಟರ್‌ನಲ್ಲಿ ಟ್ರೆಂಡಿಂಗ್  ಆಗುತ್ತಿದೆ. 

ಇದನ್ನೂ ಓದಿ : ʼವಿಶ್ವಾಸʼ ಗೆದ್ದ ಏಕನಾಥ್‌ ಶಿಂಧೆ: 164 ಶಾಸಕರ ಬೆಂಬಲ ಪಡೆದ ನೂತನ ಸಿಎಂ

ಮಹಾ ಕಾಳಿ ಕೈಯಲ್ಲಿ ಸಿಗರೇಟು :
ಜುಲೈ 02 ರಂದು ಚಲನಚಿತ್ರ ನಿರ್ಮಾಪಕಿ ಲೀನಾ ಮಣಿಮೇಕಲೈ ಅವರು ತಮ್ಮ ಸಾಕ್ಷ್ಯಚಿತ್ರ 'ಕಾಳಿ' ಯ ಪೋಸ್ಟರ್ ಅನ್ನು  ಶೇರ್ ಮಾಡಿದ್ದಾರೆ. ಈ ಪೋಸ್ಟರ್ ಅನ್ನು ಹಂಚಿಕೊಳ್ಳುವಾಗ, ಈ ಸಾಕ್ಷ್ಯಚಿತ್ರವನ್ನು ಕೆನಡಾ ಫಿಲ್ಮ್ಸ್ ಫೆಸ್ಟಿವಲ್ ಬಿಡುಗಡೆ ಮಾಡಲಾಗಿರುವುದಾಗಿಯೂ ತಿಳಿಸಿದ್ದಾರೆ. ಲೀನಾ ತಮ್ಮ ಸಾಕ್ಷ್ಯಚಿತ್ರಕ್ಕೆ ‘ಕಾಳಿ ' ಎಂದು ಹೆಸರಿಟ್ಟಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿರುವ ಪೋಸ್ಟರ್‌ನಲ್ಲಿ ಮಹಾ ಕಾಳಿ  ಕೈಯಲ್ಲಿ ಸಿಗರೇಟ್ ಇರುವುದನ್ನು ಕಾಣಾಬಹುದು. ಅಷ್ಟೇ ಅಲ್ಲ, ಈ ಪೋಸ್ಟರ್‌ನಲ್ಲಿ ಕಾಳಿಯ ಒಂದು ಕೈಯಲ್ಲಿ ತ್ರಿಶೂಲ ಮತ್ತು ಇನ್ನೊಂದು ಕೈಯಲ್ಲಿ LGBTQ ಸಮುದಾಯದ ಧ್ವಜ ಕೂಡ  ಕಾಣಿಸುತ್ತದೆ. 

Super thrilled to share the launch of my recent film - today at @AgaKhanMuseum as part of its “Rhythms of Canada”
Link: https://t.co/RAQimMt7Ln

I made this performance doc as a cohort of https://t.co/D5ywx1Y7Wu@YorkuAMPD @TorontoMet @YorkUFGS

Feeling pumped with my CREW❤️ pic.twitter.com/L8LDDnctC9

— Leena Manimekalai (@LeenaManimekali) July 2, 2022

ಈ ಪೋಸ್ಟರ್‌ನಲ್ಲಿ  ಮಹಾ ಕಾಳಿ ಸಿಗರೇಟ್ ಸೇದುತ್ತಿರುವುದನ್ನು ನೋಡಿ,  ಜನ ಆಕ್ರೋಶಗೊಂಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಲೀನಾ ವಿರುದ್ಧ ಹರಿಹಾಯ್ದಿದ್ದಾರೆ. ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದಿರುವ ಆರೋಪವೂ ಲೀನಾ ಮೇಲಿದೆ. ಈ ಕಾರಣಕ್ಕಾಗಿ ಟ್ವಿಟ್ಟರ್ ನಲ್ಲಿ #arrestleenamanimekalai ಟ್ರೆಂಡ್ ಆರಂಭವಾಗಿದೆ.

ಇದನ್ನೂ ಓದಿ : High Security For Mango Trees: ಎರಡು ಮಾವಿನ ಮರಗಳ ರಕ್ಷಣೆಗೆ 3 ಸೆಕ್ಯೂರಿಟಿ ಗಾರ್ಡ್ ಹಾಗೂ 6 ನಾಯಿಗಳ ನಿಯೋಜನೆ, ಕಾರಣ ರೋಚಕವಾಗಿದೆ