Aishwarya Rai-Abhishek Bachchan: ಐಶ್ವರ್ಯಾ ರೈ ಮತ್ತು ಅಭಿಷೇಕ್ ಬಚ್ಚನ್ ವಿಚ್ಛೇದನದ ಸುದ್ದಿ ಇತ್ತೀಚಿನ ದಿನಗಳಲ್ಲಿ ಬಹಳ ವೇಗ ಪಡೆದುಕೊಂಡಿದೆ.. ಇದೀಗ ಈ ಜೋಡಿಯ ಮತ್ತೊಂದು ವಿಡಿಯೋ ಸೋಷಿಯಲ್‌ ಮಿಡಿಯಾದಲ್ಲಿ ವೈರಲ್ ಆಗಿದ್ದು, ಅದನ್ನು ನೋಡಿ ಅಭಿಮಾನಿಗಳು ಶಾಕ್‌ ಆಗಿದ್ದಾರೆ..
ಐಶ್ವರ್ಯಾ ರೈ ಮತ್ತು ಅಭಿಷೇಕ್ ಬಚ್ಚನ್ 2007 ರಲ್ಲಿ ವಿವಾಹವಾದರು.. ಇವರ ಮದುವೆಯಲ್ಲಿ ವಿಶೇಷ ಅತಿಥಿಗಳು ಮತ್ತು ಸ್ನೇಹಿತರು ಮಾತ್ರ ಭಾಗವಹಿಸಿದ್ದರು.
ಈ ಜೋಡಿ ಅಂಬಾನಿ ಮದುವೆಯಲ್ಲಿ ಪ್ರತ್ಯೇಕವಾಗಿ ಕಾಣಿಸಿಕೊಂಡಾಗಿನಿಂದ ಮತ್ತು ಬಚ್ಚನ್ ಕುಟುಂಬವು ಐಶ್ವರ್ಯಾ ಅವರನ್ನು ನಿರ್ಲಕ್ಷಿಸಿದ ರೀತಿಯಿಂದ, ಅವರ ವಿಚ್ಛೇದನದ ಸುದ್ದಿ ಮತ್ತಷ್ಟು ವೇಗಪಡೆದುಕೊಂಡಿತ್ತು..
ಕೆಲ ಸಮಯದ ಹಿಂದೆ ಅಭಿಷೇಕ್‌ನ ಕೈಯಲ್ಲಿ ಎಂಗೇಜ್‌ಮೆಂಟ್‌ ರಿಂಗ್‌ ಕಾಣಿಸಲಿಲ್ಲ, ಅದರಲ್ಲೂ ನಟ ತಾನು ಇನ್ನೂ ಮದುವೆಯಾಗಿದ್ದೇನೆ ಎಂದು ಅಭಿಷೇಕ್ ಬಚ್ಚನ್ ಹೇಳಿದ್ದ ಉಂಗುರ.
ಇದೇ ವೇಳೆ ಇತ್ತೀಚೆಗಷ್ಟೇ ಐಶ್ವರ್ಯಾ ರೈ ಅವರ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಐಶ್ವರ್ಯ ರೈ ತನ್ನ ಮಗಳು ಆರಾಧ್ಯಳನ್ನು ಬಚ್ಚನ್ ಮನೆಗೆ ಅಂದರೆ ಜಲ್ಸಾಗೆ ಕರೆದುಕೊಂಡು ಹೋಗುತ್ತಿರುವುದನ್ನು ಕಾಣಬಹುದು.
ಈ ಸಂದರ್ಭದಲ್ಲಿ ಐಶ್ವರ್ಯಾ ರೈ ಜಲ್ಸಾದಲ್ಲಿ ದುಃಖದ ಮುಖದಲ್ಲಿ ಕಾಣಿಸಿಕೊಂಡರು. ಆರಾಧ್ಯ ಶಾಲಾ ಸಮವಸ್ತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ವೀಡಿಯೋ ನೋಡಿದ ನಂತರ ಇದೀಗ ಅಭಿಮಾನಿಗಳಿಂದ ಸಾಲು ಸಾಲು ಕಾಮೆಂಟ್‌ಗಳು ಬರುತ್ತಿವೆ.
"ಎಲ್ಲವೂ ಸರಿಯಾಗಿದೆ, ಅಭಿಷೇಕ್ ಅವರ ಬೆರಳಲ್ಲಿ ಉಂಗುರವಿಲ್ಲ, ಐಶ್ವರ್ಯ ಬೇಸರದಲ್ಲಿದ್ದಾರೆ, ಅವರಿಬ್ಬರೂ ಕ್ಯೂಟ್‌ ಜೋಡಿ, ಎಂದೆಲ್ಲ ನೆಟ್ಟಿಗರು ಕಾಮೆಂಟ್‌ ಮೂಲಕ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ.
