Bumble, OkCupid, Match.com ಗಳಂತಹ Dating Appಗಳನ್ನು ಇತ್ತೀಚಿಗೆ ಸಾಕಷ್ಟು ಬಳಕೆ ಮಾಡಲಾಗುತ್ತಿದೆ. ಕೇವಲ ಯುವಕರಷ್ಟೇ ಅಲ್ಲ, ಮಧ್ಯಮ ವಯಸ್ಸಿನ ಜನರೂ ಕೂಡ ಈ ಆಪ್ ಗಳನ್ನು ಇಂದು ಬಳಕೆ ಮಾಡುತ್ತಿದ್ದಾರೆ.
Online Dating Tips - ಆನ್‌ಲೈನ್ ಡೇಟಿಂಗ್ (Online Dating) ಅಪ್ಲಿಕೇಶನ್‌ಗಳ (Dating Apps) ಬಳಕೆ ಕೇವಲ ದೊಡ್ಡ ನಗರಗಳಿಗೆ ಮಾತ್ರ ಸೀಮಿತವಾಗಿ ಉಳಿದಿಲ್ಲ. ಫೇಸ್‌ಬುಕ್ ಅಥವಾ ಇನ್ನಾವುದೇ ಸಾಮಾಜಿಕ ಮಾಧ್ಯಮವು (Dating Social Media) ಸ್ನೇಹ ಮತ್ತು ಕೆಲವೊಮ್ಮೆ ಪ್ರೀತಿಗೆ ಕಾರಣವಾಗುತ್ತದೆ. ನೀವು ಆನ್‌ಲೈನ್ ಡೇಟಿಂಗ್ (Online Dating Fraud) ಅಪ್ಲಿಕೇಶನ್ ಬಳಕೆದಾರರಾಗಿದ್ದರೆ, ಕೆಲವು ವಿಷಯಗಳನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು. ನಿಮ್ಮ ಸುರಕ್ಷತೆಗಾಗಿ ಮತ್ತು ಯಾವುದೇ ಅಹಿತಕರ ಘಟನೆಯನ್ನು ತಪ್ಪಿಸಲು ಇದು ಬಹಳ ಮುಖ್ಯವಾಗಿದೆ.
ಇದನ್ನೂ ಓದಿ-Nora Fatehi ಇನ್ಸ್ಟಾಗ್ರಾಮ್ ಖಾತೆ Delete! ಆಕೆಯ ಕೊನೆಯ ಪೋಸ್ಟ್ ಯಾವ್ದಿತ್ತು ಗೊತ್ತಾ?
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
1. ವೈಯಕ್ತಿಕ ಮಾಹಿತಿ ಹಂಚಿಕೊಳ್ಳಬೇಡಿ - ಆನ್‌ಲೈನ್ ಡೇಟಿಂಗ್ ಅಪ್ಲಿಕೇಶನ್‌ಗಳನ್ನು ಬಳಸುವುದರಲ್ಲಿ ಯಾವುದೇ ತಪ್ಪಿಲ್ಲ ಆದರೆ ನಿಮ್ಮ ಮಟ್ಟದಲ್ಲಿ ಜಾಗರೂಕರಾಗಿರುವುದು ಬಹಳ ಮುಖ್ಯ. ಆರಂಭಿಕ ಸಂಭಾಷಣೆಯಲ್ಲಿಯೇ ವಿಳಾಸ, ಫೋನ್ ಸಂಖ್ಯೆ ಇತ್ಯಾದಿ ವೈಯಕ್ತಿಕ ವಿವರಗಳನ್ನು ಹಂಚಿಕೊಳ್ಳಬೇಡಿ. ನಿಮ್ಮ ಸುರಕ್ಷತೆಗೆ ಇದು ಬಹಳ ಮುಖ್ಯ.
2. ಒಂಟಿಯಾಗಿಯೇ ಮೊದಲ ಭೌತಿಕ ಭೇಟಿ ನಡೆಸಬೇಡಿ - ಆನ್‌ಲೈನ್ ಡೇಟಿಂಗ್ ಅಪ್ಲಿಕೇಶನ್ ಬಳಸಿಕೊಂಡು ಅನೇಕ ಜನರು ತಮ್ಮ ಪ್ರೀತಿ ಅಥವಾ ಸಂಗಾತಿಗಳನ್ನು ಕಂಡುಕೊಂಡಿದ್ದಾರೆ. ಆನ್‌ಲೈನ್ ಅಪ್ಲಿಕೇಶನ್ ಮೂಲಕ ನೀವು ಭೇಟಿಯಾದ ಸಂಗಾತಿಯನ್ನು ಭೇಟಿ ಮಾಡಲು ನೀವು ನಿರ್ಧರಿಸಿದ್ದರೆ, ಖಂಡಿತವಾಗಿಯೂ ಕೆಲವು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಿ. ನಿಮ್ಮ ಮನೆ ಅಥವಾ ಸಂಗಾತಿ ಮನೆಯಲ್ಲಿ ಆರಂಭಿಕ ಡೇಟ್ ಎಂದಿಗೂ ಮಾಡಬೇಡಿ. ಯಾವುದೇ ಏಕಾಂಗಿ, ಪ್ರತ್ಯೇಕ ಸ್ಥಳ, ಹೋಟೆಲ್ ಕೊಠಡಿಗಳು ಇತ್ಯಾದಿಗಳಲ್ಲಿ ಭೇಟಿಯಾಗಬೇಡಿ. ಆರಂಭಿಕ ಡೇಟ್ ಅನ್ನು ಸಾರ್ವಜನಿಕ ಸ್ಥಳದಲ್ಲಿ ಮಾಡುವುದು ಮತ್ತು ನಿಮ್ಮೊಂದಿಗೆ ಸ್ನೇಹಿತ, ಸಹೋದರ ಅಥವಾ ಸಹೋದರಿ ಅಥವಾ ಯಾರನ್ನಾದರೂ ಕರೆದುಕೊಂಡು ಹೋಗುವುದು ಉತ್ತಮ.
3. ವೈಯಕ್ತಿಗ ಫೋಟೋ, ವಿಡಿಯೋಗಳನ್ನು ಹಂಚಿಕೊಳ್ಳಬೇಡಿ - ಕ್ರಿಮಿನಲ್ ಉದ್ದೇಶಗಳ ಪೂರೈಕೆಗೆ ಕೆಲವೊಮ್ಮೆ ವೈಯಕ್ತಿಕ ಫೋಟೋಗಳು ಮತ್ತು ವೀಡಿಯೊಗಳನ್ನು ಬಳಸಲಾಗುತ್ತದೆ. ಡೇಟಿಂಗ್ ಅಪ್ಲಿಕೇಶನ್‌ನಲ್ಲಿ ನೀವು ಭೇಟಿಯಾದ ವ್ಯಕ್ತಿಯ ಬಗ್ಗೆ ನಿಮ್ಮ ಹೃದಯದಲ್ಲಿ ಯಾವುದೇ ಅನುಮಾನಗಳಿಲ್ಲದಿರಬಹುದು. ನೀವು ಅವರೊಂದಿಗೆ ಸುದೀರ್ಘ ರಿಲೇಶನ್ ಹೊಂದಲು ಬಯಸುತ್ತೀರಿ. ಆದರೆ ನಿಮ್ಮ ವೈಯಕ್ತಿಕ ಫೋಟೋಗಳು, ವೀಡಿಯೊಗಳು ಇತ್ಯಾದಿಗಳನ್ನು ನೀವು ಎಂದಿಗೂ ಹಂಚಿಕೊಳ್ಳದಂತೆ ಸುರಕ್ಷಿತವಾಗಿರುವುದು ಒಳ್ಳೆಯದು. ಮಹಿಳೆಯರಿಗಷ್ಟೇ ಅಲ್ಲ ಪುರುಷರಿಗೂ ಈ ಜಾಗರೂಕತೆ ವಹಿಸಬೇಕು.
4. ಹಣಕಾಸಿನ ವಹಿವಾಟು ಜಾಣತನವಲ್ಲ - ಡೇಟಿಂಗ್ ಅಪ್ಲಿಕೇಶನ್‌ಗಳ ಮೂಲಕ ಸಂಗಾತಿಯನ್ನು ಭಾವನಾತ್ಮಕವಾಗಿ ಬ್ಲಾಕ್‌ಮೇಲ್ ಮಾಡುವುದು, ಹಣ ಕೇಳುವುದು ಅಥವಾ ದುಬಾರಿ ಉಡುಗೊರೆಗಳನ್ನು ತೆಗೆದುಕೊಳ್ಳುವುದು ಸಾಮಾನ್ಯವಾಗಿದೆ. ಕೆಲವೊಮ್ಮೆ ಜನರು ಇದರಲ್ಲಿ ತುಂಬಾ ತೊಂದರೆ ಅನುಭವಿಸುತ್ತಾರೆ. ಡೇಟಿಂಗ್ ಅಪ್ಲಿಕೇಶನ್ ಮೂಲಕ ನೀವು ಭೇಟಿ ಮಾಡಿದ ಸಂಗಾತಿಯಿಂದ ಅಂತಹ ಬೇಡಿಕೆ ಬಂದರೆ, ತಕ್ಷಣವೇ ಎಚ್ಚೆತ್ತುಕೊಳ್ಳಿ ದುಬಾರಿ ಉಡುಗೊರೆಗಳು ಮತ್ತು ಹಣದೊಂದಿಗೆ ವ್ಯವಹರಿಸಬೇಡಿ.
5. ನಿಮ್ಮ ಜೀವನದ ಸೂಕ್ಷ್ಮ ವಿವರಗಳನ್ನು ಹಂಚಿಕೊಳ್ಳಬೇಡಿ - ಅನೇಕ ಜನರು ಒಂಟಿಯಾಗಿರುವಾಗ ಅಥವಾ ಒತ್ತಡದಲ್ಲಿರುವಾಗಲೂ ಡೇಟಿಂಗ್ ಅಪ್ಲಿಕೇಶನ್‌ಗಳನ್ನು ಬಳಕೆ ಮಾಡುತ್ತಾರೆ. ಸಾಮಾನ್ಯವಾಗಿ ದುರ್ಬಲ ಕ್ಷಣದಲ್ಲಿ, ಜನರು ತಮ್ಮ ದೌರ್ಬಲ್ಯ, ಕುಟುಂಬದ ಮಾಹಿತಿಯಂತಹ ವೈಯಕ್ತಿಕ ವಿಷಯಗಳನ್ನು ಹಂಚಿಕೊಳ್ಳುತ್ತಾರೆ. ನೀವು ಮಾನಸಿಕ ಒತ್ತಡ ಅಥವಾ ಒಂಟಿತನದಿಂದ ಹೋರಾಡುತ್ತಿದ್ದರೆ, ನಿಮಗಾಗಿ ಕೆಲವು ಸೃಜನಶೀಲ ಆಸಕ್ತಿಗಳನ್ನು ಕಂಡುಕೊಳ್ಳುವುದು ಉತ್ತಮ. ಡೇಟಿಂಗ್ ಅಪ್ಲಿಕೇಶನ್‌ನೊಂದಿಗೆ ನೀವು ಭೇಟಿಯಾಗುವ ಸಂಗಾತಿ ನಿಮ್ಮ ದೌರ್ಬಲ್ಯದ ಲಾಭವನ್ನು ಪಡೆಯಬಹುದು ಅಥವಾ ಭವಿಷ್ಯದಲ್ಲಿ ನಿಮಗೆ ಹಾನಿ ಉಂಟುಮಾಡಬಹುದು.
