Free IPL 2024 ತೋರಿಸಿಯೂ ಎಷ್ಟು ಕೋಟಿ ಹಣ ಸಂಪಾದಿಸಿದ್ದಾರೆ ಮುಕೇಶ್ ಅಂಬಾನಿ ಗೊತ್ತಾ? ಇಲ್ಲಿದೆ ಅದರ ಲೆಕ್ಕಾಚಾರ!

IPL 2024 Jio Cinema Earnings: ರಿಲಯನ್ಸ್ ಸಮೂಹದ ಮಾಲೀಕ ಏಷ್ಯಾದ ಅತ್ಯಂತ ಶ್ರೀಮಂತ ಉದ್ಯಮಿ ಮುಕೇಶ್ ಅಂಬಾನಿ 971933 ಕೋಟಿ ರೂ.ಗಿಂತ ಹೆಚ್ಚಿನ ಸಿರಿ ಸಂಪತ್ತು ಮತ್ತು ರೂ.2013000 ಕೋಟಿ ಮಾರುಕಟ್ಟೆ ಮೌಲ್ಯ ಹೊಂದಿರುವ ಕಂಪನಿಯ ಮಾಲೀಕರಾಗಿದ್ದಾರೆ

IPL 2024 Free On Jio Cinema: ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮತ್ತು ಏಷ್ಯಾದ ಶ್ರೀಮಂತ ಕೈಗಾರಿಕೋದ್ಯಮಿ ಮುಖೇಶ್ ಅಂಬಾನಿ $ 116 ಶತಕೋಟಿ ಮೌಲ್ಯದ ಆಸ್ತಿ ಮತ್ತು 19,75,547.68 ಕೋಟಿ ರೂಪಾಯಿಗಳ ಮಾರುಕಟ್ಟೆ ಮೌಲ್ಯವನ್ನು ಹೊಂದಿರುವ ಕಂಪನಿಯನ್ನು ಮುನ್ನಡೆಸಿಕೊಂಡು ಹೋಗುತ್ತಿದ್ದಾರೆ. ಪೆಟ್ರೋಕೆಮಿಕಲ್ ನಿಂದ ಹಿಡಿದು ಗ್ರೀನ್ ಎನರ್ಜಿ, ಟೆಲಿಕಾಂ ಮಾಧ್ಯಮ-ಮನರಂಜನೆ... ಹೀಗೆ ವಿವಿಧ ವಲಯಗಳಲ್ಲಿ ರಿಲಯನ್ಸ್ ಕಂಪನಿ ತನ್ನ ವ್ಯವಹಾರ ಹೊಂದಿದೆ. ಮುಖೇಶ್ ಅಂಬಾನಿಯವರ ಜಿಯೋ ಐಪಿಎಲ್ ಪಂದ್ಯದ ಮಾಧ್ಯಮ ಹಕ್ಕುಗಳನ್ನು ಪಡೆದುಕೊಂಡಿದೆ ಮತ್ತು ಅದನ್ನು ಉಚಿತವಾಗಿ ತೋರಿಸಲು ನಿರ್ಧರಿಸಿದೆ. ಪ್ರಸ್ತುತ ಜಿಯೋ ಸಿನಿಮಾದಲ್ಲಿ ಐಪಿಎಲ್ ಪಂದ್ಯಗಳನ್ನು ಉಚಿತವಾಗಿ ಬಿತ್ತರಿಸಲಾಗುತ್ತಿದೆ. ಆದರೆ, ಐಪಿಎಲ್ ಪಂದ್ಯಗಳನ್ನು ಉಚಿತವಾಗಿ ತೋರಿಸಿ ಕ್ರಿಕೆಟ್ ಪ್ರೇಮಿಗಳನ್ನು ಹುರಿದುಂಬಿಸುತ್ತಿದ್ದಾರೆ ಅಂತ ನೀವೂ ಯೋಚಿಸುತ್ತಿದ್ದರೆ, ಈ ಸುದ್ದಿ ಖಂಡಿತ ಓದಿ. ಹೌದು,  ಉಚಿತ ಆಟಗಳ ಮೂಲಕ ವ್ಯಾಪಾರವನ್ನು ವಿಸ್ತರಿಸುವ ತಂತ್ರ ಅಂಬಾನಿಗೆ ಚೆನ್ನಾಗಿ ತಿಳಿದಿದೆ. ಜಿಯೋ ಲಾಂಚ್ ಸಮಯದಲ್ಲಿ ಅವರ ಈ ಟ್ರಿಕ್ ಅನ್ನು ಎಲ್ಲರೂ ನೋಡಿದ್ದಾರೆ.

ಅಂಬಾನಿ ಐಪಿಎಲ್ ಪಂದ್ಯಾವಳಿಯನ್ನು ಉಚಿತವಾಗಿ ಏಕೆ ಟೆಲಿಕಾಷ್ಟ್ ಮಾಡುತ್ತಿದ್ದಾರೆ?
23758 ಕೋಟಿ ರೂ. ವೆಚ್ಚ ಮಾಡುವ ಮುಕೇಶ್ ಅಂಬಾನಿ Viacom18 ಮೂಲಕ ಐದು ವರ್ಷಗಳ IPL ನ ಡಿಜಿಟಲ್ ಮಾಧ್ಯಮ ಹಕ್ಕುಗಳನ್ನು ಪಡೆದುಕೊಂಡಿದ್ದಾರೆ. ಪ್ರತಿ ವರ್ಷ ನೋಡಿದರೆ 4750 ಕೋಟಿ ರೂ. ಕೋಟಿಗಟ್ಟಲೆ ಖರ್ಚು ಮಾಡಿ ಅಂಬಾನಿ  ಐಪಿಎಲ್ ಪಂದ್ಯಗಳನ್ನು ಬಳಕೆದಾರರಿಗೆ ಉಚಿತವಾಗಿ ತೋರಿಸುಟ್ಟಿದ್ದಾರೆ. ಇದು ಮುಖೇಶ್ ಅಂಬಾನಿಯವರ ಔದಾರ್ಯ ಎಂದು ನೀವು ಭಾವಿಸುತ್ತಿದ್ದರೆ, ನೀವು ಸಂಪೂರ್ಣವಾಗಿ ತಪ್ಪು. ಮುಕೇಶ್ ಅಂಬಾನಿ ದೀರ್ಘಾವಧಿಯ ವ್ಯಾಪಾರ ಲಾಭದಲ್ಲಿ ನಂಬಿಕೆ ಇಟ್ಟಿದ್ದಾರೆ. ಮುಕೇಶ್ ಅಂಬಾನಿ ಪಂದ್ಯಗಳನ್ನು ಉಚಿತವಾಗಿ ತೋರಿಸುವುದರ ದೀರ್ಘಾವಧಿಯ ಪ್ರಯೋಜನಗಳನ್ನು ಕಂಡಿದ್ದಾರೆ.

ಜಿಯೋ ಸಿನಿಮಾ ಐಪಿಎಲ್ ಅನ್ನು ಉಚಿತವಾಗಿ ತೋರಿಸಿ ಹಣ ಗಳಿಸುತ್ತಿದೆ
ಜಿಯೋ ಸಿನಿಮಾದಲ್ಲಿ ಐಪಿಎಲ್ ಪಂದ್ಯಗಳನ್ನು ಉಚಿತವಾಗಿ ತೋರಿಸುವ ಮೂಲಕ ಅಂಬಾನಿ ದೀರ್ಘಕಾಲದವರೆಗೆ ತಮ್ಮ ವ್ಯವಹಾರವನ್ನು ನಿರ್ಮಿಸುತ್ತಿದ್ದಾರೆ. ಇದರಿಂದ ಅವರಿಗೆ ತೊಂದರೆಯಾಗುತ್ತಿದೆ ಎಂದಲ್ಲ. ಉಚಿತವಾಗಿ ಪಂದ್ಯಗಳನ್ನು ತೋರಿಸಿಯೂ ಕೋಟ್ಯಂತರ ರೂಪಾಯಿ ಗಳಿಸುತ್ತಿದ್ದಾರೆ. ಡಿಎನ್‌ಎ ವರದಿಯ ಪ್ರಕಾರ, ಜಿಯೋ ಐಪಿಎಲ್ ಪಂದ್ಯಗಳ ಸಮಯದಲ್ಲಿ ಕೇವಲ ಜಾಹೀರಾತುಗಳಿಂದ 4000 ಕೋಟಿ ರೂ. ಗಳಿಕೆ ಮಾಡುತ್ತಿದೆ.  ದೀರ್ಘಾವಧಿಯ ಪ್ರಯೋಜನಗಳನ್ನು ಗಮನದಲ್ಲಿಟ್ಟುಕೊಂಡು, Jio ಜಾಹೀರಾತು ವೆಚ್ಚವನ್ನು ಕಡಿಮೆ ಇರಿಸಿದೆ, ಇದರಿಂದಾಗಿ ಜಾಹೀರಾತುದಾರರು ದೀರ್ಘಕಾಲದವರೆಗೆ ಅವರೊಂದಿಗೆ ಇರುತ್ತಾರೆ. ಕಳೆದ ವರ್ಷ ಐಪಿಎಲ್ ಪಂದ್ಯಗಳ ವೇಳೆ ಜಾಹಿರಾತುಗಳಿಂದಲೇ ಜಿಯೋ ಸಿನಿಮಾ 3239 ಕೋಟಿ ಗಳಿಸಿತ್ತು. ಈ ಬಾರಿ ಅದು ಸುಮಾರು 4 ಸಾವಿರ ಕೋಟಿ ರೂ.ಗೆ ಏರಿಕೆಯಾಗಿದೆ.

ಇದನ್ನೂ ಓದಿ-IPL 2024: ಮಗನನ್ನು ಕ್ರಿಕೆಟ್ ಆಟಗಾರನನ್ನಾಗಿಸಲು ನೌಕರಿ ತೊರೆದ ತಂದೆ, ವಿರಾಟ್ ಈತನ ಆದರ್ಶ!

ಐಪಿಎಲ್‌ನಿಂದ ಜಿಯೋ ಸಿನಿಮಾ ಹೇಗೆ ಗಳಿಸುತ್ತದೆ?
ಐಪಿಎಲ್ ಪಂದ್ಯಗಳಲ್ಲಿ ಬ್ರ್ಯಾಂಡ್ ಸ್ಪಾಟ್‌ಲೈಟ್‌ಗೆ ಆಯ್ಕೆಯೂ ಇದೆ. ಅಲ್ಲಿ ಕಂಪನಿಗಳು ವಿಶೇಷ ಆಕರ್ಷಣೆಯನ್ನು ಹೊಂದಿವೆ. ವರದಿಯ ಪ್ರಕಾರ, ಐಪಿಎಲ್ ಅಭಿಯಾನದಲ್ಲಿ ಸುಮಾರು 18 ಪ್ರಾಯೋಜಕರು ಮತ್ತು 250 ಜಾಹೀರಾತುದಾರರಿದ್ದಾರೆ. Dream11, Parle, Bitrania ಮತ್ತು HDFC ಬ್ಯಾಂಕ್‌ನಂತಹ ದೊಡ್ಡ ಬ್ರ್ಯಾಂಡ್‌ಗಳಿವೆ. ಈ ಬ್ರ್ಯಾಂಡ್ ಸ್ಪಾಟ್‌ಲೈಟ್‌ಗಳಿಂದ ಜಿಯೋ ಗಳಿಸುತ್ತದೆ. ಇದಲ್ಲದೆ, ಜಿಯೋ ಡೇಟಾದ ಸಂಪೂರ್ಣ ಬಳಕೆಯ ಮೂಲಕ ಹಣವನ್ನು ಗಳಿಸುತ್ತದೆ. ಪಂದ್ಯವನ್ನು ವೀಕ್ಷಿಸಲು, ಬಳಕೆದಾರರು ಹೆಚ್ಚು ಇಂಟರ್ನೆಟ್ ಅನ್ನು ಖರ್ಚು ಮಾಡಬೇಕಾಗುತ್ತದೆ. ಹೆಚ್ಚಿನ ಇಂಟರ್ನೆಟ್ ವೆಚ್ಚಗಳು ಎಂದರೆ ಜಿಯೋ ಬಳಕೆದಾರರಿಗೆ ಹೆಚ್ಚಿನ ಡೇಟಾ ಅಗತ್ಯವಿರುತ್ತದೆ. ಹೆಚ್ಚಿನ ಡೇಟಾಕ್ಕಾಗಿ, ನೀವು ಹೆಚ್ಚು ಹಣವನ್ನು ವೆಚ್ಚ ಮಾಡಬೇಕಾಗುತ್ತದೆ ಮತ್ತು ಕಂಪನಿಯು ಹಣವನ್ನು ಮಾತ್ರ ಗಳಿಸುತ್ತದೆ.

ಇದನ್ನೂ ಓದಿ-Gautam Gambhir Video: Virat Kohli ಬಳಿಕ ಈ ಆಟಗಾರನ ಜೊತೆಗೆ ಗೌತಿಯ ಆನ್ ಫೀಲ್ಡ್ ದೋಸ್ತಿ ವಿಡಿಯೋ ವೈರಲ್!

ಅಂಬಾನಿ ಉಚಿತ ಕೊಡುಗೆಗಳನ್ನು ನೀಡಿ ವ್ಯಾಪಾರ ಹಿಟ್ ಮಾಡುವುದರಲ್ಲಿ ನಿಷ್ಣಾತರಾಗಿದ್ದಾರೆ.
ಮುಕೇಶ್ ಅಂಬಾನಿ ಉಚಿತ ಕೊಡುಗೆಗಳನ್ನು ನೀಡುವ ಮೂಲಕ ವ್ಯಾಪಾರವನ್ನು ಹಿಟ್ ಮಾಡುವಲ್ಲಿ ಪರಿಣತರಾಗಿದ್ದಾರೆ. ರಿಲಯನ್ಸ್ ಜಿಯೋವನ್ನು ಆರಂಭಿಸಿದಾಗ, ಜನರಿಗೆ ಉಚಿತ ಡೇಟಾ ಮತ್ತು ಉಚಿತ ಕರೆಗಳ ಅನಿಯಮಿತ ಕೊಡುಗೆಗಳನ್ನು ನೀಡಲಾಯಿತು. ಕಂಪನಿಯು ಉಚಿತ ಕರೆ ಕೊಡುಗೆ ನೀಡುವ ಮೂಲಕ ಜನರನ್ನು ಆಕರ್ಷಿಸಿತು. ಜಿಯೋದ ಉಚಿತ ಆಫರ್ ಎಷ್ಟು ಹಿಟ್ ಆಯಿತು ಎಂದರೆ ಎರಡು ವರ್ಷಗಳಲ್ಲಿ ಜಿಯೋ ಟೆಲಿಕಾಂ ವಲಯದಲ್ಲಿ ನಂಬರ್ 1 ಕಂಪನಿಯಾಗಿ ಹೊರಹೊಮ್ಮಿತು. ಜಿಯೋ ಸಿನಿಮಾದಲ್ಲೂ ಅಂಬಾನಿ ಅದೇ ಮಾಸ್ಟರ್ ಸ್ಟ್ರೋಕ್ ಆಡಿದ್ದಾರೆ. ಐಪಿಎಲ್ ಪಂದ್ಯಗಳನ್ನು ತೋರಿಸಲು ಗ್ರಾಹಕರಿಂದ ಚಂದಾದಾರಿಕೆ ಶುಲ್ಕವನ್ನು ವಿಧಿಸುವ ಬದಲು, ಅವರು ದೀರ್ಘಾವಧಿಯ ಲಾಭದ ಆಟವನ್ನು ಆಡಿದ್ದಾರೆ. ಉಚಿತವಾಗಿ ಪಂದ್ಯಗಳನ್ನು ತೋರಿಸಿಯೂ ಕಂಪನಿ ಕೋಟ್ಯಾಂತರ ಹಣ ಗಳಿಸುತ್ತಿದೆ.

ಇದನ್ನೂ ನೋಡಿ-