“ವಿರಾಟ್ ಕೊಹ್ಲಿ ಅಂದ್ರೆ ಯಾರು? ನನಗೆ ಗೊತ್ತಿಲ್ಲ..” ಎಂದ ಫುಟ್ಬಾಲ್ ದಿಗ್ಗಜ ರೊನಾಲ್ಡೋ! ಫ್ಯಾನ್ಸ್ ಫುಲ್ ಶಾಕ್

Ronaldo on Virat Kohli: ಸರ್ಚ್ ಇಂಜಿನ್ ದೈತ್ಯ ಗೂಗಲ್‌’ನ ಸಂಪೂರ್ಣ 25 ವರ್ಷಗಳ ಇತಿಹಾಸದಲ್ಲಿ ಅತಿ ಹೆಚ್ಚು ಹುಡುಕಲ್ಪಟ್ಟ ಕ್ರಿಕೆಟಿಗರಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ ಕೊಹ್ಲಿ. ಶ್ರೇಷ್ಠ ಆಟಗಾರರಾದ ಸಚಿನ್ ತೆಂಡೂಲ್ಕರ್, ಎಂಎಸ್ ಧೋನಿ, ರೋಹಿತ್ ಶರ್ಮಾ ಕೂಡ ಈ ಪಟ್ಟಿಯಲ್ಲಿದ್ದಾರೆ.

Ronaldo on Virat Kohli

Ronaldo on Virat Kohli: ವಿಶ್ವದಾದ್ಯಂತ ಅತಿ ಹೆಚ್ಚು ಫಾಲೋವರ್ಸ್ ಹೊಂದಿರುವ ಕ್ರೀಡಾಪಟುಗಳಲ್ಲಿ ವಿರಾಟ್ ಕೊಹ್ಲಿ ಕೂಡ ಒಬ್ಬರು. ಪೋರ್ಚುಗಲ್‌’ನ ಶ್ರೇಷ್ಠ ಸ್ಟ್ರೈಕರ್ ಕ್ರಿಸ್ಟಿಯಾನೊ ರೊನಾಲ್ಡೊ ಮತ್ತು ಅರ್ಜೆಂಟೀನಾದ ವಿಶ್ವವಿಜೇತ ನಾಯಕ ಲಿಯೋನೆಲ್ ಮೆಸ್ಸಿ ನಂತರ ಅವರು ಅತಿ ಹೆಚ್ಚು ಫಾಲೋವರ್ಸ್ ಹೊಂದಿರುವ ಕ್ರೀಡಾಪಟು. ಅಷ್ಟೇ ಅಲ್ಲದೆ, ಸರ್ಚ್ ಇಂಜಿನ್ ದೈತ್ಯ ಗೂಗಲ್‌’ನ ಸಂಪೂರ್ಣ 25 ವರ್ಷಗಳ ಇತಿಹಾಸದಲ್ಲಿ ಅತಿ ಹೆಚ್ಚು ಹುಡುಕಲ್ಪಟ್ಟ ಕ್ರಿಕೆಟಿಗರಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ ಕೊಹ್ಲಿ. ಶ್ರೇಷ್ಠ ಆಟಗಾರರಾದ ಸಚಿನ್ ತೆಂಡೂಲ್ಕರ್, ಎಂಎಸ್ ಧೋನಿ, ರೋಹಿತ್ ಶರ್ಮಾ ಕೂಡ ಈ ಪಟ್ಟಿಯಲ್ಲಿದ್ದಾರೆ.

ಇದನ್ನೂ ಓದಿ: ನೋಡೋಕೆ 2 ಕಣ್ಣುಗಳೇ ಸಾಲುತ್ತಿಲ್ಲ… ಅಷ್ಟೊಂದು ಅದ್ಭುತವಾಗಿದೆ ವಿರಾಟ್ ಕೊಹ್ಲಿಯ ಹೊಸ ‘ಅರಮನೆ’!

ಆದರೆ ಇಲ್ಲೊಬ್ಬ ಆಟಗಾರ, ವಿರಾಟ್ ಕೊಹ್ಲಿ ಯಾರೆಂದೇ ತಿಳಿದಿಲ್ಲ ಎಂದು ಹೇಳಿದ್ದಾರೆ. ಆ ಆಟಗಾರ ಬೇರಾರು ಅಲ್ಲ, ಬ್ರೆಜಿಲಿಯನ್ ಶ್ರೇಷ್ಠ ಫುಟ್ಬಾಲ್ ಆಟಗಾರ ರೊನಾಲ್ಡೊ. ಅಂದಹಾಗೆ ಯೂಟ್ಯೂಬರ್ ಒಬ್ಬರು, ರೊನಾಲ್ಡೋಗೆ ಕೆಲವು ಪ್ರಶ್ನೆಗಳನ್ನು ಕೇಳಿದೆ. ಅದೇ ವೇಳೆ ವಿರಾಟ್ ಕೊಹ್ಲಿ ಬಗ್ಗೆ ಕೇಳಿದ್ದಾರೆ. ಅದಕ್ಕೆ ರೊನಾಲ್ಡೊ ಅವರು ಯಾರೆಂದು ಗೊತ್ತಿಲ್ಲ ಎಂದು ಹೇಳಿದ್ದಾರೆ.

• ಯೂಟ್ಯೂಬರ್: ವಿರಾಟ್ ಕೊಹ್ಲಿ ಗೊತ್ತಾ?
• ರೊನಾಲ್ಡೊ: ವಿರಾಟ್ ಕೊಹ್ಲಿ ಯಾರು?
• ಯೂಟ್ಯೂಬರ್: ಭಾರತದ ವಿರಾಟ್ ಕೊಹ್ಲಿ
• ರೊನಾಲ್ಡೊ: ಇಲ್ಲ, ನನಗೆ ಗೊತ್ತಿಲ್ಲ
• ಯೂಟ್ಯೂಬರ್: ನಿಮಗೆ ವಿರಾಟ್ ಕೊಹ್ಲಿ ಗೊತ್ತಿಲ್ಲವೇ!?
• ರೊನಾಲ್ಡೊ: ಯಾರವರು? ಆಟಗಾರನಾ?
• ಯೂಟ್ಯೂಬರ್: ಅವರು ಕ್ರಿಕೆಟ್ ಆಟಗಾರ.
• ರೊನಾಲ್ಡೊ: ಅವರು ಇಲ್ಲಿ ಹೆಚ್ಚು ಜನಪ್ರಿಯವಾಗಿಲ್ಲ.
• ರೊನಾಲ್ಡೊ ಹೀಗಂದಾಗ ಆಶ್ಚರ್ಯಗೊಂಡ ಯೂಟ್ಯೂಬರ್, ತನ್ನ ಫೋನ್‌’ನಲ್ಲಿ ವಿರಾಟ್ ಕೊಹ್ಲಿಯ ಫೋಟೋವನ್ನು ತೋರಿಸಿ, ಇವರು ಅತ್ಯುತ್ತಮ ಕ್ರಿಕೆಟರ್. ಬಾಬರ್ ಆಜಮ್ ಥರ, ನೀವು ಇವರನ್ನು ನೋಡಿಲ್ಲವೇ?” ಎಂದು ಪ್ರಶ್ನಿಸಿದ್ದಾರೆ.

ಆಗ ರೊನಾಲ್ಡೊ ಹೌದು ನಾನು ನೋಡಿದ್ದೇನೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಸುರೇಶ್ ರೈನಾ ಪ್ರಕಾರ ಟಿ20 ವಿಶ್ವಕಪ್’ನಲ್ಲಿ ಭಾರತದ X-ಫ್ಯಾಕ್ಟರ್ ಆಗಿ ಆಡೋದು ಈತ!