Pakistan ಲೆಗ್ ಸ್ಪಿನ್ನರ್ Yasir Shah ವಿರುದ್ಧ ಗನ್ ಪಾಯಿಂಟ್ ಮೇಲೆ ಅಪ್ರಾಪ್ತೆಯ ಮೇಲೆ ಅತ್ಯಾಚಾರ ಎಸಗಿದ ಆರೋಪ!

Pakistan Cricketer Yasir Shah(File Photo)

ಪಾಕಿಸ್ತಾನ ಕ್ರಿಕೆಟ್ ತಂಡದ (Pakistan Cricket Team) ಲೆಗ್ ಸ್ಪಿನ್ನರ್ ಯಾಸಿರ್ ಶಾಹ್ (Yasir Shah) ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಅಪ್ರಾಪ್ತ ಬಾಲಕಿಯ ಮೇಲೆ ಅತ್ಯಾಚಾರವೆಸಗಿದ (Rape Allegations) ಆರೋಪದ ಮೇಲೆ ಯಾಸಿರ್ ಹಾಗೂ ಆತನ ಸ್ನೇಹಿತನ ವಿರುದ್ಧ ಎಫ್‌ಐಆರ್ ದಾಖಲಾಗಿದೆ. ಯಾಸಿರ್ ಮತ್ತು ಆತನ ಸ್ನೇಹಿತನ ವಿರುದ್ಧ ಇಸ್ಲಾಮಾಬಾದ್‌ನ ಶಾಲಿಮಾರ್ ಪೊಲೀಸ್ ಠಾಣೆಯಲ್ಲಿ (Shalimar Police Station Islamabad) ಎಫ್‌ಐಆರ್ ದಾಖಲಾಗಿದೆ. ಇಬ್ಬರೂ 14 ವರ್ಷದ ಅಪ್ರಾಪ್ತ ಬಾಲಕಿಯ ಮೇಲೆ ಅತ್ಯಾಚಾರ ಎಸಗಿದ ಗಂಭೀರ ಆರೋಪ ಎದುರಿಸುತ್ತಿದ್ದಾರೆ. ಇದೀಗ ಬಾಲಕಿಯ ವೈದ್ಯಕೀಯ ಪರೀಕ್ಷೆ ನಡೆಸಲು ಪೊಲೀಸರು ಸಿದ್ಧತೆ ನಡೆಸಿದ್ದಾರೆ. ಆದಾಗ್ಯೂ, ಈ ವಿಷಯದಲ್ಲಿ ಯಾಸಿರ್ ಅಥವಾ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (PCB) ಯಿಂದ ಇದುವರೆಗೆ ಯಾವುದೇ ಹೇಳಿಕೆ ಬಂದಿಲ್ಲ. ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದಾಗ, ಯಾಸಿರ್ ತನಗೆ ಫ್ಲಾಟ್ ಖರೀದಿಸಿ ಮುಂದಿನ 18 ವರ್ಷಗಳ ವೆಚ್ಚವನ್ನು ಭರಿಸುವುದಾಗಿ ಹೇಳಿದ್ದಾನೆ ಎಂದು ಸಂತ್ರಸ್ತೆ ಪೊಲೀಸರಿಗೆ ತಿಳಿಸಿದ್ದಾಳೆ.

کرکٹر یاسر شاہ In Directly ریپ کیس میں نامزد
اسلام آباد کے تھانہ شالیمار میں مقدمہ درج #YasirShah pic.twitter.com/hVkNlLdV7i

— Ejaz Wasim Bakhri (@ejazwasim) December 20, 2021

ಇದನ್ನೂ ಓದಿ-VIDEO: ಕ್ರಿಕೆಟ್ ಇತಿಹಾಸದಲ್ಲಿ ದೊಡ್ಡ ವಿಸ್ಮಯ, ಕ್ಲೀನ್ ಬೌಲ್ಡ್ ಆದ ನಂತರವೂ ಬ್ಯಾಟ್ಸ್‌ಮನ್ ಔಟಾಗಲಿಲ್ಲ

ಜಿಯೋ ನ್ಯೂಸ್ ವರದಿಯ ಪ್ರಕಾರ, ಸಂತ್ರಸ್ತ ಬಾಲಕಿ ದಾಖಲಿಸಿರುವ ಎಫ್‌ಐಆರ್‌ನಲ್ಲಿ, ಯಾಸಿರ್ ಮತ್ತು ಆತನ ಸ್ನೇಹಿತ ಫರ್ಹಾನ್ ತನ್ನ ಮೇಲೆ ಬಂದೂಕು ತೋರಿಸಿ ಅತ್ಯಾಚಾರವೆಸಗಿದ್ದಾರೆ ಎಂದು ಆರೋಪಿಸಲಾಗಿದೆ. ಇದಲ್ಲದೆ ವಿಡಿಯೋ ಚಿತ್ರೀಕರಿಸಿ ಕಿರುಕುಳ ನೀಡಿದ್ದಾರೆ ಎಂದು ಬಾಲಕಿ ಆರೋಪಿಸಿದ್ದಾಳೆ. ಈ ಕುರಿತು ತಾನು ಯಾಸಿರ್ ಅವರನ್ನು ವಾಟ್ಸಾಪ್‌ನಲ್ಲಿ ಸಂಪರ್ಕಿಸಿ ವಿಷಯ ತಿಳಿಸಿದಾಗ ಅವರು ನನ್ನನ್ನು ಗೇಲಿ ಮಾಡಿದರು ಮತ್ತು ಅವರು ಅಪ್ರಾಪ್ತ ಹುಡುಗಿಯರನ್ನು ಇಷ್ಟಪಡುತ್ತಾರೆ ಎಂದು ಹೇಳಿದರು ಎಂದು ಅಪ್ರಾಪ್ತೆಯ ಪರ ದೂರುದಾರರು ತನ್ನ FIR ನಲ್ಲಿ ನಮೂದಿಸಿದ್ದಾಳೆ. 

Some very Serious allegations against Yasir Shah. pic.twitter.com/p7TFe1zERW

— Taimoor Zaman (@taimoorze) December 20, 2021

ಇದನ್ನೂ ಓದಿ-Under 19 Cricket World Cupಗೆ Team India ಘೋಷಣೆ, ಯಶ್ ಧಲ್ ಗೆ ನಾಯಕತ್ವದ ಹೊಣೆ

ಈ ವಿಷಯವನ್ನು ಯಾರಿಗೂ ತಿಳಿಸದಂತೆ ಟೆಸ್ಟ್ ಕ್ರಿಕೆಟಿಗ ಯಾಸಿರ್ ತನಗೆ ಬೆದರಿಕೆ ಹಾಕಿದ್ದಾನೆ ಎಂದು ಬಾಲಕಿ ಆರೋಪಿಸಿದ್ದಾಳೆ. ಅಷ್ಟೇ ಅಲ್ಲ ಈ ವಿಷಯವನ್ನು ಯಾರಿಗಾದರೂ ಬಹಿರಂಗಪಡಿಸಿದರೆ, ಅದು "ಗಂಭೀರ ಪರಿಣಾಮಗಳಿಗೆ" ಕಾರಣವಾಗಲಿದೆ ಎಂದು ಅವರು ಬೆದರಿಸಿದ್ದಾರೆ. ಬಾಲಕಿಯ ಪ್ರಕಾರ 'ಯಾಸಿರ್ ಶಾ ಅವರು ಅತ್ಯಂತ ಪ್ರಭಾವಿ ವ್ಯಕ್ತಿಯಾಗಿದ್ದು, ಉನ್ನತ ಹುದ್ದೆಯಲ್ಲಿರುವ ಅಧಿಕಾರಿಯ ನಿಕಟವರ್ತಿಯಾಗಿದ್ದಾರೆ ಎಂದಿದ್ದಾಳೆ. ಯಾಸಿರ್ ಶಾ ಮತ್ತು ಫರ್ಹಾನ್ ವಿಡಿಯೋ ಮಾಡಿ ಅಪ್ರಾಪ್ತ ಬಾಲಕಿಯರನ್ನು ಅತ್ಯಾಚಾರ ಮಾಡುತ್ತಾರೆ' ಎಂದು ಬಾಲಕಿ ಆರೋಪಿಸಿದ್ದಾಳೆ.