ಬಾರ್ಡರ್ ಗವಾಸ್ಕರ್ ಟ್ರೋಫಿಯಲ್ಲಿ ಮಯಾಂಕ್’ಗೆ ಸ್ಥಾನ ನೀಡಿ: RCB ವಿರುದ್ಧ ಅಬ್ಬರಿಸಿದ್ದೇ ತಡ ದಿಗ್ಗಜರಿಂದ ಶ್ಲಾಘನೆ ಸುರಿಮಳೆ

IPL 2024: ಮಯಾಂಕ್ ಯಾದವ್ ಕೇವಲ ಎರಡು ಪಂದ್ಯಗಳನ್ನು ಆಡಿದ್ದಾರೆ, ಆದರೆ ಆಡಿದ ಅಷ್ಟೇ ಪಂದ್ಯದಲ್ಲಿ ಬಿರುಗಾಳಿ ಪ್ರದರ್ಶನ ತೋರಿದ್ದು ಸುಳ್ಳಲ್ಲ. 21 ವರ್ಷದ ಯುವ ಬೌಲರ್ ಕೇವಲ 2 ಪಂದ್ಯಗಳಲ್ಲಿ ವೇಗದ ದಾಖಲೆಗಳನ್ನು ಸೃಷ್ಟಿಸಿದ್ದಾರೆ.

Mayank Yadav

IPL 2024: ಮಯಾಂಕ್ ಯಾದವ್… ಈತನನ್ನು ಸ್ಪೀಡ್‌ ಮಾಸ್ಟರ್ ಅಥವಾ ರಾಜಧಾನಿ ಎಕ್ಸ್‌ಪ್ರೆಸ್ ಎಂದು ಕರೆದರೂ ತಪ್ಪಾಗಲ್ಲ. ಅಷ್ಟೊಂದು ಅದ್ಭುತ ಬೌಲರ್. ಐಪಿಎಲ್ ಮೂಲಕ ಭಾರತ ತಂಡಕ್ಕೆ ಹಲವು ಯುವ ತಾರೆಯರು ಎಂಟ್ರಿ ಕೊಟ್ಟಿದ್ದಾರೆ ನೀಡಿದೆ. ಇದೀಗ ಈ ಹೆಸರು ಆಯ್ಕೆಗಾರರ ​​ಗಮನವನ್ನೂ ಸೆಳೆದಿದೆ.

ಮಯಾಂಕ್ ಯಾದವ್ ಕೇವಲ ಎರಡು ಪಂದ್ಯಗಳನ್ನು ಆಡಿದ್ದಾರೆ, ಆದರೆ ಆಡಿದ ಅಷ್ಟೇ ಪಂದ್ಯದಲ್ಲಿ ಬಿರುಗಾಳಿ ಪ್ರದರ್ಶನ ತೋರಿದ್ದು ಸುಳ್ಳಲ್ಲ. 21 ವರ್ಷದ ಯುವ ಬೌಲರ್ ಕೇವಲ 2 ಪಂದ್ಯಗಳಲ್ಲಿ ವೇಗದ ದಾಖಲೆಗಳನ್ನು ಸೃಷ್ಟಿಸಿದ್ದಾರೆ.

ಇದನ್ನೂ ಓದಿ: ಐಪಿಎಲ್ ನಡುವೆ T20 ತಂಡ ಪ್ರಕಟ: ವರ್ಷಗಳ ಬಳಿಕ ಅಂತಾರಾಷ್ಟ್ರೀಯ ಕ್ರಿಕೆಟ್’ಗೆ ಮರಳಿದ ಸ್ಟಾರ್ ಆಟಗಾರ

ಸ್ಟೀವ್ ಸ್ಮಿತ್ ವಿಶ್ವದ ಶ್ರೇಷ್ಠ ಬ್ಯಾಟ್ಸ್‌ಮನ್‌’ಗಳಲ್ಲಿ ಒಬ್ಬರು. ಇದೀಗ ಮಯಾಂಕ್ ಅವರ ಬೌಲಿಂಗ್ ನೋಡಿದ ಸ್ಮಿತ್, ವರ್ಷಾಂತ್ಯದಲ್ಲಿ ನಡೆಯಲಿರುವ ಬಾರ್ಡರ್ ಗವಾಸ್ಕರ್ ಟ್ರೋಫಿಯಲ್ಲಿ ಮಯಾಂಕ್ ಜೊತೆ ಸ್ಪರ್ಧಿಸಲು ಇಚ್ಛಿಸುತ್ತೇನೆ ಎಂದಿದ್ದಾರೆ. “ಮಯಾಂಕ್ ಯಾದವ್ ಅವರು ಈ ವರ್ಷ ಬಾರ್ಡರ್ ಗವಾಸ್ಕರ್ ಟ್ರೋಫಿ ಆಡಬೇಕು. ಅವರನ್ನು ಟೆಸ್ಟ್‌ನಲ್ಲಿ ಎದುರಿಸಲು ಎದುರು ನೋಡುತ್ತಿದ್ದೇನೆ” ಎಂದು ಹೇಳಿದ್ದಾರೆ.

ಮತ್ತೊಂದೆಡೆ ಅದ್ಭುತ ವೇಗದ ಬೌಲರ್ ಕಗಿಸೊ ರಬಾಡ ಕೂಡ ಮಯಾಂಕ್ ಯಾದವ್ ಬೌಲಿಂಗ್ ಅನ್ನು ಶ್ಲಾಘಿಸಿದ್ದಾರೆ. “ಬೌಲಿಂಗ್ ಮಾಡುವ ಲೆಂತ್, ಅವರ ಯೋಜನೆ ಸ್ಪಷ್ಟವಾಗಿದೆ. ಪ್ರಚಂಡ ವೇಗವನ್ನು ಹೊಂದಿದ್ದಾರೆ” ಎಂದು ಕೊಂಡಾಡಿದ್ದಾರೆ.

'ಟೀಮ್ ಇಂಡಿಯಾದಲ್ಲಿ ಅವಕಾಶಕ್ಕೆ ಅರ್ಹರು'

ಮತ್ತಷ್ಟು ಮಾತನಾಡಿದ ರಬಾಡ, “ಈ ಮಟ್ಟದಲ್ಲಿ, ಅವರು ಆಕರ್ಷಕವಾಗಿ ಕಾಣುತ್ತಿದ್ದಾರೆ. ಆಯ್ಕೆದಾರರು ಅವರನ್ನು ತಂಡದಲ್ಲಿ ಮುಂಬರುವ ಆಟಗಾರನಾಗಿ ನೋಡುತ್ತಾರೆ ಎಂಬುದರಲ್ಲಿ ನನಗೆ ಯಾವುದೇ ಸಂದೇಹವಿಲ್ಲ. ಆದರೆ, ಅದಕ್ಕೂ ನನಗೂ ಯಾವುದೇ ಸಂಬಂಧವಿಲ್ಲ. ನನ್ನ ತಿಳುವಳಿಕೆಯ ಪ್ರಕಾರ, ಅವರು ಖಂಡಿತವಾಗಿಯೂ ಟೀಂ ಇಂಡಿಯಾದ ಮುಂಬರುವ ಆಯ್ಕೆ” ಎಂದಿದ್ದಾರೆ.

ಇದನ್ನೂ ಓದಿ: IPLನಲ್ಲಿ ಭಾರೀ ಅಬ್ಬರಿಸುತ್ತಿದ್ದಾನೆ ಬಾಲಿವುಡ್ ಸೂಪರ್ ಸ್ಟಾರ್ ಗೋವಿಂದ ಸೋದರಳಿಯ! ಯಾರು ಗೊತ್ತಾ ಆ ಆಟಗಾರ?

ಐಪಿಎಲ್‌’ನ ಮೊದಲ ಎರಡು ಪಂದ್ಯಗಳಲ್ಲಿ ಮಯಾಂಕ್ ಯಾದವ್ 155 ಕಿಮೀ ಗೂ ಹೆಚ್ಚು ವೇಗದಲ್ಲಿ ಮೂರು ಬಾರಿ ಚೆಂಡನ್ನು ಎಸೆದಿದ್ದಾರೆ.