Ind vs WI : 5 ವರ್ಷಗಳ ಕಾಲ ಕೊಹ್ಲಿ ತಿರಸ್ಕರಿಸಿದ್ದ ಆಟಗಾರನನ್ನು ಕರೆತಂದ ರೋಹಿತ್ ಶರ್ಮಾ!

ನವದೆಹಲಿ : ರೋಹಿತ್ ಶರ್ಮಾ ನಾಯಕತ್ವದ ವೃತ್ತಿಜೀವನದ ಆರಂಭ ಅದ್ಭುತವಾಗಿದೆ. ಮೊದಲ ಟಿ20 ಸರಣಿಯಲ್ಲಿ ನ್ಯೂಜಿಲೆಂಡ್ ತಂಡವನ್ನು ಸೋಲಿಸಿದ ರೋಹಿತ್ ಪಡೆ, ಇದೀಗ ಏಕದಿನ ಸರಣಿಯಲ್ಲೂ ವೆಸ್ಟ್ ಇಂಡೀಸ್ ಅನ್ನು ಸೋಲಿಸಿದೆ. ರೋಹಿತ್ ತಂಡದ ನಾಯಕತ್ವ ವಹಿಸಿಕೊಂಡ ನಂತರ ಕೆಲವು ಹೊಸ ಮತ್ತು ಹಳೆಯ ಆಟಗಾರರು ತಂಡಕ್ಕೆ ಮರಳಿದ್ದಾರೆ. ಈ ಪಟ್ಟಿಯಲ್ಲಿ ವಿರಾಟ್ ಕೊಹ್ಲಿ 5 ವರ್ಷಗಳ ಕಾಲ ತಂಡದಿಂದ ಹೊರಗಿಟ್ಟ ಆಟಗಾರನಿಗೆ ರೋಹಿತ್ ಅವಕಾಶ ನೀಡಿದ್ದಾರೆ, ಆದರೆ ಇದೀಗ ಈ ಆಟಗಾರ ರೋಹಿತ್ ತಂಡಕ್ಕೆ ದೊಡ್ಡ ಅಸ್ತ್ರವಾಗಿದ್ದಾರೆ.

ಈ ಆಟಗಾರ 5 ವರ್ಷಗಳ ಕಾಲ ತಂಡದಿಂದ ಹೊರಗಿದ್ದರು

ತಂಡದ ಖಾಯಂ ನಾಯಕರಾದ ನಂತರ ರೋಹಿತ್ ಶರ್ಮಾ(Rohit Sharma) ಅವರ ಮೊದಲ ಏಕದಿನ ಸರಣಿ ಇದಾಗಿದೆ. ರೋಹಿತ್ ನಾಯಕರಾದ ತಕ್ಷಣ ಕಳೆದ 5 ವರ್ಷಗಳಿಂದ ಹೊರಗೆ ಕುಳಿತಿದ್ದ ಆಟಗಾರನಿಗೆ ಅವಕಾಶ ನೀಡಿದ್ದಾರೆ. ಈ ಆಟಗಾರನ ಹೆಸರು ವಾಷಿಂಗ್ಟನ್ ಸುಂದರ್. ಹೌದು, ಸುಂದರ್ 5 ವರ್ಷಗಳ ಬಳಿಕ ಏಕದಿನ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಅವರು 2017 ರಲ್ಲಿ ಟೀಮ್ ಇಂಡಿಯಾ ಪರ ತಮ್ಮ ಏಕೈಕ ODI ಪಂದ್ಯವನ್ನು ಆಡಿದ್ದರು. ಈ ಆಲ್‌ರೌಂಡರ್ ಕಳೆದ ಕೆಲವು ವರ್ಷಗಳಿಂದ ಭಾರತದ ಟೆಸ್ಟ್ ಮತ್ತು ಟಿ20 ತಂಡದಲ್ಲಿ ಆಡುತ್ತಿದ್ದರು, ಆದರೆ ಅವರಿಗೆ ಏಕದಿನ ಕ್ರಿಕೆಟ್‌ನಲ್ಲಿ ಹೆಚ್ಚಿನ ಅವಕಾಶಗಳನ್ನು ನೀಡಲಾಗಿಲ್ಲ.

ಇದನ್ನೂ ಓದಿ : IND vs WI : ಟೀಂ ಇಂಡಿಯಾಗೆ ದಿಢೀರ್ ಎಂಟ್ರಿ ನೀಡಿದ ಈ ಸ್ಪೋಟಕ ಬ್ಯಾಟ್ಸಮನ್!

ಕೊನೆಗೂ ತನ್ನ ಅಸ್ತ್ರವನ್ನು ಪ್ರಯೋಗಿಸುತ್ತಿರುವ ರೋಹಿತ್ 

ಕ್ಯಾಪ್ಟನ್ ರೋಹಿತ್ ಶರ್ಮಾ ವಾಷಿಂಗ್ಟನ್ ಸುಂದರ್(Washington Sundar) ಮೇಲೆ ಹೆಚ್ಚಿನ ವಿಶ್ವಾಸ ಹೊಂದಿದ್ದಾರೆ. ಇದಕ್ಕೆ ದೊಡ್ಡ ಉದಾಹರಣೆ ವೆಸ್ಟ್ ಇಂಡೀಸ್ ವಿರುದ್ಧದ ಎರಡನೇ ಪಂದ್ಯದಲ್ಲಿ ಕಂಡುಬಂದಿದೆ. ರೋಹಿತ್ ಪಂದ್ಯದ ನಿರ್ಣಾಯಕ ಕ್ಷಣಗಳಲ್ಲಿ ಸುಂದರ್ ಕೈಗೆ ಚೆಂಡನ್ನು ನೀಡಿದ್ದರು ಮತ್ತು ಅವರು ನಾಯಕನ ನಿರ್ಧಾರವನ್ನು ನಿಜವಾಗಿಸಿದರು. ಮುಂಬರುವ ದಿನಗಳಲ್ಲಿ ಸುಂದರ್ ಅವರನ್ನು ಟೀಂ ಇಂಡಿಯಾದಲ್ಲಿ ಬಹುಕಾಲ ನೋಡಬಹುದು. ಸುಂದರ್ ಚೆಂಡಿನಿಂದಲೂ ಬ್ಯಾಟ್‌ನಿಂದಲೂ ಅದ್ಭುತಗಳನ್ನು ಮಾಡಬಹುದು ಮತ್ತು ಅವರು ತುಂಬಾ ಚಿಕ್ಕವರಾಗಿದ್ದಾರೆ.

ಚಾಹಲ್ ಜೊತೆಯಾದ ಸುಂದರ್

ವೆಸ್ಟ್ ಇಂಡೀಸ್(Ind Vs WI) ವಿರುದ್ಧದ ಈ ಸರಣಿಯ ಮೊದಲು, ಈ ಪಂದ್ಯದಲ್ಲಿ ಕುಲ್ದೀಪ್ ಯಾದವ್ ಮತ್ತು ಯುಜ್ವೇಂದ್ರ ಚಹಾಲ್ ಜೋಡಿ ಒಟ್ಟಿಗೆ ಆಡುವುದನ್ನು ಕಾಣಬಹುದು ಎಂದು ನಿರೀಕ್ಷಿಸಲಾಗಿತ್ತು. ಈ ಸರಣಿಯಲ್ಲಿ ಇಬ್ಬರೂ ಆಡುವುದನ್ನು ಕಾಣಬಹುದು ಎಂದು ಸ್ವತಃ ನಾಯಕ ರೋಹಿತ್ ಶರ್ಮಾ ಸೂಚಿಸಿದ್ದರು. ಆದರೆ ಹಾಗಾಗದೆ ಸುಂದರ್ ಜೊತೆ ಹೋಗುವುದೇ ಸರಿ ಎನಿಸಿತು ರೋಹಿತ್. ಅದೇ ವೇಳೆ ಈ ಪಂದ್ಯದಲ್ಲಿ ಚಾಹಲ್ ಬೆಂಬಲ ಪಡೆಯುತ್ತಿದ್ದಾರೆ. ಈ ನಿರ್ಧಾರವೂ ಸರಿಯಾಗಿದೆ ಏಕೆಂದರೆ ಈ ಇಬ್ಬರೂ ಆಟಗಾರರು ವೆಸ್ಟ್ ಇಂಡೀಸ್ ವಿರುದ್ಧ ಅದ್ಭುತ ಪ್ರದರ್ಶನ ನೀಡಿದ್ದಾರೆ.

ಇದನ್ನೂ ಓದಿ : Team India : ಟೀಂ ಇಂಡಿಯಾದ ಈ 3 ಸ್ಟಾರ್ ಆಟಗಾರರ ವೃತ್ತಿಜೀವನ ಅಂತ್ಯ! ಎಚ್ಚರಿಕೆ ನೀಡಿದೆ BCCI 

ಸರಣಿ ಗೆದ್ದಿದ ಟೀಂ ಇಂಡಿಯಾ 

ಭಾರತ ಮತ್ತು ವೆಸ್ಟ್ ಇಂಡೀಸ್(India vs West Indies) ನಡುವಿನ ಮೂರು ಏಕದಿನ ಸರಣಿಯ ಎರಡನೇ ಪಂದ್ಯವು ಅಹಮದಾಬಾದ್‌ನ ಕ್ರೀಡಾಂಗಣದಲ್ಲಿ ನಡೆಯಿತು. ಈ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ಟಾಸ್ ಗೆದ್ದು ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿತು. ಮೊದಲು ಬ್ಯಾಟ್ ಮಾಡಿದ ಭಾರತ ತಂಡ 237 ರನ್ ಗಳಿಸಿತ್ತು. ಇದಕ್ಕೆ ಉತ್ತರವಾಗಿ ವೆಸ್ಟ್ ಇಂಡೀಸ್ ತಂಡ ಕೇವಲ 193 ರನ್‌ಗಳಿಗೆ ಆಲೌಟ್ ಆಯಿತು. ಇದರೊಂದಿಗೆ 3 ಪಂದ್ಯಗಳ ಏಕದಿನ ಸರಣಿಯಲ್ಲಿ ಭಾರತ 2-0 ಮುನ್ನಡೆ ಸಾಧಿಸಿದೆ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು  Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.