ಸೋಲಿಲ್ಲದ ಸರದಾರ ‘ಭಾರತ’ಕ್ಕೆ ಅದ್ಭುತ ಜಯ: ಟೀಂ ಇಂಡಿಯಾ ದಾಳಿಗೆ ಬೆದರಿದ ಪಾಕಿಸ್ತಾನಕ್ಕೆ ಹೀನಾಯ ಸೋಲು

India vs Pakistan, ODI World Cup 2023: ಅಹಮದಾಬಾದ್ ನ ಪ್ರತಿಷ್ಠಿತ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಪಾಕ್ ತಂಡದ ಬ್ಯಾಟ್ಸ್ ಮನ್’ಗಳು ಆರಂಭದಲ್ಲಿ ಅಬ್ಬರಿಸಿದ್ದರೂ ಸಹ, ಮಧ್ಯಮ ಕ್ರಮಾಂಕದ ಬಳಿಕ ಕಳಪೆ ಪ್ರದರ್ಶನ ತೋರಿತು.

india vs pakistan

India vs Pakistan, ODI World Cup 2023: ಇಂದು ನಡೆದ ODI ವಿಶ್ವಕಪ್ ಪಂದ್ಯದಲ್ಲಿ ಭಾರತ ತಂಡ ಅದ್ಭುತ ಪ್ರದರ್ಶನ ನೀಡಿ, ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ ವಿರುದ್ಧ ಭರ್ಜರಿ ಜಯ ಸಾಧಿಸಿದೆ, ಏಕದಿನ ವಿಶ್ವಕಪ್ ಇತಿಹಾಸದಲ್ಲಿ ಅಜೇಯ ದಾಖಲೆ ಹೊಂದಿದ್ದ ಭಾರತ, ಇಂದೂ ಕೂಡ ಗೆಲುವಿನ ನಾಗಾಲೋಟ ಮುಂದುವರೆಸಿದೆ.

ಅಹಮದಾಬಾದ್ ನ ಪ್ರತಿಷ್ಠಿತ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಪಾಕ್ ತಂಡದ ಬ್ಯಾಟ್ಸ್ ಮನ್’ಗಳು ಆರಂಭದಲ್ಲಿ ಅಬ್ಬರಿಸಿದ್ದರೂ ಸಹ, ಮಧ್ಯಮ ಕ್ರಮಾಂಕದ ಬಳಿಕ ಕಳಪೆ ಪ್ರದರ್ಶನ ತೋರಿತು.

ಇದನ್ನೂ ಓದಿ: ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್’ನಲ್ಲಿ 300 ಸಿಕ್ಸರ್ ಬಾರಿಸಿ ಇತಿಹಾಸ ನಿರ್ಮಿಸಿದ ರೋಹಿತ್ ಶರ್ಮಾ

ಭಾರತದ ನಾಯಕ ರೋಹಿತ್ ಶರ್ಮಾ ಟಾಸ್ ಗೆದ್ದು ಮೊದಲು ಪಾಕಿಸ್ತಾನವನ್ನು ಬ್ಯಾಟಿಂಗ್ ಮಾಡಲು ಆಹ್ವಾನಿಸಿದರು. ಪಾಕಿಸ್ತಾನ ತಂಡದ ಇನಿಂಗ್ಸ್ 42.5 ಓವರ್‌’ಗಳಲ್ಲಿ 191 ರನ್‌ಗಳಿಗೆ ಕುಸಿಯಿತು. ಪಾಕಿಸ್ತಾನವು ಉತ್ತಮ ಆರಂಭವನ್ನು ಹೊಂದಿತ್ತು, ಆದರೆ ಇನಿಂಗ್ಸ್‌’ನ 8 ನೇ ಓವರ್‌’ನಲ್ಲಿ ಮೊದಲ ವಿಕೆಟ್ ಪತನವಾಯಿತು. ಅಬ್ದುಲ್ಲಾ ಶಫೀಕ್ ವೇಗಿ ಮೊಹಮ್ಮದ್ ಸಿರಾಜ್ ಎಸೆತದಲ್ಲಿ ಎಲ್ಬಿಡಬ್ಲ್ಯು ಔಟಾದರು. ಇದಾದ ಬಳಿಕ ಕ್ರಮೇಣವಾಗಿ ಒತ್ತಡ ಸೃಷ್ಟಿಸಿದ ಭಾರತದ ಬೌಲರ್’ಗಳು 191 ರನ್ ಗಳಿಗೆ ಇಡೀ ಪಾಕಿಸ್ತಾನ ತಂಡ ಪೆವಿಲಿಯನ್’ಗೆ ಮರಳುವಂತೆ ಮಾಡಿದರು.

ಭಾರತೀಯ ಬೌಲರ್‌’ಗಳ ಅಬ್ಬರಕ್ಕೆ ನಲುಗಿದ ಪಾಕ್!

ಪಾಕ್ ನಾಯಕ ಬಾಬರ್ ಅಜಮ್ 50 ರನ್ ಗಳಿಸಿ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಮೊಹಮ್ಮದ್ ರಿಜ್ವಾನ್ ವೈಯಕ್ತಿಕ ಸ್ಕೋರ್ 49 ಗಳಿಸುವಷ್ಟರಲ್ಲಿ, ಜಸ್ಪ್ರೀತ್ ಬುಮ್ರಾ ಎಸೆತಕ್ಕೆ ಬೌಲ್ಡ್ ಆದರು. ಆರಂಭಿಕ ಇಮಾಮ್ ಉಲ್ ಹಕ್ 36 ರನ್ ಮತ್ತು ಅಬ್ದುಲ್ಲಾ ಶಫೀಕ್ 20 ರನ್ ಕೊಡುಗೆ ನೀಡಿದರು. ಭಾರತದ ಪರ 5 ಬ್ಯಾಟ್ಸ್‌ಮನ್‌ಗಳು ತಲಾ 2 ವಿಕೆಟ್ ಪಡೆದರು. ವೇಗಿ ಜಸ್ಪ್ರಿಸ್ ಬುಮ್ರಾ 19 ರನ್ ನೀಡಿ 2 ವಿಕೆಟ್ ಪಡೆದರೆ, ಮೊಹಮ್ಮದ್ ಸಿರಾಜ್, ಹಾರ್ದಿಕ್ ಪಾಂಡ್ಯ, ಕುಲದೀಪ್ ಯಾದವ್ ಮತ್ತು ರವೀಂದ್ರ ಜಡೇಜಾ ತಲಾ 2 ವಿಕೆಟ್ ಪಡೆದರು. ಶಾರ್ದೂಲ್ ಠಾಕೂರ್ 2 ಓವರ್ ಬೌಲ್ ಮಾಡಿ 12 ರನ್ ನೀಡಿದರೂ ವಿಕೆಟ್ ಪಡೆಯಲು ಸಾಧ್ಯವಾಗಲಿಲ್ಲ.

ಇದನ್ನೂ ಓದಿ:  IND vs PAK: ರೋಹಿತ್ ಶರ್ಮಾರ ಈ ‘ಟ್ರಿಕ್‍’ಗೆ ಪೆವಿಲಿಯನ್ ಸೇರಿದ ಪಾಕ್‍ನ ಸ್ಫೋಟಕ ಬ್ಯಾಟ್ಸ್‌ಮನ್!

7 ಬ್ಯಾಟ್ಸ್‌’ಮನ್‌’ಗಳು ಒಟ್ಟಾದರೂ ಗಳಿಸಿದ್ದು 32 ರನ್!

ಪಾಕಿಸ್ತಾನದ ಕೊನೆಯ 7 ಬ್ಯಾಟ್ಸ್‌’ಮನ್‌’ಗಳು ಒಟ್ಟಾಗಿ 32 ರನ್ ಗಳಿಸಲಷ್ಟೇ ಶಕ್ತರಾದರು. ಸೌದ್ ಶಕೀಲ್ (6) ಅವರನ್ನು ಕುಲದೀಪ್ ಯಾದವ್ ಎಲ್ಬಿಡಬ್ಲ್ಯು ಔಟ್ ಮಾಡಿದರು. ಇಫ್ತಿಕರ್ ಅಹ್ಮದ್ (4) ಕೂಡ ಕುಲದೀಪ್’ಗೆ ವಿಕೆಟ್ ಒಪ್ಪಿಸಿ ಪೆವಿಲಿಯನ್’ಗೆ ಮರಳಿದರು. ಇನ್ನು ಜಸ್ಪ್ರೀತ್ ಬುಮ್ರಾ ಎಸೆತದಲ್ಲಿ ಶಾದಾಬ್ ಖಾನ್ 2 ರನ್ ಗಳಿಸಿ ನಿರ್ಗಮಿಸಿದರೆ, ಮೊಹಮ್ಮದ್ ನವಾಜ್ 14 ಎಸೆತಗಳಲ್ಲಿ 4 ರನ್ ಗಳಿಸಿ ಔಟ್ ಆದರು. ನಂತರ ಹಸನ್ ಅಲಿ 12 ರನ್ ಗಳಿಸಿ ರವೀಂದ್ರ ಜಡೇಜಾಗೆ ವಿಕೆಟ್ ಒಪ್ಪಿಸಿದರು. ಪಾಕಿಸ್ತಾನದ ಕೊನೆಯ ಬ್ಯಾಟ್ಸ್‌ಮನ್‌ ಆಗಿ ಹಾರಿಸ್ ರೌಫ್ (2) ವಿಕೆಟ್ ಕಬಳಿಸಿದ್ದು ಕೂಡ  ಜಡೇಜಾ ಅವರೇ…