CWC 2023: ಆರೆಂಜ್ ಜರ್ಸಿಯಲ್ಲಿ ಪಂದ್ಯ ಆಡಲಿದೆ ಭಾರತ...! ಯಾವ ತಂಡದ ವಿರುದ್ಧ? ಇಲ್ಲಿದೆ ಮಾಹಿತಿ

CWC 2023 Orange jersey: ಭಾರತ ತಂಡ ಆರೆಂಜ್ ಜೆರ್ಸಿಯಲ್ಲಿ ಆಡುವ ಸಾಧ್ಯತೆ ಇದೆ ಎಂದು ವರದಿಯಾಗಿದ್ದು, ಯಾವ ತಂಡದ ವಿರುದ್ಧ ಆಡಲಿದೆ ಎನ್ನುವುದರ ಕಂಪ್ಲೀಟ್‌ ಡಿಟೇಲ್ಸ್‌ ಇಲ್ಲಿದೆ.

CWC 2023 Team India: 2023 ರ ವಿಶ್ವಕಪ್‌ಗೆ ಮುಂಚಿತವಾಗಿ, ಡ್ರೀಮ್ 11 ಭಾರತೀಯ ತಂಡದ ಜೆರ್ಸಿ ಪ್ರಾಯೋಜಕರಾಗಿದ್ದಾರೆ. ಈ ಕಂಪನಿಯ ಜೆರ್ಸಿ ಧರಿಸಿ ಭಾರತ ವಿಶ್ವಕಪ್ ಸರಣಿಯಲ್ಲಿ ಭಾಗವಹಿಸುತ್ತಿದೆ.

ಭಾರತ ತಂಡ ಆಸ್ಟ್ರೇಲಿಯಾ ತಂಡದ ವಿರುದ್ಧ ಮೊದಲ ಲೀಗ್ ಪಂದ್ಯಕ್ಕೂ ಮುನ್ನ ಕೇಸರಿ ಬಣ್ಣದ ಜೆರ್ಸಿ ಧರಿಸಿ ತಾಲೀಮು ನಡೆಸಿತು. ಹೀಗಾಗಿ ವಿಶ್ವಕಪ್ ನಲ್ಲೂ ಭಾರತ ತಂಡ ಆರೆಂಜ್ ಜೆರ್ಸಿಯಲ್ಲಿ ಆಡಲಿದೆಯೇ ಎಂಬ ಪ್ರಶ್ನೆ ಎದ್ದಿತ್ತು. ಆದರೆ, ಎಂದಿನಂತೆ ಭಾರತ ತಂಡ ನೀಲಿ ಜೆರ್ಸಿಯಲ್ಲಿ ಆಡಿತ್ತು.

ಇದನ್ನೂ ಓದಿ-IND VS AUS ಸರಣಿಯ ನಡುವೆ ಶಾಕಿಂಗ್ ನ್ಯೂಸ್, ಈ ಆಟಗಾರನಿಗೆ ಎರಡು ಪಂದ್ಯಗಳಿಗೆ ನಿಷೇಧ

ಇನ್ನು ದಕ್ಷಿಣ ಆಫ್ರಿಕಾ ತಂಡವು ಎರಡು ಜೆರ್ಸಿಗಳನ್ನು ಹೊಂದಿದೆ. ಭಾನುವಾರದ ಪಂದ್ಯಗಳಲ್ಲಿ ಮಾತ್ರ ಹಸಿರು ಜೆರ್ಸಿ ಧರಿಸಿ ಆಡಲಾಗುತ್ತದೆ. ಅದೇ ರೀತಿ ಭಾರತ ತಂಡ ಕೂಡ ಈ ಬಾರಿಯ ವಿಶ್ವಕಪ್‌ನಲ್ಲಿ ಎರಡು ಜೆರ್ಸಿ ಧರಿಸುವ ಸಾಧ್ಯತೆ ಇದೆ. ಹೌದು, ವಿಶ್ವಕಪ್ ಸರಣಿಗಾಗಿ ಭಾರತ ತಂಡದ ಮ್ಯಾನೇಜ್‌ಮೆಂಟ್ ಐಸಿಸಿಯಲ್ಲಿ ಎರಡು ಜೆರ್ಸಿಗಳನ್ನು ನೋಂದಾಯಿಸಿದೆ ಎಂದು ವರದಿಯಾಗಿದೆ. ಒಂದು ನೀಲಿ ಜರ್ಸಿ ಮತ್ತು ಇನ್ನೊಂದು ಕೇಸರಿ ಜರ್ಸಿ.

ಯಾವ ತಂಡದ ವಿರುದ್ಧ? 
ಸದ್ಯ ಭಾರತ ತಂಡ ಪಾಕಿಸ್ತಾನದ ವಿರುದ್ಧ ಕೇಸರಿ ಜರ್ಸಿಯಲ್ಲಿ ಆಡಲಿದೆ ಎಂದು ವರದಿಯಾಗಿದೆ. ಅಕ್ಟೋಬರ್ 14 ರಂದು ಅಹಮದಾಬಾದ್‌ನಲ್ಲಿ ಟೂರ್ನಿ ಆರಂಭವಾಗಲಿದ್ದು, ಒಂದು ಲಕ್ಷಕ್ಕೂ ಹೆಚ್ಚು ಅಭಿಮಾನಿಗಳು ಪಂದ್ಯ ವೀಕ್ಷಿಸುವ ನಿರೀಕ್ಷೆ ಇದೆ. ಆ ಸಮಯದಲ್ಲಿ ಭಾರತ ತಂಡವು ಕೇಸರಿ ಜರ್ಸಿಯಲ್ಲಿ ಮತ್ತು ಪಾಕಿಸ್ತಾನ ತಂಡವು ಹಸಿರು ಜೆರ್ಸಿಯಲ್ಲಿ ಆಡುವ ಸಾಧ್ಯತೆಯಿದೆ.