Ola ಪಾರುಪತ್ಯಕ್ಕೆ ಬ್ರೇಕ್ ಹಾಕಲು ಬಂತು 'ಹಮಾರಾ ಬಜಾಜ್' ಚೇತಕ್ ಇವಿ, ರೇಂಜ್ ಎಷ್ಟು ಗೊತ್ತಾ?

Bajaj Chetak Electric: ಬಜಾಜ್ ಆಟೋ ತನ್ನ ಎಲೆಕ್ಟ್ರಿಕ್ ಸ್ಕೂಟರ್ ಬಜಾಜ್ ಚೇತಕ್ EV ಅನ್ನು ಭಾರತದಲ್ಲಿ ಹೊಸ ಅವತಾರದಲ್ಲಿ ಬಿಡುಗಡೆ ಮಾಡಿದೆ. ಇದು ಹೊಸ ಲುಕ್ ಮತ್ತು ಫೀಚರ್ಸ್ ಜೊತೆಗೆ ಹೆಚ್ಚಿನ ಶ್ರೇಣಿಯನ್ನು ನೀಡಲಾಗಿದೆ.

ಬಜಾಜ್ ಚೇತಕ್ ಇಲೆಕ್ಟ್ರಿಕ್ ಹೊಸ ಅವತಾರ

New Bajaj Chetak EV: ಓಲಾ ಎಲೆಕ್ಟ್ರಿಕ್ ಪ್ರಸ್ತುತ ಭಾರತದಲ್ಲಿ ನಂಬರ್ ಒನ್ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಮಾರಾಟ ಕಂಪನಿಯಾಗಿ ಮುಂದುವರೆದಿದೆ. ಇತರ ಬ್ರ್ಯಾಂಡ್‌ಗಳು ಓಲಾಗೆ ಪೈಪೋಟಿ ನೀಡಲು ತಮ್ಮ ಕೈಲಾದಷ್ಟು ಪ್ರಯತ್ನ ಮುಂದುವರೆಸಿವೆ. ಏತನ್ಮಧ್ಯೆ, ಬಜಾಜ್ ಆಟೋ ತನ್ನ ಎಲೆಕ್ಟ್ರಿಕ್ ಸ್ಕೂಟರ್ ಬಜಾಜ್ ಚೇತಕ್ EV ಅನ್ನು ಭಾರತದಲ್ಲಿ ಹೊಸ ಅವತಾರದಲ್ಲಿ ಬಿಡುಗಡೆ ಮಾಡಿದೆ. ಇದು ಹೊಸ ಲುಕ್ ಮತ್ತು ವೈಶಿಷ್ಟ್ಯಗಳ ಜೊತೆಗೆ ಹೆಚ್ಚುವರಿ ರೇಂಜ್ ಹೊಂದಿದೆ. ಕಂಪನಿಯು ಹೊಸ ಬಜಾಜ್ ಚೇತಕ್ ಬೆಲೆಯನ್ನು 1.52 ಲಕ್ಷ ರೂ.ಗೆ ಇರಿಸಿದೆ ವಿಶೇಷವೆಂದರೆ ಇದು ಪ್ರಸ್ತುತ ಆವೃತ್ತಿಯ ಜೊತೆಗೆ ಮಾರಾಟವಾಗಲಿದ್ದು, ಅದರ ಬೆಲೆ ₹ 1.22 ಲಕ್ಷ ರೂ.ಗಳಾಗಿದೆ.

ಲುಕ್ ಮತ್ತು ವೈಶಿಷ್ಟ್ಯಗಳು
2023 ಬಜಾಜ್ ಚೇತಕ್ ವಿನ್ಯಾಸದಲ್ಲಿ ಯಾವುದೇ ಬದಲಾವಣೆ ಇಲ್ಲ. ಆದರೆ, ಇದೀಗ ಅದನ್ನು ಮೂರು ಹೊಸ ಬಣ್ಣಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಅಲ್ಲದೆ ಇದೀಗ ಅದು ದೊಡ್ಡ ಬಣ್ಣದ LCD ಡಿಜಿಟಲ್ ಕನ್ಸೋಲ್ ಅನ್ನು ಹೊಂದಿದೆ, ಇದು ಪ್ರಸ್ತುತ ಆವೃತ್ತಿಗಿಂತ ಉತ್ತಮವಾಗಿದೆ. ಇ-ಸ್ಕೂಟರ್ ಪ್ರೀಮಿಯಂ ಟು-ಟೋನ್ ಸೀಟ್, ಬಾಡಿ-ಕಲರ್ಡ್ ರಿಯರ್ ವ್ಯೂ ಮಿರರ್, ಸ್ಯಾಟಿನ್ ಬ್ಲ್ಯಾಕ್ ಗ್ರ್ಯಾಬ್ ರೈಲ್ ಮತ್ತು ಮ್ಯಾಚಿಂಗ್ ಪಿಲಿಯನ್ ಫುಟ್‌ರೆಸ್ಟ್ ಕಾಸ್ಟಿಂಗ್ ಅನ್ನು ಸಹ ಹೊಂದಿದೆ. ಇದಲ್ಲದೇ, ಹೆಡ್‌ಲ್ಯಾಂಪ್ ಕೇಸಿಂಗ್, ಇಂಡಿಕೇಟರ್‌ಗಳು ಮತ್ತು ಸೆಂಟ್ರಲ್ ಟ್ರಿಮ್ ಅಂಶಗಳು ಈಗ ಇದ್ದಿಲು ಕಪ್ಪು ಬಣ್ಣದಲ್ಲಿದ್ದು, ಮಾದರಿಗೆ ತಾಜಾ ಮತ್ತು ನಾವಿನ್ಯಭರಿತ ನೋಟವನ್ನು ನೀಡುತ್ತದೆ.

ಇದನ್ನೂ ಓದಿ-OMG! ಮುಂದಿನ 12 ವರ್ಷಗಳಲ್ಲಿ ಮನುಷ್ಯ ತನ್ನ ಯೋಚನೆ ಮತ್ತು ಅರ್ಥಮಾಡಿಕೊಳ್ಳುವ ಸಾಮರ್ಥ್ಯ ಕಳೆದುಕೊಳ್ಳುತ್ತಾನಂತೆ!

ಪೂರ್ಣ ಚಾರ್ಜ್‌ನಲ್ಲಿ ಎಷ್ಟು ರೇಂಜ್?
ರೇಂಜ್ ಅನ್ವೇಷಕರಿಗೆ ಬಜಾಜ್ ಚೇತಕ್ ಅನ್ನು ನವೀಕರಿಸಲಾಗಿದೆ. ಈ ಎಲೆಕ್ಟ್ರಿಕ್ ಸ್ಕೂಟರ್ ಈಗ 90 ಕಿಮೀ ಬದಲಿಗೆ ಒಂದೇ ಚಾರ್ಜ್‌ನಲ್ಲಿ 108 ಕಿಮೀ (ಎಆರ್‌ಎಐ) ಓಡಬಹುದು. ಆದರೆ, ಒಂದು ಬಾರಿ ಚಾರ್ಜ್ ಮಾಡಿದರೆ ನಿಜವಾದ ರೇಂಜ್ ಈಗಲೂ ಕೂಡ   90 ಕಿಮೀ ಎಂದು ಕಂಪನಿ ಹೇಳುತ್ತದೆ. ಬ್ಯಾಟರಿಯ ಗಾತ್ರವನ್ನು 2.88 kWh ನಲ್ಲಿ ಮಾತ್ರ ಇರಿಸಲಾಗಿದೆ. ಇದರ ಎಲೆಕ್ಟ್ರಿಕ್ ಮೋಟಾರ್ 5.3 bhp ಶಕ್ತಿ ಮತ್ತು 20 Nm ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

ಇದನ್ನೂ ಓದಿ-Jio ಕಂಪನಿಯ ಅತ್ಯಂತ ಅಗ್ಗದ ಪ್ಲಾನ್ ಇದು, ನೆಟ್ಫ್ಲಿಕ್ಸ್-ಪ್ರೈಮ್ ವಿಡಿಯೋ ಸೇರಿದಂತೆ ಅನಿಯಮಿತ ಕರೆ ಮತ್ತು 200ಜಿಬಿ ಡೇಟಾ!

4 ಗಂಟೆಗಳಲ್ಲಿ ಫುಲ್ ಚಾರ್ಜ್ ಆಗುತ್ತದೆ
2023 ಬಜಾಜ್ ಚೇತಕ್ ಸಂಪೂರ್ಣವಾಗಿ ಲೋಹದ ದೇಹವನ್ನು ಹೊಂದಿರುತ್ತದೆ ಮತ್ತು ಆನ್‌ಬೋರ್ಡ್ ಚಾರ್ಜರ್ ಅನ್ನು ಪಡೆಯುತ್ತದೆ, ಇದು ಸುಮಾರು ನಾಲ್ಕು ಗಂಟೆಗಳಲ್ಲಿ ಬ್ಯಾಟರಿಯನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡುತ್ತದೆ. ಎಲೆಕ್ಟ್ರಿಕ್ ಸ್ಕೂಟರ್ ವೇಗದ ಚಾರ್ಜಿಂಗ್ ಆಯ್ಕೆಯೊಂದಿಗೆ ಬರುವುದಿಲ್ಲ. ಸ್ಕೂಟರ್‌ಗಾಗಿ ಬುಕ್ಕಿಂಗ್‌ಗಳು ಶೀಘ್ರದಲ್ಲಿಯೇ ಆರಂಭಗೊಳ್ಳಲಿವೆ. ಆದರೆ ವಿತರಣೆಗಳು ಏಪ್ರಿಲ್‌ನಿಂದ ಪ್ರಾರಂಭವಾಗುತ್ತವೆ. ಕಂಪನಿಯು ಪ್ರಮುಖ ಮಾರಾಟಗಾರರೊಂದಿಗೆ ಸರಬರಾಜು ಸರಣಿ ಮಾದರಿಯನ್ನು ಪುನರ್ರಚಿಸಿದೆ ಎಂದು ಹೇಳಿಕೊಂಡಿದೆ. ಇದು ಪ್ರತಿ ತಿಂಗಳು 10,000 ಕ್ಕೂ ಹೆಚ್ಚು ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಉತ್ಪಾದಿಸಲು ಕಂಪನಿಗೆ ಸಹಾಯ ಮಾಡುತ್ತದೆ.

ಇದನ್ನೂ ನೋಡಿ-