Tecno Smartphone: ಕೇವಲ 6 ಸಾವಿರ ರೂ.ಗೆ ಅದ್ಭುತ ವೈಶಿಷ್ಟ್ಯಗಳುಳ್ಳ ಸ್ಮಾರ್ಟ್‌ಫೋನ್..!

Tecno ಶೀಘ್ರದಲ್ಲೇ ಭಾರತೀಯ ಮಾರುಕಟ್ಟೆಗೆ 6 ಸಾವಿರ ರೂ. ಬೆಲೆಯ ಸ್ಮಾರ್ಟ್‌ಫೋನ್ ಅನ್ನು ಪ್ರಸ್ತುತಪಡಿಸಲಿದೆ. ಈ ಫೋನ್ 6.5-ಇಂಚಿನ ಡಿಸ್ಪ್ಲೇ, 8MP ಕ್ಯಾಮೆರಾ ಮತ್ತು 5000mAh ಬ್ಯಾಟರಿ ಹೊಂದಿರುತ್ತದೆ.

Tecno POP 5 LTE ಸ್ಮಾರ್ಟ್‌ಫೋನ್

ನವದೆಹಲಿ: Tecno ಭಾರತೀಯ ಮಾರುಕಟ್ಟೆಗೆ POP ಸರಣಿಯ ಸ್ಮಾರ್ಟ್‌ಫೋನ್(Tecno SmartPhone) ಗಳನ್ನು ಪರಿಚಯಿಸಲಿದೆ. ಈ ಹಿಂದೆ ಇದರ ಬಗ್ಗೆ ಊಹಾಪೋಹಗಳಿದ್ದವು. ಆದರೆ ಅಮೆಜಾನ್‌ನಲ್ಲಿ ಈ ಬಗ್ಗೆ ಮಾಹಿತಿ ನೀಡಲಾಗಿದೆ. ಭಾರತದಲ್ಲಿ ಶೀಘ್ರವೇ Tecno POP 5 LTE ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಲಾಗುವುದು ಎಂದು ತಿಳಿಸಲಾಗಿದೆ. ಫೋನ್‌ನ ಬಿಡುಗಡೆ ದಿನಾಂಕವನ್ನು ಹೇಳಿಲ್ಲ, ಆದರೆ ಈ ತಿಂಗಳಲ್ಲಿ ದೃಢಪಡಿಸುವ ನಿರೀಕ್ಷೆಯಿದೆ. ನೈಜೀರಿಯಾ ಮತ್ತು ಫಿಲಿಪೈನ್ಸ್‌ ನಂತಹ ಮಾರುಕಟ್ಟೆಗಳಲ್ಲಿ POP ಸರಣಿಯು ಸ್ವಲ್ಪಮಟ್ಟಿಗೆ ಜನಪ್ರಿಯವಾಗಿದೆ. ಕಂಪನಿಯು ಇತ್ತೀಚೆಗೆ ಪಾಕಿಸ್ತಾನದಲ್ಲಿ POP 5 LTE ಅನ್ನು ಅನಾವರಣಗೊಳಿಸಿತ್ತು. ಇದೀಗ ಈ ಕಡಿಮೆ ಬೆಲೆಯ ಫೋನ್ ಭಾರತದಲ್ಲಿ ಸದ್ದು ಮಾಡಲು ಬರುತ್ತಿದೆ. Tecno POP 5 LTE ಬೆಲೆ ಮತ್ತು ವೈಶಿಷ್ಟ್ಯಗಳ(Tecno POP 5 LTE Specifications) ಬಗ್ಗೆ ಮತ್ತಷ್ಟು ಮಾಹಿತಿ ಇಲ್ಲಿದೆ ನೋಡಿ.

ಭಾರತದಲ್ಲಿ Tecno POP 5 LTE ಬೆಲೆ(Tecno POP 5 LTE Price )

2GB RAM ಮತ್ತು 32GB ಸ್ಟೋರೇಜ್ ರೂಪಾಂತರ ಸ್ಮಾರ್ಟ್‌ಫೋನ್(Tecno POP 5 LTE)ಗೆ ಪಾಕಿಸ್ತಾನದಲ್ಲಿ15 ಸಾವಿರ ರೂ. ಇದೆ. ಇದು 2 ಬಣ್ಣಗಳ ರೂಪಾಂತರಗಳಲ್ಲಿ ಬರಲಿದ್ದು, ಡೀಪ್ ಸೀ ಲುಸ್ಟರ್ ಮತ್ತು ಐಸ್ ಬ್ಲೂ ಬಣ್ಣಗಳು ಗ್ರಾಹಕರಿಗೆ ಇಷ್ಟವಾಗಿವೆ. ಭಾರತೀಯ ಮಾರುಕಟ್ಟೆಗೆ Tecno ಸ್ಮಾರ್ಟ್‌ಫೋನ್ ಅನ್ನು ಕೇವಲ 6 ಸಾವಿರ ರೂ. ಆರಂಭಿಕ ಬೆಲೆಗೆ ಪರಿಚಯಿಸುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ. ಹೆಚ್ಚಿನ ವೈಶಿಷ್ಟ್ಯಗಳನ್ನು ಹೊಂದಿರುವ ಫೋನಿಗೆ ಹೆಚ್ಚಿನ ಬೆಲೆ ನಿಗದಿ ಮಾಡಲಾಗುತ್ತದೆ ಎಂದು ವರದಿಯಾಗಿದೆ.

ಇದನ್ನೂ ಓದಿ: Jio ತಂದಿದೆ ಅಗ್ಗದ ಯೋಜನೆ! ಈ ಪ್ಲಾನ್ ಮೂಲಕ ಪಡೆಯಿರಿ 2GB ಡೇಟಾ, 336 ದಿನಗಳ ಅನಿಯಮಿತ ಕರೆ

Tecno POP 5 LTE ವೈಶಿಷ್ಟ್ಯಗಳು (Tecno SmartPhone Features)

Teco POP 5 LTE ಒಂದು Entry-Level ಫೋನ್ ಆಗಿರುತ್ತದೆ. HD + ರೆಸಲ್ಯೂಶನ್ ಹೊಂದಿರುವ 6.5-ಇಂಚಿನ ಡಾಟ್ ನಾಚ್ ಡಿಸ್ಪ್ಲೇಯೊಂದಿಗೆ ಇದು ಲಭ್ಯವಿರಲಿದೆ. ಈ ಫೋನ್ AI 8MP + 0.3MP ಡ್ಯುಯಲ್-ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದ್ದು, 5MP ಸೆಲ್ಫಿ ಸ್ನ್ಯಾಪರ್ ಕೂಡ ಇದೆ.

Tecno POP 5 LTE ಬ್ಯಾಟರಿ

ಈ ಫೋನ್ UNISOC SC9863 SoC ಮೂಲಕ 2GB RAM ಮತ್ತು 32GB ಸ್ಟೋರೇಜ್ ಜೊತೆಗೆ ಬರಲಿದೆ. ಈ ಸಾಧನವು ದೀರ್ಘಕಾಲಿಕ ಅಂದರೆ 5,000mAh ಬ್ಯಾಟರಿಯನ್ನು ಹೊಂದಿದ್ದು, ಹಿಂಭಾಗದಲ್ಲಿನ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್‌ನೊಂದಿಗೆ ಬರುತ್ತದೆ.

ಇದನ್ನೂ ಓದಿ: Whatsapp: ವಾಟ್ಸಾಪ್‌ನಲ್ಲಿ ಬರಲಿದೆ ಮನಮೋಹಕ ಫೀಚರ್!

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.