ವಾಟ್ಸ್ ಅಪ್ ಬಳಕೆದಾರರಿಗೆ ಮತ್ತೊಂದು ಸಂತಸದ ಸುದ್ದಿ, ಶೀಘ್ರದಲ್ಲೇ ಬರಲಿದೆ ಈ ಬಹುಪ್ರಯೋಜನಕಾರಿ ವೈಶಿಷ್ಟ್ಯ!

WhatsApp Latest Update: ವಾಟ್ಸ್ ಆಪ್ ತನ್ನ ಐಓಎಸ್ ಬಳಕೆದಾರರಿಗಾಗಿ ಹೊಸ ಅಪ್ಡೇಟ್ ಬಿಡುಗಡೆ ಮಾಡಿದೆ. ಈ ಅಪ್‌ಡೇಟ್‌ನೊಂದಿಗೆ, ಮಾಧ್ಯಮ ಫೈಲ್‌ಗಳನ್ನು ಜಾಗತಿಕವಾಗಿ ಮೂಲ ಗುಣಮಟ್ಟದಲ್ಲಿ ಡಾಕ್ಯುಮೆಂಟ್‌ಗಳಂತೆ ಹಂಚಿಕೊಳ್ಳಲು ಬಳಕೆದಾರರಿಗಾಗಿ ಸಾಧ್ಯವಾಗಲಿದೆ (Technology News In Kannada).

ಬೆಂಗಳೂರು: ವಾಟ್ಸ್ ಅಪ್  ತನ್ನ ಬಳಕೆದಾರರಿಗೆ ಅಪ್ಲಿಕೇಶನ್ ಅನುಭವವನ್ನು ಮತ್ತಷ್ಟು ಉಪಯುಕ್ತವಾಗಿಸಲು ನವೀಕರಣವನ್ನು ಬಿಡುಗಡೆ ಮಾಡಿದೆ. ನವೀಕರಣದೊಂದಿಗೆ, ಜಾಗತಿಕವಾಗಿ ತ್ವರಿತ ಸಂದೇಶ ಅಪ್ಲಿಕೇಶನ್‌ನಲ್ಲಿ ಅನೇಕ ಹೊಸ ವೈಶಿಷ್ಟ್ಯಗಳನ್ನು ಪರಿಚಯಿಸಲಾಗಿದೆ. ಮೆಟಾ-ಮಾಲೀಕತ್ವದ ತ್ವರಿತ ಸಂದೇಶ ಅಪ್ಲಿಕೇಶನ್ ವಾಟ್ಸ್ ಅಪ್  ಜಾಗತಿಕವಾಗಿ ವೈಶಿಷ್ಟ್ಯವನ್ನು ಹೊರತಂದಿದೆ, ಇದರ ಸಹಾಯದಿಂದ ಬಳಕೆದಾರರು ಇದೀಗ  ಯಾವುದೇ ಮಾಧ್ಯಮ ಫೈಲ್ ಅಂದರೆ ಫೋಟೋಗಳು ಮತ್ತು ವೀಡಿಯೊಗಳನ್ನು ಮೂಲ ಗುಣಮಟ್ಟದಲ್ಲಿ ಫೈಲ್ ರೂಪದಲ್ಲಿ ಹಂಚಿಕೊಳ್ಳಲು ಸಾಧ್ಯವಾಗಲಿದೆ. ಐಒಎಸ್‌ಗಾಗಿ ಜಾಗತಿಕವಾಗಿ ಬಿಡುಗಡೆಯಾದ ಹೊಸ ನವೀಕರಣದೊಂದಿಗೆ ಈ ವೈಶಿಷ್ಟ್ಯವನ್ನು ಪರಿಚಯಿಸಲಾಗಿದೆ. ಇದಲ್ಲದೆ, ಅಧಿಕೃತ ಚೇಂಜ್ಲಾಗ್ನಲ್ಲಿ ಹಲವಾರು ಹೊಸ ವೈಶಿಷ್ಟ್ಯಗಳ ಬಗ್ಗೆ ಮಾಹಿತಿಯನ್ನು ನೀಡಲಾಗಿದೆ. ಬನ್ನಿ, ವಿವರವಾಗಿ ತಿಳಿದುಕೊಳ್ಳೋಣ. (Technology News In Kannada)

ಈ ವೈಶಿಷ್ಟ್ಯಗಳು ವಾಟ್ಸ್ ಅಪ್  ಅಪ್ಡೇಟ್ನೊಂದಿಗೆ ಬರುತ್ತಿವೆ
WABetainfo ನ ಇತ್ತೀಚಿನ ವರದಿಯ ಪ್ರಕಾರ, ಆಪ್ ಸ್ಟೋರ್‌ನಲ್ಲಿ ಐಓಎಸ್ ಗಾಗಿ ಇತ್ತೀಚೆಗೆ ಬಿಡುಗಡೆಯಾದ 23.24.73 ನವೀಕರಣದೊಂದಿಗೆ, ಬಳಕೆದಾರರು ಜಾಗತಿಕವಾಗಿ ಅನೇಕ ಹೊಸ ವೈಶಿಷ್ಟ್ಯಗಳನ್ನು ಪಡೆಯಲಿದ್ದಾರೆ. ಈ ಅಪ್ಡೇಟ್ ನಲ್ಲಿ ಬಳಕೆದಾರರು ದೀರ್ಘಕಾಲದಿಂದ ಕಾಯುತ್ತಿದ್ದ ವೈಶಿಷ್ಟ್ಯವನ್ನು ಎಲ್ಲಾ ಬಳಕೆದಾರರಿಗೆ ಸಹ ಹೊರತರಲಾಗಿದೆ. ಹೊಸ ವೈಶಿಷ್ಟ್ಯದ ಸಹಾಯದಿಂದ, ಇನ್ಮುಂದೆ ನೀವು  ಫೋಟೋಗಳು ಮತ್ತು ವೀಡಿಯೊಗಳನ್ನು ಅವುಗಳ ಮೂಲ ಗುಣಮಟ್ಟದಲ್ಲಿ ವಾಟ್ಸ್ ಅಪ್  ಮೂಲಕ ಹಂಚಿಕೊಳ್ಳಲು ಸಾಧ್ಯವಾಗಲಿದೆ.

ಎಲ್ಲರಿಗೂ ಕರೆ ಮಾಡದೆ ದೊಡ್ಡ ಗುಂಪುಗಳಲ್ಲಿ ಧ್ವನಿ ಚಾಟ್ ಪ್ರಾರಂಭಿಸಲು ವಾಟ್ಸ್ ಅಪ್  ವೈಶಿಷ್ಟ್ಯವನ್ನು ಬಿಡುಗಡೆ ಮಾಡುತ್ತಿದೆ ಎಂದು ಅಧಿಕೃತವಾಗಿ ಚೇಂಜ್ಲಾಗ್ ಪ್ರಕಟಣೆ ನೀಡಿದೆ. ಇದಲ್ಲದೆ, ಕಂಪನಿಯು ಇದೀಗ ಚಾಟ್‌ನಲ್ಲಿ ಹೊಸ ಬಬಲ್‌ಗಳನ್ನು ತರುತ್ತಿದೆ. ಅದರ ಸಹಾಯದಿಂದ, ಬಳಕೆದಾರರು ಮಿಸ್ ಆದ, ಚಾಲ್ತಿ ಇರುವ ಮತ್ತು ಪೂರ್ಣಗೊಂಡ ಕರೆಗಳ ಇತಿಹಾಸವನ್ನು ನೋಡಲು ಸಾಧ್ಯವಾಗಲಿದೆ. ಅಷ್ಟೇ ಅಲ್ಲ, ನಿಮ್ಮ ಅವತಾರ್ ಅನ್ನು ಬಳಸಿಕೊಂಡು ಸ್ಟೇಟಸ್ ಅಪ್‌ಡೇಟ್‌ಗಳಿಗೆ ಪ್ರತಿಕ್ರಿಯಿಸುವ ಸೌಲಭ್ಯವನ್ನು ನೀವು ಪಡೆಯಲಿರುವಿರಿ.

ನೀವು ಸುಲಭವಾಗಿ ಫೋಟೋಗಳನ್ನು ಡಾಕ್ಯುಮೆಂಟ್‌ಗಳಾಗಿ ಹಂಚಿಕೊಳ್ಳಲು ಸಾಧ್ಯವಾಗಲಿದೆ
ಇದನ್ನು ಮೂಲ ಗುಣಮಟ್ಟದ ಫೋಟೋಗಳು ಮತ್ತು ವೀಡಿಯೊಗಳನ್ನು ಡಾಕ್ಯುಮೆಂಟ್‌ಗಳಾಗಿ ಸುಲಭವಾಗಿ ಹಂಚಿಕೊಳ್ಳಲು ವಾಟ್ಸಾಪ್ ಹೊಸ ವೈಶಿಷ್ಟ್ಯವನ್ನು ಪರಿಚಯಿಸುತ್ತಿದೆ.

ಇದನ್ನೂ ಓದಿ-ಜೀಮೇಲ್ ಬಳಕೆದಾರರಿಗೊಂದು ಸಂತಸದ ಸುದ್ದಿ, ಬಂದಿದೆ ಹೊಸ ವೈಶಿಷ್ಟ್ಯ!

ಬಳಸುವುದು ಹೇಗೆ?
ಈ ವೈಶಿಷ್ಟ್ಯವನ್ನು ಬಳಸಲು, ನೀವು ಚಾಟ್ ಹಂಚಿಕೆ ಪುಟ ತೆರೆಯಬೇಕಾಗುತ್ತದೆ. ಅದರ ನಂತರ ಸಂದೇಶ ಪಟ್ಟಿಯ ಎಡಭಾಗದಲ್ಲಿ ನೀಡಲಾದ + ಐಕಾನ್ ಮೇಲೆ ಕ್ಲಿಕ್ ಮಾಡಿ. ನಂತರ ಡಾಕ್ಯುಮೆಂಟ್ ವಿಭಾಗವನ್ನು ತೆರೆಯಿರಿ. ಈಗ ಇಲ್ಲಿ ನೀವು ಆಯ್ದ ಫೋಟೋ ಅಥವಾ ವೀಡಿಯೊ ಆಯ್ಕೆಯನ್ನು ಆರಿಸಬೇಕಾಗುತ್ತದೆ. ಇಲ್ಲಿಂದ ಆಯ್ಕೆ ಮಾಡಿದ ಫೋಟೋಗಳು ಮತ್ತು ವೀಡಿಯೊಗಳನ್ನು ಹಂಚಿಕೊಂಡಾಗ, ಅವುಗಳನ್ನು ಮೂಲ ಗುಣಮಟ್ಟದಲ್ಲಿ ಹಂಚಿಕೆಯಾಗಲಿವೆ.

ಇದನ್ನೂ ಓದಿ-ಇನ್ಮುಂದೆ ನಿಮ್ಮ ವಾಟ್ಸ್ ಆಪ್ ಸ್ಟೇಟಸ್ ಅನ್ನು ಫೆಸ್ಬುಕ್, ಇನ್ಸ್ಟಾಗ್ರಾಮ್ ಮೇಲೂ ಹಂಚಿಕೊಳ್ಳಬಹುದು!

ನಿಮ್ಮ ಖಾತೆಗೆ ಈ ವೈಶಿಷ್ಟ್ಯವನ್ನು ನೀವು ಪಡೆಯದಿದ್ದರೆ ಚಿಂತಿಸಬೇಡಿ. ಶೀಘ್ರದಲ್ಲೇ ನೀವು ಮುಂದಿನ ದಿನಗಳಲ್ಲಿ ಇದನ್ನು ಬಳಸಲು ಸಾಧ್ಯವಾಗಲಿದೆ. ಇದನ್ನು ಬಳಸಲು, ನೀವು ಆಪ್ ಸ್ಟೋರ್‌ನಿಂದ ವಾಟ್ಸ್ ಅಪ್  ನ ಇತ್ತೀಚಿನ ನವೀಕರಣವನ್ನು ಇನ್ಸ್ಟಾಲ್ ಮಾಡಬೇಕು.

ಇದನ್ನೂ ನೋಡಿ-