ಜಿಂಕೆ ಹಾವನ್ನು ತಿನ್ನುತ್ತಿರುವ ವಿಡಿಯೋ ವೈರಲ್‌.. ಪ್ರಕೃತಿಯ ಅಚ್ಚರಿ ಇಲ್ಲಿದೆ ನೀವೂ ಒಮ್ಮೆ ಮಿಸ್‌ ಮಾಡದೆ ನೋಡಿ !

deer eating snake video: ವನ್ಯಜೀವಿಗಳ ಅಚ್ಚರಿಯ ಜಗತ್ತಿನ ವಿಡಿಯೋಗಳು ಆಗಾಗ್ಗೆ ಇಂಟರ್‌ನೆಟ್‌ನಲ್ಲಿ ವೈರಲ್‌ ಆಗುತ್ತಿರುತ್ತವೆ.

deer eating snake video: ಜಿಂಕೆ ಹಾವನ್ನು ತಿನ್ನುತ್ತಿರುವ ವಿಸ್ಮಯಕಾರಿ ವಿಡಿಯೋ ಆನ್‌ಲೈನ್‌ನಲ್ಲಿ ಹರಿದಾಡುತ್ತಿದೆ. ವನ್ಯಜೀವಿಗಳ ಅಚ್ಚರಿಯ ಜಗತ್ತಿನ ವಿಡಿಯೋಗಳು ಆಗಾಗ್ಗೆ ಇಂಟರ್‌ನೆಟ್‌ನಲ್ಲಿ ವೈರಲ್‌ ಆಗುತ್ತಿರುತ್ತವೆ. ಅರಣ್ಯ ಅಧಿಕಾರಿ ನಂದಾ ಅವರು ಈ ವಿಡಿಯೋವನ್ನು ಅಪ್‌ಲೋಡ್ ಮಾಡಿದ್ದಾರೆ. 

ಕ್ಯಾಮೆರಾಗಳು ಪ್ರಕೃತಿಯನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ನಮಗೆ ಸಹಾಯ ಮಾಡುತ್ತಿವೆ. ಸಸ್ಯಾಹಾರಿ ಪ್ರಾಣಿಗಳು ಕೆಲವೊಮ್ಮೆ ಹಾವುಗಳನ್ನು ತಿನ್ನುತ್ತವೆ ಎಂದು ನಂದಾ ತಮ್ಮ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ವೀಡಿಯೊವನ್ನು ಶೇರ್‌ ಮಾಡಿ ಶೀರ್ಷಿಕೆಯಲ್ಲಿ ಬರೆದಿದ್ದಾರೆ.

ಇದನ್ನೂ ಓದಿ: Viral video: ಈ ಸರ್ಪ ಎದ್ದು ನಿಂತು ಸ್ಟೈಲ್‌ ಆಗಿ ಕ್ಯಾಮರಾಗೆ ಪೋಸ್‌ ಕೊಡೋದು ನೋಡಿದ್ರೆ ನೀವು ಫಿದಾ ಆಗೋದು ಗ್ಯಾರಂಟಿ

ರಸ್ತೆಯ ಪಕ್ಕದಲ್ಲಿ ನಿಂತಿರುವ ಜಿಂಕೆಯೊಂದು ಹಾವನ್ನು ಜಗಿದು ತಿನ್ನುತ್ತಿದೆ. ಇದನ್ನು ಕಾರಿನಲ್ಲಿದ್ದ ವ್ಯಕ್ತಿಯೊಬ್ಬರು ರೆಕಾರ್ಡ್ ಮಾಡಿಕೊಂಡಿದ್ದಾರೆ. ಈ ವಿಡಿಯೋ ಎಲ್ಲರ ಅಚ್ಚರಿಗೆ ಕಾರಣವಾಗಿದೆ.

Cameras are helping us understand Nature better.
Yes. Herbivorous animals do eat snakes at times. pic.twitter.com/DdHNenDKU0

— Susanta Nanda (@susantananda3) June 11, 2023

ಜಿಂಕೆಗಳನ್ನು ಸಸ್ಯಾಹಾರಿಗಳು ಎಂದು ಕರೆಯಲಾಗುತ್ತದೆ. ರಂಜಕ, ಕ್ಯಾಲ್ಸಿಯಂ ಮತ್ತು ಉಪ್ಪಿನಂತಹ ಅಗತ್ಯ ಪೋಷಕಾಂಶಗಳ ಕೊರತೆಯನ್ನು ಪೂರೈಸಲು ಸಸ್ಯಾಹಾರಿ ಪ್ರಾಣಿಗಳು ಅಪರೂಪದ ಸಂದರ್ಭಗಳಲ್ಲಿ ಮಾಂಸವನ್ನು ತಿನ್ನಲು ಆಶ್ರಯಿಸಬಹುದು ಎಂದು ವನ್ಯಜೀವಿ ತಜ್ಞರು ಹೇಳುತ್ತಾರೆ. 

ಆಹಾರದ ಮೂಲಗಳು ವಿರಳವಾಗಿದ್ದಾಗ, ಅದರಲ್ಲೂ ಚಳಿಗಾಲದಲ್ಲಿ ಈ ನಡವಳಿಕೆಯು ಹೆಚ್ಚಾಗಿ ಕಂಡುಬರುತ್ತದೆ. ಬದುಕುಳಿಯಲು ಇಂತಹ ನಡವಳಿಕೆಯು ಅವಶ್ಯಕವಾಗಿದೆ. ಪ್ರಕೃತಿಯು ಅನಿರೀಕ್ಷಿತತೆಗಳಿಂದ ಕೂಡಿದೆ ಎಂಬುದಕ್ಕೆ ಇದು ಉದಾಹರಣೆಯಾಗಿದೆ.   

ಇದನ್ನೂ ಓದಿ: Viral Video: ಯುವಕನ ಪ್ಯಾಂಟ್‌ ಒಳಗೆ ನುಸುಳಿದ ಹಾವು... ಮುಂದೇ.! ವಿಡಿಯೋ ನೋಡಿ ಶಾಕ್‌ ಆಗುವಿರಿ