ಬೀಜಿಂಗ್: ಚೀನಾ ಸರ್ಕಾರ ದೇಶದ ಮೊದಲ ಅಂಡರ್ ವಾಟರ್ ಬುಲೆಟ್ ಟ್ರೈನ್ ನಿರ್ಮಾಣದ ಯೋಜನೆಯನ್ನು ಅನುಮೋದಿಸಿದೆ. ಸಿಎನ್ಎನ್ ವರದಿಯ ಪ್ರಕಾರ, ಈ ಬುಲೆಟ್ ಮಾರ್ಗವು ಶಾಂಘೈನ ಕರಾವಳಿ ನಗರ ನಿಂಗೊವನ್ನು ದ್ವೀಪಸಮೂಹದ ಪೂರ್ವ ತೀರಕ್ಕೆ ಸಂಪರ್ಕಿಸುತ್ತದೆ.
ಈ ಪ್ರಸ್ತಾವಿತ ಅಂಡರ್ ವಾಟರ್ ಸುರಂಗವು ಪ್ರವಾಸೋದ್ಯಮ ಉತ್ತೇಜಿಸುವ ಗುರಿ ಹೊಂದಿರುವ 77 ಕಿಲೋಮೀಟರ್ ಯಾಂಗ್-ಝು ರೈಲ್ವೇ ಯೋಜನೆಯ ಭಾಗವಾಗಿದೆ.
ಈ ಯೋಜನೆಯು ಪ್ರವಾಸೋದ್ಯಮವನ್ನು ಉತ್ತೇಜಿಸುವುದರ ಜೊತೆಗೆ ಪ್ರಾಂತ್ಯದೊಳಗೆ ಎರಡು-ಗಂಟೆಗಳ ಪ್ರಯಾಣದ ವಲಯವನ್ನು ರಚಿಸುವುದು.
ಈ ಯೋಜನೆಯನ್ನು 2005 ರಲ್ಲಿ ಮೊದಲಿಗೆ ಪ್ರಸ್ತಾಪಿಸಲಾಗಿತ್ತು. ಯಾಂಗ್-ಝು ರೈಲ್ವೇ ಯೋಜನೆಯನ್ನು ನವೆಂಬರ್ನಲ್ಲಿ ಬೀಜಿಂಗ್ ಅಂಗೀಕರಿಸಿತು. 77 ಕಿ.ಮೀ ರೈಲ್ವೆ ಮಾರ್ಗದಲ್ಲಿ ಸುಮಾರು 70.92 ಕಿ.ಮೀ. ಟ್ರ್ಯಾಕ್ಗಳನ್ನು ನಿರ್ಮಿಸಲಾಗುವುದು, ಇದರಲ್ಲಿ ನೀರಿನೊಳಗೆ 16.2 ಕಿ.ಮೀ. ಸುರಂಗವೂ ಸೇರಿದೆ.
ಈ ಹೊಸ ಮಾರ್ಗದ ಮೂಲಕ, ಪ್ರಯಾಣಿಕರು ಝೆಜಿಯಾಂಗ್ ರಾಜಧಾನಿ ಹಾಂಗ್ಝೌ ನಗರದಿಂದ ಝುಷಾನ್ಗೆ 80 ನಿಮಿಷಗಳಲ್ಲಿ ತಲುಪಲು ಸಾಧ್ಯವಾಗುತ್ತದೆ. ಇದೇ ಮಾರ್ಗವನ್ನು ತಲುಪಲು ಬಸ್ ನಲ್ಲಿ ತೆರಳಿದರೆ 4.5 ಗಂಟೆಗಳು ಬೇಕಾಗುತ್ತದೆ ಮತ್ತು ಖಾಸಗಿ ವಾಹನದಿಂದ ತೆರಳಿದರೆ 2.5 ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ.
