Cooking Oil Crisis in Europe: ನೀವು ವಿನಿಮಯ ವ್ಯವಸ್ಥೆಯ ಬಗ್ಗೆ ಪುಸ್ತಕಗಳಲ್ಲಿ ಸಾಕಷ್ಟು ಓದಿರಬೇಕು. ಭಾರತದ ಗ್ರಾಮೀಣ ಪ್ರದೇಶಗಳಲ್ಲಿ, ಈ ವ್ಯವಸ್ಥೆಯು 20-25 ವರ್ಷಗಳ ಹಿಂದೆ ಗೋಚರವಾಗಿತ್ತು. ಪ್ರಾಚೀನ ಕಾಲದಲ್ಲಿ, ಹೆಚ್ಚಿನ ವಹಿವಾಟುಗಳಿಗೆ ವಿನಿಮಯವನ್ನು ಬಳಸಲಾಗುತ್ತಿತ್ತು. ಆದರೆ ಕಾಲಾನಂತರದಲ್ಲಿ ಅದು ಕೊನೆಗೊಂಡಿತು. ಜನರು ಈ ವ್ಯವಸ್ಥೆಯನ್ನು ಸಂಪೂರ್ಣವಾಗಿ ತ್ಯಜಿಸಿದ್ದಾರೆ. ಆದರೆ ರಷ್ಯಾ-ಉಕ್ರೇನ್ ಯುದ್ಧದಿಂದಾಗಿ ಇದು ಹಿಂತಿರುಗುತ್ತಿದೆ ಎಂದು ತೋರುತ್ತದೆ ಮತ್ತು ಜನರು ಶಾಪಿಂಗ್‌ನಲ್ಲಿ ಈ ವಿಧಾನವನ್ನು ಅಳವಡಿಸಿಕೊಳ್ಳುತ್ತಿದ್ದಾರೆ ಎಂದು ಅನೇಕ ಸ್ಥಳಗಳಿಂದ ವರದಿಗಳಿವೆ. ಅದರ ವಾಸ್ತವ ಏನೆಂದು ತಿಳಿಯೋಣ.
ಇದನ್ನೂ ಓದಿ: ಚೀನಾದಲ್ಲಿ ಪ್ರವಾಹದಿಂದ 12 ಸಾವು, ಸಾವಿರಾರು ಜನರ ಸ್ಥಳಾಂತರ
ಅಡುಗೆ ಎಣ್ಣೆ ಬದಲಿಗೆ ಸಿಗುತ್ತೆ ಬಿಯರ್!
ವರದಿಯ ಪ್ರಕಾರ, ಈ ಯುದ್ಧದಿಂದಾಗಿ, ಯುರೋಪಿನ ಅನೇಕ ದೇಶಗಳಲ್ಲಿ ಅಡುಗೆ ಎಣ್ಣೆಯ ಬಿಕ್ಕಟ್ಟು ಉಂಟಾಗಿದೆ. ಈ ಬಿಕ್ಕಟ್ಟಿನ ಮಧ್ಯೆ, ದಕ್ಷಿಣ ಮ್ಯೂನಿಚ್‌ನಲ್ಲಿರುವ ಗೀಸಿಂಗರ್ ಬ್ರೂವರಿ ಎಂಬ ಬಾರ್ ಗ್ರಾಹಕರಿಂದ ಸೂರ್ಯಕಾಂತಿ ಎಣ್ಣೆ ಪಡೆದು ಅದರ ಬದಲಿಗೆ ಬಿಯರ್ ನೀಡುತ್ತಾರೆ. ಬಾರ್ ಆಫರ್ ಅಡಿಯಲ್ಲಿ ಗ್ರಾಹಕರಿಗೆ 1 ಲೀಟರ್ ಸನ್ ಫ್ಲವರ್ ಆಯಿಲ್ ಮೇಲೆ 1 ಲೀಟರ್ ಬಿಯರ್ ನೀಡಲಾಗುತ್ತಿದೆ. ಬಾರ್‌ನ ಮ್ಯಾನೇಜರ್ ಎರಿಕ್ ಹಾಫ್‌ಮನ್ ಮಾಧ್ಯಮಗಳ ಜೊತೆ ಮಾತನಾಡಿದ್ದು, "ನಮ್ಮ ಅಡುಗೆಮನೆಯಲ್ಲಿ ಎಣ್ಣೆ ಖಾಲಿಯಾಗಿದೆ. ಎಣ್ಣೆಯನ್ನು ತರಲು ತುಂಬಾ ಕಷ್ಟವಾಗುತ್ತಿದೆ. ಬಾರ್ ನಡೆಸಲು ಕೆಲವು ವ್ಯವಸ್ಥೆ ಮಾಡಬೇಕಾಗಿತ್ತು. ಆದ್ದರಿಂದ ನಾವು ಈ ಹೊಸ ಆಫರ್ ಜೊತೆ ಬಂದಿದ್ದೇವೆ. ಇಲ್ಲಿಯವರೆಗೆ ನಾವು ಬಿಯರ್ ಬದಲಿಗೆ ಸುಮಾರು 400 ಲೀಟರ್ ಸೂರ್ಯಕಾಂತಿ ಎಣ್ಣೆಯನ್ನು ಪಡೆದುಕೊಂಡಿದ್ದೇವೆ." ಎಂದು ತಿಳಿಸಿದ್ದಾರೆ.
ಉಕ್ರೇನ್-ರಷ್ಯಾ ಬಿಕ್ಕಟ್ಟು:
ಉಕ್ರೇನ್-ರಷ್ಯಾ ಬಿಕ್ಕಟ್ಟು ಅಂತ್ಯಗೊಳ್ಳುವ ಲಕ್ಷಣಗಳು ಇನ್ನೂ ಗೋಚರಿಸುತ್ತಿಲ್ಲ. ಈ ಯುದ್ಧದಿಂದಾಗಿ ಇಡೀ ವಿಶ್ವವೇ ತೀವ್ರ ಇಂಧನ ಬಿಕ್ಕಟ್ಟನ್ನು ಎದುರಿಸುತ್ತಿದೆ. ಇದಲ್ಲದೇ ಖಾದ್ಯ ತೈಲದ ಬಿಕ್ಕಟ್ಟು ಕೂಡ ಹೆಚ್ಚುತ್ತಿದೆ. ಉಕ್ರೇನ್ ಮತ್ತು ರಷ್ಯಾ ಸೂರ್ಯಕಾಂತಿ ಎಣ್ಣೆ ರಫ್ತಿನಲ್ಲಿ ಸುಮಾರು 80 ಪ್ರತಿಶತದಷ್ಟು ಕೊಡುಗೆ ನೀಡಿವೆ. ಯುರೋಪಿನ ಬಹುತೇಕ ದೇಶಗಳು ಅಡುಗೆ ಎಣ್ಣೆಗಾಗಿ ಈ ಎರಡು ದೇಶಗಳ ಮೇಲೆ ಅವಲಂಬಿತವಾಗಿದ್ದವು.
ಇದನ್ನೂ ಓದಿ: Military Helicopter Crash: ಸೇನಾ ಹೆಲಿಕಾಪ್ಟರ್ ಪತನ.. 14 ಮಂದಿ ಸಾವು
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
