close

News WrapGet Handpicked Stories from our editors directly to your mailbox

ಮುಚ್ಚಿದ ಕೋಣೆಯಲ್ಲಿ ಇಂದು ಕಾಶ್ಮೀರ ವಿಷಯದ ಬಗ್ಗೆ ಯುಎನ್‌ಎಸ್‌ಸಿ ಅನೌಪಚಾರಿಕ ಸಭೆ!

ಪರಿಷತ್ತಿನ ಅನೌಪಚಾರಿಕ ಸಮಾಲೋಚನೆಯಲ್ಲಿ ಚೀನಾ ಬುಧವಾರ ಇದನ್ನು ಕೋರಿತ್ತು.

Updated: Aug 16, 2019 , 07:39 AM IST
ಮುಚ್ಚಿದ ಕೋಣೆಯಲ್ಲಿ ಇಂದು ಕಾಶ್ಮೀರ ವಿಷಯದ ಬಗ್ಗೆ ಯುಎನ್‌ಎಸ್‌ಸಿ ಅನೌಪಚಾರಿಕ ಸಭೆ!
File Image

ವಿಶ್ವಸಂಸ್ಥೆ: ಕಾಶ್ಮೀರದಲ್ಲಿ ಇತ್ತೀಚಿನ ಬೆಳವಣಿಗೆಗಳ ಬಗ್ಗೆ ಚೀನಾದ ಕೋರಿಕೆಯ ಮೇರೆಗೆ ವಿಶ್ವಸಂಸ್ಥೆಯ ಭದ್ರತಾ ಮಂಡಳಿ (ಯುಎನ್‌ಎಸ್‌ಸಿ) ಇಂದು (ಶುಕ್ರವಾರ) ಅನೌಪಚಾರಿಕ ಸಭೆ ನಡೆಸಲಿದ್ದು, ಈ ವಿಷಯದಲ್ಲಿ ಪರಿಷತ್ತಿನ ಸದಸ್ಯರ ನಡುವೆ (ಮುಚ್ಚಿದ ಬಾಗಿಲು) ಸಮಾಲೋಚನೆ ನಡೆಯಲಿದೆ. ಈ ಮಾಹಿತಿಯನ್ನು ಭದ್ರತಾ ಮಂಡಳಿಯ ರಾಜತಾಂತ್ರಿಕರು ನೀಡಿದ್ದಾರೆ. ಚೀನಾ ಪತ್ರವೊಂದರಲ್ಲಿ ಕಾಶ್ಮೀರ ವಿಷಯದ ಕುರಿತು ಸಭೆ ಕರೆಯುವಂತೆ ಕೋರಿದೆ ಎಂದು ರಾಜತಾಂತ್ರಿಕರು ತಿಳಿಸಿದ್ದಾರೆ. ಪರಿಷತ್ತಿನ ಅನೌಪಚಾರಿಕ ಸಮಾಲೋಚನೆಯಲ್ಲಿ ಚೀನಾ ಬುಧವಾರ ಇದನ್ನು ಕೋರಿತ್ತು.

ಸಭೆಯ ಸ್ವರೂಪವು ಮುಚ್ಚಿದ ಬಾಗಿಲಿನ ಸಮಾಲೋಚನೆ (ಗುಂಪಿನ ಸದಸ್ಯರ ನಡುವಿನ ಸಮಾಲೋಚನೆ) ಆಗಿರುತ್ತದೆ, ಇದರಲ್ಲಿ ಪಾಕಿಸ್ತಾನ ಸೇರಲು ಅಸಾಧ್ಯ ಎಂದು ರಾಜತಾಂತ್ರಿಕರು ಹೇಳಿದರು. ಮುಚ್ಚಿದ ಕೋಣೆಯ ಸಭೆಯಲ್ಲಿ ರಹಸ್ಯ ಸಮಾಲೋಚನೆಗಳು ನಡೆಯಲಿದ್ದು, ಅದನ್ನು ಪ್ರಸಾರ ಮಾಡಲಾಗುವುದಿಲ್ಲ. ಅರ್ಥಾತ್, ವರದಿಗಾರರಿಗೆ ಇದಕ್ಕೆ ಪ್ರವೇಶವಿರುವುದಿಲ್ಲ.

ಈ ವಿಷಯವನ್ನು ಗುರುವಾರ ಚರ್ಚಿಸಬೇಕೆಂದು ಚೀನಾ ಬಯಸಿದೆ ಎಂದು ರಾಜತಾಂತ್ರಿಕರು ಹೇಳಿದರು, ಆದರೆ ಪೂರ್ವ ನಿರ್ಧಾರಿತ ವೇಳಾಪಟ್ಟಿಯ ಪ್ರಕಾರ, ಅಂದು ಯಾವುದೇ ಸಭೆ ನಡೆಯುವುದಿಲ್ಲ, ಆದ್ದರಿಂದ ಶುಕ್ರವಾರ ಸಭೆ ನಡೆಯಲಿದೆ ಎಂದು ಹೇಳಲಾಗಿದೆ. ಭದ್ರತಾ ಮಂಡಳಿಯ ಅಧ್ಯಕ್ಷ ಜೊವಾನ್ನಾ ರೊನ್ಕಾ ಅವರು ಸಭೆ ಯಾವಾಗ ನಡೆಯಬೇಕು ಎಂಬ ಬಗ್ಗೆ ರಾಜತಾಂತ್ರಿಕರಿಗೆ ಈ ಬಗ್ಗೆ ಸೂಚನೆ ನೀಡಿದ್ದಾರೆ.

ಭಾರತವು ಸಂವಿಧಾನದ 370 ಮತ್ತು 35 ಎ ವಿಧಿಗಳನ್ನು ರದ್ದುಪಡಿಸಿದ ನಂತರ, ಕಾಶ್ಮೀರ ವಿಷಯದ ಕುರಿತು ಸಭೆ ಕರೆಯುವಂತೆ ಪಾಕಿಸ್ತಾನ ಯುಎನ್‌ಎಸ್‌ಸಿಗೆ ಒತ್ತಾಯಿಸಿತು. ವಾಸ್ತವವಾಗಿ, ಜಮ್ಮು ಮತ್ತು ಕಾಶ್ಮೀರವು  370 ಮತ್ತು 35 ಎ ವಿಧಿಗಳ ಅಡಿಯಲ್ಲಿ ವಿಶೇಷ ರಾಜ್ಯ ಸ್ಥಾನಮಾನವನ್ನು ಹೊಂದಿತ್ತು.

ಚೀನಾವನ್ನು ಹೊರತುಪಡಿಸಿ, ಭದ್ರತಾ ಮಂಡಳಿಯ ನಾಲ್ವರು ಖಾಯಂ ಸದಸ್ಯರು ಈ ವಿವಾದ ಭಾರತ ಮತ್ತು ಪಾಕಿಸ್ತಾನದ ನಡುವಿನ ದ್ವಿಪಕ್ಷೀಯ ವಿಷಯವಾಗಿದೆ ಎಂಬ ನವದೆಹಲಿಯ ನಿಲುವನ್ನು ನೇರವಾಗಿ ಬೆಂಬಲಿಸಿದ್ದಾರೆ. ಕಾಶ್ಮೀರಕ್ಕೆ ಸಂಬಂಧಿಸಿದಂತೆ ಇತ್ತೀಚಿನ ಬೆಳವಣಿಗೆಗಳು ಭಾರತದ ಆಂತರಿಕ ಸಮಸ್ಯೆಯಾಗಿದೆ ಎಂದು ಅಮೆರಿಕ ಹೇಳಿದೆ.

ಸಿರಿಯಾ ಮತ್ತು ಮಧ್ಯ ಆಫ್ರಿಕಾ ಕುರಿತು ಬುಧವಾರ ಚರ್ಚೆ ನಡೆದಿತ್ತು, ಆದರೆ ಪಾಕಿಸ್ತಾನದ ವಿಷಯವನ್ನು ತರಲು ಒತ್ತಾಯಿಸಿ ಚೀನಾ ಕೌನ್ಸಿಲ್‌ಗೆ ಪತ್ರ ಬರೆದಿದೆ.