Career and Vastu: കരിയറില്‍ പുരോഗതി പ്രാപിക്കുന്നതിനായി ചിലര്‍ രാപകല്‍ അദ്ധ്വാനിക്കുന്നു. എന്നാല്‍, എത്ര കഠിനാധ്വാനം ചെയ്തിട്ടും ചിലപ്പോള്‍ അവര്‍ ആഗ്രഹിച്ച ഫലം ലഭിക്കാതെ വരുന്ന സാഹചര്യം ഉണ്ടാകാറുണ്ട്. അതായത്, ഇവര്‍ക്ക് ജോലിയില്‍ പുരോഗതിയ്ക്ക് പകരം വീണ്ടും വീണ്ടും പരാജയം നേരിടേണ്ടി വരുന്ന അവസ്ഥ.
Also Read: Skipping Benefits: സ്കിപ്പിംഗ് ശീലമാക്കിക്കോളൂ, ആരോഗ്യഗുണങ്ങള്‍ ഏറെ
കരിയര്‍ ഏതൊരു വ്യക്തിയെ സംബന്ധിച്ചിടത്തോളവും ഏറെ പ്രാധാന്യമര്‍ഹിക്കുന്ന ഒന്നാണ്. കരിയറില്‍ പരാജയം നേരിടുക എന്നത് ഏതൊരു വ്യക്തിക്കും ഏറെ വിഷമം പിടിച്ച ഘട്ടമാണ്. ഇത്തരം അവസരത്തില്‍ നിങ്ങള്‍ക്ക് സഹായകമാവുകയാണ് വാസ്തു ശാസ്ത്രം.
Also Read: BSNL Broadband Plan: അടിപൊളി ബ്രോഡ്ബാൻഡ് പ്ലാനുമായി ബിഎസ്എൻഎൽ!! ഓഫർ നിശ്ചിത കാലത്തേക്ക് മാത്രം
നിങ്ങളുടെ ഓഫീസിൽ വാസ്തു സംബന്ധമായ ചില മാറ്റങ്ങൾ വരുത്തുന്നത് നിങ്ങളുടെ കരിയറിന് ഏറെ സഹായകമാവും. അതായത് ഈ മാറ്റങ്ങള്‍ നിങ്ങൾക്ക്, ജോലിയിൽ വിജയവും പുരോഗതിയും സമ്മാനിക്കും. അതിനായി നിങ്ങള്‍ക്ക് ചെയ്യേണ്ടത് വളരെ ചെറിയ കാര്യമാണ്. അതായത്, ചില സാധനങ്ങള്‍ ഓഫീസില്‍ സൂക്ഷിക്കുക അത്രമാത്രം.
വാസ്തു ശാസ്ത്ര പ്രകാരം ഓഫീസിൽ സൂക്ഷിക്കുന്നത് വളരെ ശുഭകരമെന്ന് കരുതുന്ന ചില സാധനങ്ങളെക്കുറിച്ച്‌ അറിയാം.
ചിരിക്കുന്ന ബുദ്ധ പ്രതിമ (Laughing Buddha)
ചിരിക്കുന്ന ബുദ്ധ പ്രതിമ (Laughing Buddha)എപ്പോഴും മനസ്സിൽ സന്തോഷവും പോസിറ്റിവിറ്റിയും നൽകുന്നു. അതുകൊണ്ട് തന്നെ വീട്ടിലും ഓഫീസിലും ഈ പ്രതിമ സൂക്ഷിക്കുന്നത് ഗുണം ചെയ്യും. ചിരിക്കുന്ന ബുദ്ധൻ വീട്ടിൽ സന്തോഷവും ഒപ്പം കരിയറിൽ വിജയവും നൽകുന്നു. ചിരിക്കുന്ന ബുദ്ധനെ എപ്പോഴും വീടിന്‍റെ പ്രധാന വാതിലിനു സമീപം വയ്ക്കണം. അതേസമയം, ഓഫീസിലെ മേശപ്പുറത്ത് ലാഫിംഗ് ബുദ്ധ സൂക്ഷിക്കുന്നത് കരിയറിൽ പുരോഗതി നൽകുന്നു.
ക്രിസ്റ്റൽ ട്രീ (Crystal Tree)
വാസ്തു ശാസ്ത്ര പ്രകാരം, നിങ്ങൾക്ക് ഓഫീസിൽ വിജയവും പുരോഗതിയും ലഭിക്കണമെങ്കിൽ, നിങ്ങളുടെ മേശപ്പുറത്ത് ഒരു ക്രിസ്റ്റൽ ട്രീ (Crystal Tree) വയ്ക്കുക. ക്രിസ്റ്റൽ ട്രീ വളരെ ശുഭകരമായി കണക്കാക്കപ്പെടുന്നു. ഇത് നിങ്ങളുടെ മുടങ്ങിക്കിടക്കുന്ന എല്ലാ ജോലികളും പൂർത്തിയാക്കുകയും പുരോഗതിയുടെ പുതിയ വഴികൾ തുറന്നു തരികയും ചെയ്യുന്നു. അതേസമയം, നിങ്ങൾ, നിങ്ങളുടെ രാശി അനുസരിച്ച് പ്രത്യേക ക്രിസ്റ്റൽ ട്രീ ഉണ്ടാക്കുകയാണ് എങ്കിൽ അത് കൂടുതൽ ഫലദായകമായിരിയ്ക്കും.
മുള ചെടി (Lucky Bamboo)
വീട്ടിലോ ഓഫീസിലോ വളരെ നാളുകളായി എന്തെങ്കിലും പ്രധാനപ്പെട്ട ജോലികൾ മുടങ്ങിക്കിടക്കുന്ന അവസരത്തിൽ നിങ്ങളുടെ ഓഫീസ് ടേബിളിൽ ഒരു മുളച്ചെടി (Lucky Bamboo) വയ്ക്കുന്നത് ഏറെ സഹായകരമായിരിയ്ക്കും. വാസ്തു ശാസ്ത്രപ്രകാരം മുളച്ചെടി നിങ്ങളുടെ വരുമാനം വർദ്ധിപ്പിക്കുകയും നിങ്ങളുടെ ഉള്ളിൽ പോസിറ്റിവിറ്റിയുടെ അന്തരീക്ഷം സൃഷ്ടിക്കുകയും ചെയ്യുന്നു. ഓഫീസിലെ മേശപ്പുറത്ത് മുളച്ചെടി വച്ചാൽ നെഗറ്റീവ് എനർജി ഇല്ലാതാകും. എന്നാൽ ഈ ചെടി വാങ്ങുന്നതിനുപകരം, നിങ്ങൾ ആർക്കെങ്കിലും സമ്മാനിച്ചാൽ, അത് ഇരട്ടി നേട്ടങ്ങൾ നൽകുമെന്ന് ഓർമ്മിക്കുക.
ആമ (Tortoise)
ഏറെ കഠിനാധ്വാനം ചെയ്തിട്ടും നിങ്ങൾക്ക് കരിയറിൽ പുരോഗതി കൈവരിക്കാൻ സാധിക്കുന്നില്ല എങ്കിൽ ഈ ചെറിയ കാര്യം ചെയ്യുന്നത് ഏറെ സഹായകരമായിരിയ്ക്കും. അതായത്, നിങ്ങളുടെ ഓഫീസിലെ മേശപ്പുറത്ത് ഒരു ആമയെ സൂക്ഷിക്കുക. ആമയെ സൂക്ഷിക്കുന്നത് സമ്പത്ത് വർദ്ധിപ്പിക്കുകയും ഓഫീസ് അന്തരീക്ഷം മികച്ചതാക്കുകയും ചെയ്യുന്നു. ഇത് നിങ്ങളുടെ ജീവിതത്തിൽ ഏറെ പുരോഗതി ഉണ്ടാക്കും.
നിരാകരണം: ഇവിടെ നൽകിയിരിക്കുന്ന എല്ലാ വിവരങ്ങളും സാമൂഹികവും മതപരവുമായ വിശ്വാസങ്ങളെ അടിസ്ഥാനമാക്കിയുള്ളതാണ്. Zee News ഇത് സ്ഥിരീകരിക്കുന്നില്ല. ഇതിനായി, ഒരു വിദഗ്ദ്ധന്‍റെ ഉപദേശം സ്വീകരിക്കുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
