PM Kisan: ഒൻപതാമത്തെ ഗഡു ലഭിച്ചതിന്റെ സന്തോഷം നഷ്ടപ്പെട്ടേക്കാം! 42 ലക്ഷം കർഷകരുടെ മേൽ നടപടി

PM Kisan: ഇപ്പോഴിതാ 9 -ാം തവണയുടെ തുക കർഷകരുടെ അക്കൗണ്ടിൽ വരാൻ തുടങ്ങിയതേയുള്ളൂ ഇതിനിടയിൽ ഈ പദ്ധതിക്ക് അർഹതയില്ലാത്ത കർഷകരിൽ നിന്ന് തുക തിരികെ വാങ്ങാൻ സർക്കാർ തയ്യാറെടുക്കുന്നു.

ന്യൂഡൽഹി: PM Kisan: പ്രധാനമന്ത്രി കിസാൻ സമ്മാൻ നിധി യോജനയ്ക്ക് കീഴിൽ പ്രധാനമന്ത്രി നരേന്ദ്ര മോദി ഒമ്പതാം ഗഡു പുറത്തിറക്കി.  ഇതിനിടയ്ക്ക് ഈ പദ്ധതി തെറ്റായി പ്രയോജനപ്പെടുത്തിയ കർഷകരിൽ നിന്ന് തുക തിരിച്ചുപിടിക്കാനുള്ള തയ്യാറെടുപ്പുകളും സർക്കാർ ആരംഭിച്ചിട്ടുണ്ടെന്ന് റിപ്പോർട്ട്.  

ഗുണഭോക്താക്കളെ തിരിച്ചറിയുന്നത് സംസ്ഥാനങ്ങളുടെ ഉത്തരവാദിത്തമാണ് (Identification of beneficiaries is the responsibility of the states)

പ്രധാനമന്ത്രി കിസാൻ (PM Kisan) യോജനയുടെ ഗുണഭോക്താക്കളെ തിരഞ്ഞെടുക്കുന്നതും തിരിച്ചറിയുന്നതും സംസ്ഥാന, കേന്ദ്രഭരണ പ്രദേശ സർക്കാരുകളുടെ ഉത്തരവാദിത്തമാണെന്നും ബന്ധപ്പെട്ട ഗുണഭോക്താക്കളുടെ ശരിയായ/പരിശോധിച്ച ഡാറ്റ അപ്‌ലോഡ് ചെയ്യപ്പെടുമെന്നും ഒരു ചോദ്യത്തിന് മറുപടിയായി കേന്ദ്ര കൃഷി മന്ത്രി നരേന്ദ്ര സിംഗ് തോമർ പറഞ്ഞു. സംസ്ഥാനങ്ങളുടെ പിഎം കിസാൻ പോർട്ടലിൽ അപ്‌ലോഡ് ചെയ്തതിനുശേഷം മാത്രമേ പദ്ധതിയുടെ പണം നേരിട്ട് ഗുണഭോക്താക്കളുടെ ബാങ്ക് അക്കൗണ്ടിൽ നിക്ഷേപിക്കൂ.

അനർഹരായ കർഷകരിൽ നിന്ന് വീണ്ടെടുക്കൽ നടപടി ആരംഭിച്ചു (Recovery action started from ineligible farmers)

അദ്ദേഹം പറഞ്ഞതനുസരിച്ച് യോഗ്യതയില്ലാത്ത ഗുണഭോക്താക്കളുടെ അക്കൗണ്ടുകളിൽ നിക്ഷേപിച്ചിട്ടുള്ള തുക വീണ്ടെടുക്കുന്നതിന്റെ ഉത്തരവാദിത്തവും അതാത് സംസ്ഥാന സർക്കാരുകളുടേതാണെന്നാണ്.  പ്രധാനമന്ത്രി കിസാൻ (PM Kisan) യോജനയുടെ 42 ലക്ഷം അനർഹരായ കർഷകരിൽ നിന്ന് 3000 കോടി രൂപ വീണ്ടെടുക്കാൻ സംസ്ഥാനങ്ങളും കേന്ദ്രഭരണ പ്രദേശങ്ങളും നടപടി ആരംഭിച്ചതായി കൃഷി മന്ത്രി നരേന്ദ്ര സിംഗ് തോമർ പാർലമെന്റിൽ പറഞ്ഞു. PM-KISAN പദ്ധതിയുടെ നിബന്ധനകൾ പാലിക്കാത്ത കർഷകരാണ് ഇവർ.

SOP പ്രകാരം വീണ്ടെടുക്കൽ (Recovery under SOP)

ചില നികുതിദായകർ ഉൾപ്പെടെ അനർഹരായ ഗുണഭോക്താക്കൾക്ക് പദ്ധതിയുടെ ആനുകൂല്യം ലഭിച്ചതായി ഞങ്ങളുടെ ശ്രദ്ധയിൽപ്പെട്ടതായി കൃഷി മന്ത്രി പറഞ്ഞു. ആദായനികുതി റിട്ടേൺ ഫയൽ ചെയ്യുന്നതോ സർക്കാർ ജോലി ചെയ്യുന്നതോ ആയ കർഷകരെ ഈ പദ്ധതിയുടെ പരിധിയിൽ നിന്ന് ഒഴിവാക്കുന്നു.

അത്തരം ആളുകളെ തിരിച്ചറിഞ്ഞതിനുശേഷം, അതാത് സംസ്ഥാനങ്ങൾ സ്റ്റാൻഡേർഡ് ഓപ്പറേറ്റിംഗ് നടപടിക്രമങ്ങൾ (എസ്ഒപി) അനുസരിച്ച് അനർഹരായ ഗുണഭോക്താക്കളിൽ നിന്ന് പണം വീണ്ടെടുക്കുന്ന പ്രക്രിയ ആരംഭിച്ചു. ഇതിനുപുറമെ, ശരിയായ കർഷകർക്ക് പദ്ധതിയുടെ ആനുകൂല്യങ്ങൾ ലഭിക്കുന്നുണ്ടെന്ന് ഉറപ്പുവരുത്തുന്നതിനായി സർക്കാർ പല നടപടികളും സ്വീകരിച്ചിട്ടുണ്ട്.

ഈ സംസ്ഥാനങ്ങളിൽ മിക്ക കേസുകളും (Most cases in these states)

ഈ അയോഗ്യരായ കർഷകരിൽ ഏറ്റവും കൂടുതലും അസം, തമിഴ്നാട്, ഛത്തീസ്ഗഡ്, പഞ്ചാബ്, ബീഹാർ എന്നിവിടങ്ങളിലാണ്. അസമിലെ 8.35 ലക്ഷം അനർഹരായ കർഷകരുടെ അക്കൗണ്ടുകളിലേക്ക് 554.01 കോടി രൂപ കൈമാറിയതായി കൃഷി മന്ത്രി പറഞ്ഞു. ഏകദേശം 438 കോടി രൂപ പഞ്ചാബിൽ നിന്നും 358 കോടി രൂപ മഹാരാഷ്ട്രയിൽ നിന്നും വീണ്ടെടുക്കാനുണ്ട്. അതേസമയം, തമിഴ്നാട്ടിലെ അനർഹരായ കർഷകരിൽ നിന്ന് 340.56 കോടി രൂപയും ഉത്തർപ്രദേശിലെ അയോഗ്യരായ കർഷകരിൽ നിന്ന് 258.64 കോടി രൂപയും പിൻവലിക്കും.

കിസാൻ സമ്മാൻ നിധി (PM Kisan) പദ്ധതിയുടെ ഒമ്പതാം ഗഡുവായി 9.75 കോടിയിലധികം കർഷകരുടെ അക്കൗണ്ടുകളിൽ 19,500 കോടി രൂപ നിക്ഷേപിക്കാൻ തിങ്കളാഴ്ച തന്നെ പ്രധാനമന്ത്രി നരേന്ദ്ര മോദി ഗ്രീൻ സിഗ്നൽ നൽകി. ഈ പദ്ധതി പ്രകാരം എല്ലാ വർഷവും ഗുണഭോക്തൃ കർഷക കുടുംബങ്ങൾക്ക് 6000 രൂപയുടെ സാമ്പത്തിക ആനുകൂല്യങ്ങൾ നൽകുന്നു. ഈ വർഷം മൂന്ന് ഗഡുക്കളായാണ് കൈമാറ്റം. ഈ പദ്ധതി പ്രകാരം ഇതുവരെ 57 ലക്ഷം കോടിയിലധികം തുക കർഷക കുടുംബങ്ങളുടെ ബാങ്ക് അക്കൗണ്ടുകളിലേക്ക് കൈമാറിയിട്ടുണ്ട്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy