Farmer Scheme Big Update: പിഎം കിസാന്‍ സംബന്ധിച്ച വലിയ അപ്‌ഡേറ്റ്!! അടുത്ത ഗഡു എപ്പോൾ ലഭിക്കും?
PM Kisan: രാജ്യത്തെ പാവപ്പെട്ട കർഷകര്‍ക്ക് സാമ്പത്തിക സഹായം നല്‍കുക എന്ന ലക്ഷ്യത്തോടെ കേന്ദ്ര സർക്കാർ നടപ്പാക്കിവരുന്ന പദ്ധതിയാണ് പിഎം കിസാൻ സമ്മാൻ നിധി യോജന (PM Kisan Samman Nidhi Yojana). രാജ്യത്തെ കർഷകര്‍ക്ക് 2,000 രൂപ വീതം മൂന്ന് ഗഡുക്കളായി അവരുടെ ബാങ്ക് അക്കൗണ്ടിലേക്ക് നേരിട്ട് പണം നൽകിക്കൊണ്ട് കേന്ദ്ര സർക്കാർ എല്ലാ സാമ്പത്തിക വർഷവും 6,000 രൂപയുടെ ധനസഹായം കര്‍ഷകര്‍ക്ക് നല്‍കി വരുന്നു.
ഇപ്പോള്‍ പിഎം കിസാന്‍ സമ്മാന്‍ നിധിയുടെ 14-ാം ഗഡുവിനായുള്ള കാത്തിരിപ്പിലാണ് കര്‍ഷകര്‍. വര്‍ഷം തോറും 6,000 രൂപയാണ് കേന്ദ്ര സര്‍ക്കാര്‍ ഈ പദ്ധതിയിലൂടെ കര്‍ഷകര്‍ക്ക് നല്‍കുന്നത്. 2,000 രൂപയുടെ മൂന്ന് ഗഡുക്കളായാണ് പണം വിതരണം ചെയ്യുന്നത്. ഈ പദ്ധതിയിലൂടെ ഇതുവരെ 2,000 രൂപയുടെ 13 ഗഡുക്കള്‍ കര്‍ഷകര്‍ക്ക് നല്‍കിക്കഴിഞ്ഞു. രാജ്യത്തെ കോടിക്കണക്കിന് കര്‍ഷകര്‍ക്കാണ് ഈ പദ്ധതിയുടെ പ്രയോജനം ലഭിക്കുന്നത്.
പ്രധാനമന്ത്രി കിസാൻ പദ്ധതിയുമായി ബന്ധപ്പെട്ട് ഒരു സുപ്രധാന അപ്‌ഡേറ്റ് പുറത്തുവന്നു. പിഎം കിസാൻ വെബ്സൈറ്റ് അനുസരിച്ച്, പിഎം കിസാൻ രജിസ്റ്റർ ചെയ്ത കർഷകർക്ക് ഇകെവൈസി നിർബന്ധമാണ്. ഒടിപി അടിസ്ഥാനമാക്കിയുള്ള ഇകെവൈസി പിഎം കിസാൻ പോർട്ടലിൽ ലഭ്യമാണ് അല്ലെങ്കിൽ ബയോമെട്രിക് അധിഷ്‌ഠിത ഇകെവൈസിക്കായി അടുത്തുള്ള സിഎസ്‌സി കേന്ദ്രങ്ങളുമായി ബന്ധപ്പെടാം.
റിപ്പോർട്ടുകൾ പ്രകാരം, 13-ാം ഗഡു 2023 ഫെബ്രുവരി 27-ന് വിതരണം ചെയ്ത ശേഷം, 14-ാം ഗഡു ജൂണിൽ റിലീസ് ചെയ്യും. പതിനാലാം ഗഡു സംബന്ധിച്ച ഔദ്യോഗിക പ്രഖ്യാപനം ഇനിയും ഉണ്ടായിട്ടില്ല എങ്കിലും പണം ജൂണ്‍ 23ന് വിതരണം ചെയ്യുമെന്ന് കൃഷി മന്ത്രാലയവുമായി ബന്ധപ്പെട്ട വൃത്തങ്ങൾ അവകാശപ്പെടുന്നു
എന്താണ് പ്രധാനമന്ത്രി കിസാൻ യോജന?
പ്രധാനമന്ത്രി കിസാൻ യോജന 2019 ൽ പ്രധാനമന്ത്രി മോദി ആരംഭിച്ച ഒരു സുപ്രധാന സർക്കാർ പദ്ധതിയാണ്. ഇത് രാജ്യത്തുടനീളമുള്ള കർഷകരുടെ ബാങ്ക് അക്കൗണ്ടുകളിലേക്ക് 6000 രൂപ വാർഷിക നിക്ഷേപം അയയ്ക്കുന്നു. പിഎം കിസാൻ യോജനയുമായി ബന്ധപ്പെട്ട അംഗങ്ങൾക്ക് നാല് മാസത്തെ കാലയളവിൽ 2000 രൂപ വീതം ഗഡുക്കളായി ലഭിക്കും. ഈ പദ്ധതിയിലൂടെ പാവപ്പെട്ട കര്‍ഷകര്‍ക്ക് സാമ്പത്തിക സഹായം നല്‍കുക എന്നതാണ് ലക്ഷ്യമിടുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
