Mumbai : ആഡംബര കപ്പിലിൽ വെച്ച് നടത്തിയ ലഹരി പാർട്ടിക്കിടെ (Drug Party) നർക്കോട്ടിക്സ് കൺട്രോൾ ബ്യൂറോ (NCB) പിടികൂടിയ ബോളിവുഡ് സൂപ്പർ താരം ഷാറൂഖ് ഖാന്റെ മകൻ (Sharukh Khan) ആര്യൻ ഖാന്റെ (Aryan Khan) അറസ്റ്റ് ഔദ്യോഗികമായി രേഖപ്പെടുത്തി. മണിക്കൂറുകളോമുള്ള എൻസിബിയുടെ ചോദ്യം ചെയ്തിലിന് ശേഷമാണ് താരപുത്രന്റെയും സുഹൃത്തുക്കളുടെയും അറസ്റ്റ് രേഖപ്പെടുത്തിയിരിക്കുന്നത്.
ആര്യൻ ഖാനിനോടൊപ്പം ഉറ്റ സുഹൃത്തായ അർബാസ് മർച്ചന്റ് നടിയും മോഡലുമായ മുൻമുൻ ധമേച്ച എന്നിവരുടെ അറസ്റ്റാണ് ദേശീയ നർക്കോട്ടിക്സ് ബ്യൂറോ രേഖപ്പെടുത്തിരിക്കുന്നത്. അതേസമയം ഇവരോടൊപ്പം പിടിയിലായ നുപുർ സരിഗ, ഇസ്മീത്ത സിങ്, മൊഹക് ജസ്വാൽ, വിക്രാന്ത് ഛോക്കാർ, ഗോമിത് ചോപ്രോ എന്നിവരുടെ അറസ്റ്റ് സംബന്ധിച്ച വിവരങ്ങൾ ഇതുവരെ പുറത്ത് വന്നിട്ടില്ല.
ALSO READ : Aryan Khan | ഷാരൂഖിൻറെ മകൻ ആര്യൻ ഖാനെയും ചോദ്യം ചെയ്യുന്നു, റെയിഡിൽ അറസ്റ്റിലായത് 10 പേർ
മുംബൈയിൽ നിന്ന് ഗോവയിലേക്ക് പോകുന്ന റേവ് പാർട്ടി സംഘടിപ്പിച്ച ക്രൂസ് കപ്പലിലാണ് ലഹരി ഉത്പനങ്ങൾ എൻസിബി കണ്ടെത്തിയത്. എൻസിബി നടത്തിയ രണ്ടാഴ്ച നീണ്ട അന്വേണത്തിനൊടുവിലാണ് ഇന്നലെ ശനിയാഴ്ച ഒക്ടോബർ 2ന് ക്രൂയിസ് കപ്പലിൽ റെയ്ഡ് സംഘടിപ്പിച്ചത്. മാരക മയക്ക് മരുന്നകളായ MDMA, കൊക്കെയ്ൻ, മെഫെഡ്രോൺ, ചരസ് തുടങ്ങിയവയാണ് എൻസിബി ക്രൂസിൽ നിന്ന് പ്രതികളിൽ പക്കൽ നിന്ന് കണ്ടെത്തിയത്.
ALSO READ ; Rave Party: ആഡംബര കപ്പലില്‍ ലഹരിപ്പാർട്ടി; ബോളിവുഡ് താരത്തിന്റെ മകനുള്‍പ്പെടെ പിടിയില്‍
യാത്രക്കാരുടെ വേഷത്തിൽ ഉദ്യോഗസ്ഥർ കപ്പലിൽ കയറി പറ്റുകയായിരുന്നു. കപ്പൽ മുംബൈ തീരം വിട്ട് നടക്കടലിൽ എത്തിയപ്പോഴാണ് ലഹരി പാർട്ടി ആരംഭിച്ചത്. തുടർന്ന് എൻസിബി ഉദ്യോഗസ്ഥർ പ്രതികളെ പിടികൂടുകയായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
