Nelliyambam double murder: നാടിനെ നടുക്കിയ നെല്ലിയമ്പം ഇ​ര​ട്ട​ക്കൊ​ല കേസ്;​ പ്ര​തിക്ക് വധശിക്ഷ

കൽപ്പറ്റ: വയനാട് നെ​ല്ലി​യ​മ്പം ഇ​ര​ട്ട​ക്കൊ​ല​ക്കേ​സി​ലെ പ്ര​തിക്ക് വധശിക്ഷ. റിട്ടയേർഡ് അധ്യാപകൻ പത്മാലയത്തിൽ കേശവൻ, ഭാര്യ പത്മാവതി എന്നിവരെ കൊലപ്പെടുത്തിയ കേസിലാണ് അയൽവാസിയായ അർജുനെതിരെ അഡീഷണൽ ഡിസ്ട്രിക്ട് ആൻഡ് സെഷൻസ് കോടതി വധശിക്ഷ വിധിച്ചത്. മോഷണ ശ്രമത്തിനിടെയായിരുന്നു കൊലപാതകം.

2021 ജൂ​ൺ 10ന് ​രാ​ത്രി​യാ​ണ് അ​ർ​ജു​ൻ വ​യോ​ധി​ക ദ​മ്പ​തി​ക​ളാ​യ റി​ട്ട. അ​ധ്യാ​പ​ക​ന്‍ കേ​ശ​വ​നെ​യും ഭാ​ര്യ പ​ത്മാ​വ​തി​യെ​യും മോ​ഷ​ണ ശ്ര​മ​ത്തി​നി​ടെ വെ​ട്ടി​ക്കൊ​ന്ന​ത്. നെ​ല്ലി​യ​മ്പ​ത്തെ വീ​ട്ടി​ല്‍ വെ​ട്ടേ​റ്റ നി​ല​യി​ൽ അ​യ​ൽ​വാ​സി​ക​ളാ​ണ് ദ​മ്പ​തി​ക​ളെ ആ​ദ്യം ക​ണ്ട​ത്. വ​യ​റി​നും ത​ല​ക്ക് വെ​ട്ടും കു​ത്തു​മേ​റ്റ കേ​ശ​വ​ന്‍ സം​ഭ​വ​സ്ഥ​ല​ത്ത് മ​രി​ച്ചു. നെ​ഞ്ചി​നും ക​ഴു​ത്തി​നും ഇ​ട​യി​ല്‍ കു​ത്തേ​റ്റ പ​ത്മാ​വ​തി വ​യ​നാ​ട് ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ​യാ​ണ് മ​രി​ച്ച​ത്. പ​ന​മ​രം, നീ​ര്‍വാ​രം സ്‌​കൂ​ളു​ക​ളി​ലെ കാ​യി​കാ​ധ്യാ​പ​ക​നാ​യി​രു​ന്നു മ​രി​ച്ച കേ​ശ​വ​ന്‍. 

ALSO READ: ബൈക്ക് വച്ചതിനെച്ചൊല്ലി തർക്കം; വീടുകയറി ആക്രമിക്കാൻ ശ്രമിച്ചയാളെ കുത്തിക്കൊന്നു

സം​ഭ​വം ക​ഴി​ഞ്ഞ് മൂ​ന്നു മാ​സ​ത്തി​നു ​ശേ​ഷം സെ​പ്റ്റം​ബ​ർ 17നാ​ണ് പ്ര​തി അ​യ​ൽ​വാ​സി​യാ​യ നെ​ല്ലി​യ​മ്പം കാ​യ​ക്കു​ന്ന് കു​റു​മ​ക്കോ​ള​നി​യി​ലെ അ​ർ​ജു​ൻ അ​റ​സ്റ്റി​ലാ​വു​ന്ന​ത്. 2021 ജൂ​ണ്‍ ഒ​മ്പ​തി​നു മാ​ന​ന്ത​വാ​ടി ഡി​വൈ.​എ​സ്.​പി​യു​ടെ കാ​ര്യാ​ല​യ​ത്തി​ല്‍ ചോ​ദ്യം ചെ​യ്യു​ന്ന​തി​നി​ടെ പു​റ​ത്തേ​ക്കോ​ടി​യ അ​ര്‍ജു​ന്‍ വി​ഷം ക​ഴി​ച്ച് ആ​ത്മ​ഹ​ത്യ​ക്കു ശ്ര​മി​ച്ചി​രു​ന്നു. മേ​പ്പാ​ടി​യി​ലെ സ്വ​കാ​ര്യ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ ചി​കി​ത്സ​ക്കു ​ശേ​ഷം വീ​ണ്ടും ചോ​ദ്യം ചെ​യ്ത​പ്പോ​ഴാ​ണ് കു​റ്റ​സ​മ്മ​തം ന​ട​ത്തി​യ​ത്. 

അ​ഞ്ചു​ല​ക്ഷ​ത്തോ​ളം മൊ​ബൈ​ല്‍ ഫോ​ണ്‍ കോ​ളു​ക​ളും 150ഓ​ളം സി.​സി.​ടി.​വി കാ​മ​റ ദൃ​ശ്യ​ങ്ങ​ളും പ​രി​ശോ​ധി​ച്ച അന്വേഷണ സംഘം മൂ​വാ​യി​ര​ത്തോ​ളം പേ​രെ ചോ​ദ്യം ചെ​യ്തി​രു​ന്നു. അ​ന്വേ​ഷ​ണ ഉ​ദ്യോ​ഗ​സ്ഥ​നു​ൾ​പ്പെ​ടെ 74 സാ​ക്ഷി​ക​ളെ​യാ​ണ് വി​സ്ത​രി​ച്ച​ത്. 181 രേ​ഖ​ക​ളും 38 തൊ​ണ്ടി​മു​ത​ലു​ക​ളും പ്രോ​സി​ക്യൂ​ഷ​ൻ കോ​ട​തി​യി​ൽ ഹാ​ജ​രാ​ക്കി. ക​ഴി​ഞ്ഞ ഡി​സം​ബ​ർ 20നാ​ണ് കേ​സി​ന്‍റെ വി​ചാ​ര​ണ പൂ​ർ​ത്തി​യാ​യ​ത്. കൊലക്കുറ്റത്തിനു വധ ശിക്ഷ വിധിച്ച കോടതി, വീട്ടിൽ അതിക്രമിച്ചു കയറലിന് 10 വർഷം തടവും ഒരു ലക്ഷം പിഴയും തെളിവ് നശിപ്പിക്കലിന് 7 വർഷം തടവും ഒരു ലക്ഷം പിഴയും വിധിച്ചിട്ടുണ്ട്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.