കാസർകോട്: കാസർകോട് പോലീസുകാർക്ക് നേരെ അഞ്ചംഗ സംഘത്തിന്റെ ആക്രമണം. ഉപ്പള ഹിദായത്ത് നഗറിൽ പട്രോളിംഗ് നടത്തുകയായിരുന്ന പോലീസുകാർക്ക് നേരെയാണ് ആക്രമണമുണ്ടായത്. മഞ്ചേശ്വരം എസ്ഐ പി അനൂപിനാണ് മർദ്ദനമേറ്റത്. അഞ്ചംഗ സംഘത്തിന്റെ ആക്രമണത്തിൽ എസ് ഐയുടെ വലത് കൈക്ക് പൊട്ടലുണ്ട്. സമീപത്തെ സർക്കാർ ആശുപത്രിയിൽ ചികിത്സയിലാണ് എസ്ഐ പി. അനൂപ്.
അതേസമയം തന്നെ മർദ്ദിച്ചവരിൽ രണ്ട് പേരെ എസ്ഐ തിരിച്ചറിഞ്ഞിട്ടുണ്ട്. കണ്ടാലറിയാവുന്ന മൂന്ന് പേരെ കൂടി പ്രതി ചേർത്ത് അഞ്ച് പേർക്കെതിരെയാണ് സംഭവത്തിൽ കേസെടുത്തിരിക്കുന്നത്. ഇന്ന് പുലർച്ചെയാണ് സംഭവം. പ്രദേശത്ത് പട്രോളിംഗ് നടത്തുന്നതിനിടെയായിരുന്നു സംഭവം. പട്രോളിംഗിനിടെ ആളുകൾ കൂട്ടംകൂടി നിൽക്കുന്നത് കണ്ടാണ് പോലീസ് വാഹനം നിർത്തിയത്. അവിടെ നിന്നും പിരിഞ്ഞുപോകാൻ പോലീസ് ഇവരോട് നിർദ്ദേശിച്ചുവെങ്കിലും പ്രതികൾ അത് നിരസിക്കുകയായിരുന്നു.
പിന്നീടുണ്ടായ വാക്കുതർക്കത്തെ തുടർന്ന് പ്രതികൾ പോലീസിനെ ആക്രമിക്കുകയുമായിരുന്നുവെന്നാണ് വിവരം. കേസിൽ പ്രതികളായിട്ടുള്ള ഈ സംഘത്തിന്റെ തട്ടുകട നേരത്തെ എസ്ഐ അനൂപ് ഇടപെട്ട് പൂട്ടിച്ചിരുന്നു. ഇതിന്റെ വൈരാഗ്യവും ആക്രമണത്തിന് കാരണമായെന്ന് പോലീസ് സംശയിക്കുന്നു.
Crime: സ്കൂൾ ബസിൽ 6 വയസ്സുകാരിക്ക് പീഡനം; സീനിയർ വിദ്യാർഥി പിടിയിൽ
ന്യൂഡല്‍ഹി: ഡൽഹിയിൽ സ്‌കൂള്‍ ബസിനുള്ളില്‍ ആറു വയസ്സുകാരിയ്ക്ക് പീഡനം. ബസിനുള്ളിൽ വച്ച് സീനിയര്‍ വിദ്യാര്‍ഥിയാണ് 6 വയസുകാരിയെ ലൈംഗിക പീഡനത്തിരയാക്കിയതെന്നാണ് പരാതി. രോഹിണി ജില്ലയില്‍ ഓഗസ്റ്റ് 23-നായിരുന്നു സംഭവ. ബേഗംപുരിലുള്ള സ്വകാര്യ സ്കൂളിലെ വിദ്യാര്‍ഥിയാണ് പീഡനത്തിനിരയായത്. ഇതേ സ്കൂളിലെ സീനിയർ വിദ്യാർത്ഥിയാണ് കുട്ടിയെ ആക്രമിച്ചത്.
സ്‌കൂളില്‍ നിന്ന് കുട്ടി തിരിച്ചെത്തിയപ്പോൾ ബാഗ് മൂത്രം വീണ് നനഞ്ഞിരിക്കുന്നത് അമ്മയുടെ ശ്രദ്ധയില്‍പ്പെടുകയായിരുന്നു. തുടർന്ന് കാര്യമന്വേഷിച്ചപ്പോഴാണ് സ്‌കൂള്‍ ബസില്‍ വച്ച് സീനിയര്‍ വിദ്യാര്‍ഥിയില്‍ നിന്ന് നേരിട്ട പീഡനത്തെ കുറിച്ച് കുട്ടി തുറന്നു പറയുന്നത്. തുടര്‍ന്ന് കുട്ടിയുടെ അച്ഛന്റെ പരാതിയില്‍ പോലീസ് കേസെടുത്തു.
സംഭവത്തിൽ കേസെടുത്ത പോലീസ് സീനിയർ വിദ്യാര്‍ഥിയെ പിടികൂടി. പോക്‌സോ ഉള്‍പ്പടെയുളള വകുപ്പുകളാണ് ചുമത്തിയിരിക്കുന്നത്. കേസിൽ തുടരന്വേഷണം പുരോഗമിക്കുകയാണെന്നും പോലീസ് പറഞ്ഞു. സംഭവത്തില്‍ ഡൽഹി വനിതാ കമ്മീഷന്‍ റിപ്പോര്‍ട്ടും തേടിയിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
