Benefits of Ice Cream: അങ്ങനെയങ്ങ് തള്ളിക്കളയാതേ..! ഐസ്ക്രീം കഴിച്ചാൽ ലഭിക്കും ഈ ​ഗുണങ്ങൾ

Health Benefits of Ice Cream: ഐസ് ക്രീമിന് നല്ല രുചി മാത്രമല്ല പോഷകമൂല്യവുമുണ്ട്.

കുട്ടികൾ മുതൽ മുതിർന്നവർ വരെ എല്ലാവരം ഒരുപോലെ ഇഷ്‍ടപ്പെടുന്ന ഭക്ഷണമാണ് ഐസ്ക്രീം. ഇത് ഇഷ്ടമല്ലാത്തവർ വളരെ വിരളമായിരിക്കും. സം​ഗതി ഇങ്ങനെയൊക്കെ ആണെങ്കിലും ഐസ്ക്രീം കഴിക്കുവാൻ ആരോ​ഗ്യവിദ​ഗ്ധർ അത്ര പ്രോത്സാഹിപ്പിക്കാറില്ല. അതുകൊണ്ടുതന്നെ കുട്ടികൾ ഐസ്ക്രീം എത്ര ആഗ്രഹിച്ചാലും അത് അവരുടെ ആരോഗ്യത്തിന് നല്ലതല്ലെന്നാണ് മിക്ക മാതാപിതാക്കളും പറയുന്നത്. ഐസ് ക്രീം അമിതമായി കഴിച്ചാൽ ചുമയുണ്ടാകുമെന്നാണ് പൊതുവെയുള്ള വിശ്വാസം. എന്നാൽ ഐസ് ക്രീം കഴിക്കുന്നത് കൊണ്ട് ചില ആരോഗ്യ ഗുണങ്ങളുണ്ട്. 

ചിലർ ഐസ്ക്രീം ഒരു സ്ട്രെസ് ബസ്റ്റർ ആയി കണക്കാക്കുന്നു. എല്ലാവരും വിചാരിക്കുന്നത് പോലെ ഐസ് ക്രീം കഴിക്കുന്നത് കൊണ്ട് ചില ദോഷങ്ങളുണ്ടാകുമെങ്കിലും ചില ഗുണങ്ങളും ഉണ്ട്. ഐസ് ക്രീമിന് നല്ല രുചി മാത്രമല്ല പോഷകമൂല്യവുമുണ്ട്. ഐസ് ക്രീം സമ്പൂർണ പോഷകാഹാരമല്ലെങ്കിലും പൂർണ്ണമായി തള്ളികളയാൻ ആകില്ല. ഐസ്ക്രീം നല്ല ഗുണനിലവാരമുള്ളതാണെങ്കിൽ, അതിന്റെ തയ്യാറെടുപ്പിൽ രാസവസ്തുക്കൾ ചേർക്കുന്നില്ലെങ്കിൽ, തീർച്ചയായും ഐസ്ക്രീമിൽ നമ്മുടെ ശരീരത്തിന് ഉപയോഗപ്രദമായ പോഷകങ്ങൾ അടങ്ങിയിട്ടുണ്ട്. 

ഐസ് ക്രീം കഴിക്കുന്നത് എൻഡോർഫിൻ എന്ന ഹോർമോണുകൾ കൂടുതൽ പുറത്തുവിടുന്നു. ഇത് മനസ്സിന് സന്തോഷം നൽകുന്നു. നമ്മൾ പോലും അറിയാതെ സന്തോഷം നമ്മുടെ ഉള്ളിൽ കടന്നു വരുന്നു. ഐസ് ക്രീം കഴിക്കുന്നത് നമ്മുടെ ശരീരത്തിലെ കാൽസ്യത്തിന്റെ ലഭ്യത വർദ്ധിപ്പിക്കുന്നു. ഇത് എല്ലുകളും പല്ലുകളും ശക്തിപ്പെടുത്തുന്നു. ഐസ് ക്രീം കഴിക്കുന്നത് നമ്മുടെ ശരീരത്തിലെ ഊർജം വളരെ വേഗത്തിൽ വർധിപ്പിക്കുന്നു. സാധാരണ ഭക്ഷണത്തേക്കാൾ വേഗത്തിൽ ഐസ്ക്രീം നമുക്ക് ഊർജം നൽകുമെന്ന് വിദഗ്ധർ പറയുന്നു.

ദന്ത പ്രശ്നങ്ങളിൽ ഐസ്ക്രീം നമുക്ക് വളരെ ഉപയോഗപ്രദമാണ്. പല്ല് വേർതിരിച്ചെടുത്ത ശേഷം ഐസ്ക്രീം കഴിക്കുന്നത് മുറിവ് വേഗത്തിൽ ഉണങ്ങാൻ സഹായിക്കുമെന്ന് ഡോക്ടർമാർ പോലും സമ്മതിക്കുന്നു. ആ സമയത്ത് ഐസ് ക്രീം കഴിക്കുന്നത് വളരെ നല്ലതാണെന്നും പറയപ്പെടുന്നു.