ഇന്ത്യയിൽ പാചകത്തിൽ ധാരാളമായി ഉപയോഗിക്കുന്ന ഒന്നാണ് നെയ്യ്. ഇതിന് നിരവധി ആരോഗ്യ ഗുണങ്ങളുണ്ട്. മഴക്കാലത്ത് ഈർപ്പം വർധിക്കുന്നതും ജലജന്യ രോഗങ്ങളുടെ വ്യാപനവും ദഹനപ്രശ്നങ്ങൾ ഉണ്ടാകാനുള്ള സാധ്യത വർധിപ്പിക്കും. കുടലിൻ്റെ ആരോഗ്യം മികച്ചതായി നിലനിർത്തുന്നതിൽ നെയ്യ് നിർണായക പങ്ക് വഹിക്കുുന്നു. മഴക്കാലത്ത് നെയ്യ് ദഹനത്തിന്റെ ആരോഗ്യം മികച്ചതാക്കാൻ എങ്ങനെ സഹായിക്കുമെന്ന് നോക്കാം.
വൈറ്റമിൻ എ, ഡി, ഇ, കെ എന്നിവയാൽ സമ്പന്നമായ നെയ്യ്, കുടലിൻ്റെ ആരോഗ്യത്തിന് ഗുണം ചെയ്യുന്ന ബ്യൂട്ടറേറ്റ് ഉൾപ്പെടെയുള്ള ആരോഗ്യകരമായ കൊഴുപ്പുകളുടെ ഉറവിടമാണ്. ഇത് വൻകുടൽ കോശങ്ങളുടെ പ്രാഥമിക ഊർജ്ജ സ്രോതസ്സായി വർത്തിക്കുകയും കുടലിൻ്റെ ആവരണത്തിൻ്റെ ആരോഗ്യം നിലനിർത്തുന്നതിൽ നിർണായക പങ്ക് വഹിക്കുകയും ചെയ്യുന്നു. ഇത് കുടലിലെ വീക്കം കുറയ്ക്കാൻ സഹായിക്കുന്നു.
ALSO READ: ശരീരഭാരം കുറയ്ക്കാനും കൊളസ്ട്രോളിനെ നിയന്ത്രിക്കാനും കുങ്കുമപ്പൂവ് ഇങ്ങനെ കഴിക്കൂ
നെയ്യ് വയറ്റിലെ ആസിഡുകളുടെ സ്രവത്തെ ഉത്തേജിപ്പിക്കുന്നത് വഴി ഭക്ഷണം ദഹിപ്പിക്കുന്നതിന് സഹായിക്കുന്നു. മഴക്കാലത്ത് ഇത് വളരെ പ്രധാനമാണ്, ഉയർന്ന ആർദ്രതയും ശാരീരിക പ്രവർത്തനങ്ങളുടെ അഭാവവും കാരണം ദഹന പ്രക്രിയകൾ മന്ദഗതിയിലാകും. ഭക്ഷണത്തിൽ നെയ്യ് ഉൾപ്പെടുത്തുന്നത് ദഹനപ്രക്രിയ മികച്ചതാക്കാനും വയറുവേദന, ദഹനക്കേട്, മലബന്ധം തുടങ്ങിയ പ്രശ്നങ്ങൾ തടയാനും സഹായിക്കും.
നെയ്യിന് നിരവധി ആരോഗ്യ ഗുണങ്ങളുണ്ടെങ്കിലും, ഇത് കൊഴുപ്പിൻ്റെ ഒരു രൂപമാണ്, മിതമായ അളവിൽ കഴിക്കാൻ ശ്രദ്ധിക്കേണ്ടത് പ്രധാനമാണ്.
നെയ്യിന്റെ അമിതമായ ഉപഭോഗം ശരീരഭാരം വർധിപ്പിക്കുന്നതിനും മറ്റ് ആരോഗ്യ പ്രശ്നങ്ങൾക്കും കാരണമാകും. ഗുണനിലവാരമുള്ള നെയ്യ് ആണ് ഉപയോഗിക്കുന്നതെന്ന് ഉറപ്പാക്കേണ്ടതും പ്രധാനമാണ്.
Disclaimer: ഇക്കാര്യങ്ങൾ പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധൻറെ ഉപദേശത്തിന് പകരമല്ല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
