Sugarcane Juice: കരിമ്പ് ജ്യൂസ് കുടിക്കാം... നിരവധിയാണ് ​ഗുണങ്ങൾ

Health Benefits Of Sugar Cane Juice: കരിമ്പിൻ ജ്യൂസിൽ അടങ്ങിയിരിക്കുന്ന നാരുകൾ ദഹനം മികച്ചതാക്കാനും മലബന്ധം തടയാനും ക്ഷീണം അകറ്റാനും സഹായിക്കും. കരിമ്പിൽ ആന്റി ഓക്‌സിഡന്റുകൾ, ഫൈബർ എന്നിവയും അടങ്ങിയിരിക്കുന്നു.

നിരവധി ആരോ​ഗ്യ ​ഗുണങ്ങളുള്ളതാണ് കരിമ്പ്. കരിമ്പ് ജ്യൂസ് പതിവായി കുടിക്കുന്നത് ആരോ​ഗ്യത്തിന് നിരവധി ​ഗുണങ്ങൾ നൽകുന്നു. കരിമ്പിൻ ജ്യൂസിൽ അടങ്ങിയിരിക്കുന്ന നാരുകൾ ദഹനം മികച്ചതാക്കാനും മലബന്ധം തടയാനും ക്ഷീണം അകറ്റാനും സഹായിക്കും. കരിമ്പിൽ ആന്റി ഓക്‌സിഡന്റുകൾ, ഫൈബർ എന്നിവയും അടങ്ങിയിരിക്കുന്നു.

കരിമ്പ് ജ്യൂസ് ശരീരത്തിൽ ഒരു ഡൈയൂററ്റിക് ആയി പ്രവർത്തിക്കുന്നു. ഇത് ശരീരത്തിലെ വിഷാംശം നീക്കുന്നതിനും വിവിധ ദഹന പ്രശ്നങ്ങൾ അകറ്റുന്നതിനും സഹായിക്കുന്നു. കരിമ്പ് ജ്യൂസ് കുടിക്കുന്നത് പുരുഷന്മാരിൽ ബീജത്തിന്റെ ഗുണനിലവാരം മെച്ചപ്പെടുത്താൻ സഹായിക്കും. കരിമ്പിലെ ആൽഫ ഹൈഡ്രോക്‌സി ആസിഡുകൾ മുഖക്കുരു, താരൻ എന്നിവ തടയാനും ചർമ്മത്തെ മിനുസമുള്ളതാക്കാനും സഹായിക്കുന്നു.

ചില തരം കാൻസറുകളെ ചെറുക്കാനും കരിമ്പ് ജ്യൂസ് സഹായിക്കുമെന്ന് വിവിധ പഠനങ്ങൾ വ്യക്തമാക്കുന്നു. കരിമ്പിലടങ്ങിയിരിക്കുന്ന ഫ്ളേവനോയി‍ഡുകൾ ആണ് ഇതിന് സഹായിക്കുന്നത്. പ്രത്യേകിച്ച് പ്രോസ്റ്റേറ്റ് ക്യാൻസർ, സ്തനാർബുദം എന്നിവയെ ചെറുക്കാൻ കരിമ്പ് ജ്യൂസ് സഹായിക്കുമെന്ന് ആരോ​ഗ്യ വിദ​ഗ്ധർ വ്യക്തമാക്കുന്നു.

കരിമ്പിൽ അടങ്ങിയിരിക്കുന്ന പൊട്ടാസ്യം ആമാശയത്തിലെ പിഎച്ച് ബാലൻസ് കൃത്യമായി നിലനിർത്തുന്നതിന് സഹായിക്കുന്നു. അതുപോലെ ദഹനരസങ്ങളുടെ ഉത്പാദനം വർധിപ്പിക്കാനും ഇത് സഹായിക്കുന്നു. കരിമ്പ് ജ്യൂസിൽ അടങ്ങിയിരിക്കുന്ന ആന്റി ഓക്‌സിഡന്റുകൾ, ഫിനോളിക് ആസിഡ്, ഫ്ലേവനോയ്ഡുകൾ എന്നിവ ചർമ്മത്തെ ഈർപ്പമുള്ളതാക്കാനും മൃദുവും തിളക്കവുമുള്ളതാക്കാനും സഹായിക്കുന്നു.

കരിമ്പിൽ അടങ്ങിയിരിക്കുന്ന ഗ്ലൈക്കോളിക് ആസിഡ് ചർമ്മത്തിന്റെ തിളക്കം നിലനിർത്താൻ സഹായിക്കുന്നു. കരിമ്പിൽ അടങ്ങിയിരിക്കുന്ന വിറ്റാമിൻ ബി 12, ഇരുമ്പ് എന്നിവയുൾപ്പെടെയുള്ള അവശ്യ പോഷകങ്ങൾ മുടിയുടെ വളർച്ചയെ ഉത്തേജിപ്പിക്കുന്നു. മുടിയുടെ വളർച്ചയ്ക്ക് പ്രധാനപ്പെട്ട പോഷകങ്ങളാണ് ഇവ.