ആയുര്‍വേദ സാരികള്‍ രോഗാണുക്കളെ തടയുമെന്ന ചെയ്യുമെന്ന അവകാശവാദവുമായി മധ്യപ്രദേശ് കൈത്തറി.
'ആയുര്‍വസ്ത്ര' എന്ന പേരില്‍ മധ്യപ്രദേശ് (Madhya Pradesh) കൈത്തറി കരകൗശല കോർപ്പറേഷനാണ് സാരികള്‍ തയാറാക്കിയിരിക്കുന്നത്. ഔഷധ ഗുണങ്ങളുള്ള ഈ സാരി പ്രതിരോധശേഷി വര്‍ധിപ്പിക്കുമെന്നാണ് കോര്‍പ്പറേഷന്‍റെ വാദം. വിവിധ ഘട്ടങ്ങളിലായി നടക്കുന്ന നിര്‍മ്മാണ പ്രക്രിയയിലൂടെ പരമ്പരാഗത ഔഷധസസ്യങ്ങളുടെ ഗുണങ്ങള്‍ സാരിയില്‍ ചേര്‍ക്കപ്പെടുന്നുവെന്നാണ് അധികൃതര്‍ പറയുന്നത്.
ആത്മനിര്‍ഭര്‍ ഭാരത്‌ എന്ന സ്വപ്നം ഇന്നൊരു പ്രതിജ്ഞയായി മാറി -മോദി
കരയാമ്പൂ, ഏലക്ക, ജീരകം, ജാതിക്ക, കറുവപ്പട്ട, കുരുമുളക്, കറുവേപ്പില എന്നിവപൊടിച്ച് 48 മണിക്കൂര്‍ വെള്ളത്തില്‍ സൂക്ഷിക്കുന്നു. ഫര്‍ണസിലേക്ക് മാറ്റുന്ന ഈ വെള്ളം ചൂടാക്കുമ്പോള്‍ ലഭിക്കുന്ന നീരാവിയിലാണ് തുണി നിര്‍മ്മിക്കുന്നത്. ഈ തുണിയാണ് സാരിയും മാസ്ക്കുകളും നിര്‍മ്മിക്കാന്‍ ഉപയോഗിക്കുന്നത്. അഞ്ച് മുതല്‍ ആറു ദിവസം വരെയാണ് സാരി നിര്‍മ്മാണത്തിന് ആവശ്യമുള്ളത്.
മൂന്ന് വാക്സിനുകള്‍ നിര്‍ണ്ണായക ഘട്ടത്തില്‍, കൊറോണ വാക്സിന്‍ ഉടന്‍ -പ്രധാനമന്ത്രി
ഭോപ്പാലിലെ വസ്ത്ര വ്യാപാരിയായ വിനോദ് മേല്‍വാരിന്റെ നേതൃത്വത്തിലാണ് വസ്ത്ര നിര്‍മ്മാണം. ഈ സാരി രോഗാണുക്കളെ തടയുമെന്നും ഈ രീതിയ്ക്ക് നൂറ്റാണ്ടുകളുടെ പഴക്കമുണ്ടെന്നും വിനോദ് പറയുന്നു. രണ്ടു മാസത്തോളമെടുത്ത് കണ്ടെത്തിയ ഈ ഔഷധക്കൂട്ടിന്റെ ഗുണ൦ അഞ്ചോ ആറോ തവണ കഴുകുന്നത് വരെ നിലനില്‍ക്കുമെന്നും അദ്ദേഹം പറഞ്ഞു.
ഇന്ത്യയുടെ വാക്സിന്‍ പരീക്ഷണ൦; ശുഭപ്രതീക്ഷ നല്‍കി പ്രാഥമിക ഫലം!!
ഭോപ്പാലിലും ഇന്‍ഡോറിലും ലഭിക്കുന്ന ഈ സാരിയ്ക്ക് 3000 രൂപയാണ് വില. വൈകാതെ ഇന്ത്യയിലെ 36 വില്‍പ്പന ശാലകളില്‍ ഈ സാരി എത്തിക്കുമെന്ന് മധ്യപ്രദേശ് കൈത്തറി കരകൗശല കോർപ്പറേഷൻ കമ്മിഷണർ രാജീവ് ശർമ പറഞ്ഞു. എന്നാല്‍, സാരിയുടെ സവിശേഷത സംബന്ധിച്ച അവകാശവാദങ്ങളൊന്നും ഇതുവരെ ശാസ്ത്രീയമായി തെളിയിക്കപ്പെട്ടിട്ടില്ല.
