 "Covid New Wave: രാജ്യത്ത് കോവിഡ് മാനദണ്ഡങ്ങൾ കർശനമാകുന്നു; ക്രിസ്മസ് - പുതുവത്സര ആഘോഷങ്ങൾക്ക് നിയന്ത്രണങ്ങൾ വരുത്തിയേക്കും")
)
വിവിധ രാജ്യങ്ങളിൽ കോവിഡ് രോഗബാധ അതിരൂക്ഷമാകുന്ന സാഹചര്യത്തിൽ ഇന്ത്യയിലും കോവിഡ് മാനദണ്ഡങ്ങൾ കൂടുതൽ കർശനമാക്കാൻ ഒരുങ്ങുകയാണ് കേന്ദ്ര സർക്കാർ. പുതിയ സാഹചര്യത്തെ കുറിച്ച് ചർച്ച ചെയ്യാനും, നിലവിലെ കോവിഡ് സാഹചര്യം വിലയിരുത്താനും പ്രധാനമന്ത്രി നരേന്ദ്ര മോദി ഇന്ന് അവലോകന യോഗം വിളിച്ചിട്ടുണ്ട്. വിദേശത്ത് നിന്ന് എത്തുന്ന യാത്രക്കാരുടെ റാൻഡം ടെസ്റ്റിങും ആരംഭിച്ചിട്ടുണ്ട്. വിദേശത്ത് നിന്നെത്തുന്ന 2 ശതമാനം ആളുകളിലാണ് ടെസ്റ്റിങ് നടത്തുക.
മാസ്ക് ധരിക്കുക തുടങ്ങിയ പ്രതിരോധ മാർഗങ്ങൾ രാജ്യത്ത് ഇനിയും നിര്ബന്ധമാക്കിയിട്ടില്ല. എന്നാൽ കോവിഡ് മാനദണ്ഡങ്ങൾ പാലിക്കാൻ എല്ലാവരും ശ്രദ്ധിക്കണമെന്ന് ആരോഗ്യ മന്ത്രി മൻസുഖ് മാണ്ഡവ്യ പറഞ്ഞു. കൂടാതെ പുതിയ വേരിയന്റ് കണ്ട് പിടിക്കാനുള്ള ജീനോം സ്വീക്വൻസിങ് നടത്തണമെന്ന് കേന്ദ്ര സർക്കാർ സംസ്ഥാനങ്ങളോടും ആവശ്യപ്പെട്ടിട്ടുണ്ട്. ക്രിസ്മസ് - പുതുവത്സര ആഘോഷങ്ങൾക്ക് നിയന്ത്രണങ്ങൾ വരുത്തിയേക്കുമെന്നും റിപ്പോർട്ടുകൾ സൂചിപ്പിക്കുന്നുണ്ട്.
കേരളത്തിൽ കോവിഡ് ബാധിതർ കുറവാണെങ്കിലും ചൈന ഉള്പ്പെടെയുള്ള രാജ്യങ്ങളിലെ കേസുകളുടെ വര്ധന കണക്കിലെടുത്ത് ജില്ലകള്ക്ക് സര്ക്കാരിന്റെ നിര്ദേശമുണ്ട്. കണ്ടെത്തിയിരിക്കുന്ന പുതിയ വകഭേദത്തിന് രോഗ വ്യാപനശേഷി കൂടുതലായതിനാല് ജാഗ്രതവേണമെന്നാണ് നിർദ്ദേശം. സംസ്ഥാനത്തെ എല്ലാ ജില്ലകളും അവരുടെ പ്രതിരോധ പ്രവര്ത്തനങ്ങളും നിരീക്ഷണവും ശക്തമാക്കാന് ആരോഗ്യ മന്ത്രി വീണാ ജോര്ജിന്റെ നേതൃത്വത്തില് ചേര്ന്ന റാപ്പിഡ് റെസ്പോണ്സ് ടീം യോഗം നിര്ദേശം നല്കിയിട്ടുണ്ട്. എല്ലാവരും വായും മൂക്കും മൂടത്തക്കവിധം മാസ്ക് ധരിക്കണമെന്നും നിർദ്ദേശമുണ്ട്.
രോഗം ബാധിക്കാൻ എളുപ്പം സാധ്യതയുള്ള പ്രായമായവർ അനുബന്ധ രോഗമുള്ളർ തുടങ്ങിയവരുടെ കാര്യത്തില് പ്രത്യേകം ശ്രദ്ധയും കൂടുതൽ കരുതലും വേണം. കൃത്യമായ ഇടവേളകളിൽ കൈകൾ സോപ്പുപയോഗിച്ച് വൃത്തിയാക്കണമെന്നും റാപ്പിഡ് റെസ്പോൺസ് യോഗം നിർദ്ദേശിച്ചു. വാക്സിന് എടുക്കാത്ത എല്ലാവരും വാക്സിന് എടുക്കണം. രോഗലക്ഷണമുള്ളവരെ കോവിഡ് പരിശോധന നടത്താന് യോഗം നിര്ദേശം നല്കിയിട്ടുണ്ട്.
പനി,ജലദോഷം,തൊണ്ടവേദന എന്നിവയുള്ളവര് നിർബന്ധമായും ചികിത്സതേടണം.രോഗലക്ഷണങ്ങളുള്ളവര് പുറത്തിറങ്ങാതെ വിശ്രമിക്കുകയും ചികിത്സതേടുകയും വേണമെന്നും നിർദ്ദേശത്തിലുണ്ട്. രാജ്യത്ത് ദക്ഷിണേന്ത്യൻ സംസ്ഥാനങ്ങളിൽ നിന്നാണ് ഏറ്റവും അധികം റിപ്പോർട്ട് ചെയ്യുന്നത്. പ്രതിദിന കേസുകളില് 84 ശതമാനവും ഈ സംസ്ഥാനങ്ങളിലാണുള്ളത്. അതേസമയം പ്രായമായവര് ബൂസ്റ്റര് ഡോസ് ഉടന് സ്വീകരിക്കണമെന്ന് കേന്ദ്ര ആരോഗ്യ മന്ത്രാലയം നിർദ്ദേശിക്കുന്നു. 28 ശതമാനംപേര് മാത്രമാണ് ഇതുവരെ സ്വീകരിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
ios Link - https://apple.co/3hEw2hy
ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ.
