കേരള ഹൈക്കോടതി മുന്‍ ചീഫ് ജസ്റ്റിസ് വികെ ബാലി അന്തരിച്ചു. 77 വയസ്സായിരുന്നു. പഞ്ചാബ്- ഹരിയാന, രാജസ്ഥാന്‍ ഹൈക്കോടതികളിലും പ്രവര്‍ത്തിച്ചിട്ടുണ്ട്. കേരള ഹൈക്കോടതിയിൽ നിന്ന് വിരമിച്ച ചീഫ് ജസ്റ്റിസായ വി കെ ബാലി സെൻട്രൽ അഡ്മിനിസ്‌ട്രേറ്റീവ് ട്രിബ്യൂണലിന്റെ അധ്യക്ഷനായും സേവനമനുഷ്ഠിച്ചിട്ടുണ്ട്.
പഞ്ചാബ് സർവ്വകലാശാലയിലെയും കർണാലിലെ ഡയാൽ സിംഗ് കോളേജിലെയും നിയമവകുപ്പിലെ പൂർവ്വ വിദ്യാർത്ഥിയായ അദ്ദേഹം ഒരു മികച്ച കായികതാരവും കോളേജ്, യൂണിവേഴ്സിറ്റി ടീമുകളെ നയിക്കുകയും ചെയ്തു. : "ഒരു മികച്ച പബ്ലിക് സ്പീക്കർ, വി കെ ബാലി തന്റെ ജീവിതകാലം മുഴുവൻ സ്പോർട്സിനോടുള്ള അഭിനിവേശം വഹിച്ചു, നിരവധി ഹൈക്കോടതി മത്സരങ്ങളിൽ മാൻ ഓഫ് ദി മാച്ച്, ഗോൾഫിൽ ട്രോഫികൾ എന്നിവ നേടി."എന്ന് സഹപ്രവർത്തകരും കുടുബവും അനുസ്മരിച്ചു.
വിഭജനത്തിനു ശേഷം പാകിസ്ഥാനില്‍നിന്നു കുടിയേറിയ ബാല 1991ല്‍ പഞ്ചാബ്-ഹരിയാന ഹൈക്കോടതിയില്‍ ജഡ്ജിയായി. 2007ല്‍ കേരള ഹൈക്കോടതിയില്‍നിന്ന് ചീഫ് ജസ്റ്റിസ് ആയാണ് വിരമിച്ചത്. 2012 വരെ കേന്ദ്ര അഡ്മിനിസ്‌ട്രേറ്റിവ് ട്രൈബ്യൂണല്‍ ചെയര്‍മാന്‍ ആയിരുന്നു. കുസും ബാലിയാണ് ബാലിയുടെ ഭാര്യ , മകൾ ചാരു ബാലി ഹരിയാന പോലീസ് ഉദ്യോഗസ്ഥയാണ് , മുതിർന്ന മകൻ പുനീത് ബാലി ഹരിയാന ഹൈക്കോടതി അഭിഭാഷകനാണ്. മരുമകൻ സന്ദീപ് ഖിർവാർ ഐപിഎസ് ഉദ്യോഗസ്ഥനാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
