രാജ്ഘട്ടില്‍ ഡൊണാള്‍ഡ് ട്രംപ്...

ന്യൂഡല്‍ഹി: ഗാന്ധി സ്മൃതിയില്‍ പുഷ്പാര്‍ച്ചന നടത്തി അമേരിക്കന്‍ പ്രസിഡന്‍റ് ഡൊണാള്‍ഡ് ട്രംപും പ്രഥമ വനിത മെലാനിയയും...

ഇന്ത്യാ സന്ദര്‍ശനത്തിന്‍റെ രണ്ടാം ദിവസമാണ് ഇരുവരും രാജ്ഘട്ടില്‍ എത്തിയത്. മകള്‍ ഇവാന്‍കയും ഒപ്പമുണ്ടായിരുന്നു.

#WATCH Delhi: US President Donald Trump & First Lady Melania Trump pay tribute to Mahatma Gandhi at Raj Ghat. pic.twitter.com/BGrJL4DHLq

— ANI (@ANI) February 25, 2020

രാജ്ഘട്ടില്‍നിന്നും ട്രംപ് പതിനൊന്ന് മണിയോടെ ഹൈദരാബാദ് ഹൗസിലെത്തും. നിര്‍ണായകമായ ട്രംപ്-മോദി കൂടിക്കാഴ്ച ഇവിടെ നടക്കും. ഉന്നത നയതന്ത്ര ഉദ്യോഗസ്ഥരും കൂടിക്കാഴ്ചയില്‍ പങ്കെടുക്കും.

അതേസമയം, ട്രംപിന്‍റെ ഇന്ത്യാ സന്ദര്‍ശനത്തിന്‍റെ രണ്ടാം ദിനം രാഷ്ട്രപതി ഭവനില്‍ നല്‍കിയ ആചാരപരമായ വരവേല്‍പ്പോടെയാണ് ആരംഭിച്ചത്.

#WATCH Delhi: US President Donald Trump inspects the Guard of Honour at Rashtrapati Bhavan. pic.twitter.com/OGyJSE14ej

— ANI (@ANI) February 25, 2020

രാഷ്ട്രപതി രാംനാഥ് കോവിന്ദ്, അദ്ദേഹത്തിന്‍റെ ഭാര്യ സവിത കോവിന്ദ്, പ്രധാനമന്ത്രി നരേന്ദ്ര മോദി എന്നിവര്‍ ചേര്‍ന്നാണ് ട്രംപിനെയും കുടുംബത്തേയും സ്വീകരിച്ചത്. അശ്വാരൂഢ സേനയുടെ അകമ്പടിയോടെയാണ് അമേരിക്കന്‍ പ്രസിഡന്‍റിനെ രാഷ്ട്രപതി ഭവനിലേക്ക് ആനയിച്ചത്.