ശ്രീനഗർ: ജമ്മു കശ്മീരിൽ രണ്ട് ഭീകരർ പിടിയിൽ. മുഹമ്മദ് ആസിഫ്, ഷാഹിൽ റാഷിദ് ബട്ട് എന്നിവരാണ് പിടിയിലായത്. ഇരുവരും ലഷ്കർ ഇ ത്വയ്ബ ഭീകരരാണ്.
ഇവരുടെ പക്കൽ നിന്നും സുരക്ഷാ സേന ആയുധങ്ങൾ പിടിച്ചെടുത്തിട്ടുണ്ട്. ഇരുവരും കഴിഞ്ഞ വർഷം സോപൂരിലുണ്ടായ ഭീകരാക്രമണ കേസിലെ പ്രതികളാണ്.
ഡിസംബർ 12 ന് ഇവർ നടത്തിയ ഗ്രനേഡ് ആക്രമണത്തിൽ മൂന്ന് പേർക്കാണ് പരിക്കേറ്റത്. സംഭവത്തിൽ കേസ് അന്വേഷണം പുരോഗമിക്കുന്നതിനിടെയാണ് ഇവർ പിടിയിലായത്.
ഇരുവരേയും വിശദമായി ചോദ്യം ചെയ്തുവരികയാണ്. ഇതിനിടയിൽ ഭീകരർ കുറ്റം സമ്മതിച്ചതായും റിപ്പോർട്ട് ഉണ്ട്. തങ്ങൾ ലഷ്കർ-ഇ-തായ്‌ബയ്ക്ക് (LeT) വേണ്ടി ഭൂഗർഭ തൊഴിലാളികളായി ജോലി ചെയ്യുകയായിരുന്നുവെന്നും ഏറ്റുമുട്ടൽ നടത്തിയത് തീവ്രവാദികളുടെ നിർദേശപ്രകാരമാണെന്നും ഇവർ പോലീസ് സമ്മതിച്ചിട്ടുണ്ടെന്നാണ് സൂചന.
മാത്രമല്ല തങ്ങൾക്ക് തീവ്രവാദ ഗ്രൂപ്പിൽ ചേരാൻ ആഗ്രഹമുണ്ടെന്നും സോപ്പോർ പ്രദേശത്തെ ഏതെങ്കിലും സുരക്ഷാ സേന / പോലീസ് സ്ഥാപനങ്ങളിൽ എറിയാൻ ഗ്രനേഡ് തീവ്രവാദികളാണ് കൈമാറിയതായും ഇരുവരും കുറ്റസമ്മതം നടത്തിയതായി അധികൃതർ പറഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
