Kothamangalam: പുഴയോരത്തെ മരച്ചുവട്ടിൽ നിൽക്കുമ്പോൾ മിന്നലേറ്റു ; കോതമംഗലത്ത് യുവാവിന് ദാരുണാന്ത്യം

 തിരുവനന്തപുരം: കോതമംഗലത്ത് മിന്നലേറ്റ് യുവാവിന് ദാരുണാന്ത്യം. വടാട്ടുപാറ റോക്ക് ഭാഗം ബേസിൽ വർഗീസിനാണ് ഇടിമിന്നലേറ്റത്. പലവൻപടി പുഴയോരത്ത് മരച്ചുവട്ടിൽ നിൽക്കുകയായിരുന്നു ബേസിൽ. മിന്നലിൽ മരത്തിനും തീപിടിച്ചിരുന്നു. സംഭവം നടന്ന ഉടനെ സമീപത്തുള്ളവർ ബേസിലിനെ കോതമംഗലത്തുള്ള സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. ഇന്നലെ വൈകിട്ട് കോതമംഗലം താലൂക്കിന്റെ വിവിധ പ്രദേശങ്ങളിൽ കാറ്റും മഴയും മിന്നലും ഉണ്ടായിരുന്നു. അവിവാഹിതനാണ് ബേസിൽ. മൃതദേഹം മോർച്ചറിയിലേക് മാറ്റിയിരിക്കുകയാണ്.