Kerala News: തിരുവല്ലയിൽ ആറുമാസം പ്രായമുള്ള കുഞ്ഞിന്റെ മൃതദേഹം കണ്ടെത്തി

ചതുപ്പിനടുത്തിള്ള കെട്ടിടത്തിന്റെ ഉടമസ്ഥനാണ് മൃതദേഹം കണ്ടത്. തുടർന്ന് പോലീസ് സ്ഥലത്തെത്തി മേൽ നടപടികൾ സ്വീകരിച്ചു

പത്തനംതിട്ട: തിരുവല്ല പുളിക്കിഴ് ജംഗ്ഷന് സമീപം ആറുമാസം പ്രായം വരുന്ന കുഞ്ഞിന്റെ മൃതദേഹം കണ്ടെത്തി. ചതുപ്പ് നിറഞ്ഞ വെള്ളക്കെട്ടിന് സമീപത്ത് നിന്നുമാണ് കുഞ്ഞിന്റെ മൃതദേഹം കണ്ടെത്തിയത്. ഇന്ന്, ശനിയാഴ്ച വൈകിട്ട് അഞ്ചരയോടെയാണ് മൃതദേഹം കണ്ടെത്തിയത്. മൃതദേഹത്തിന് ഏകദേശം രണ്ടു ദിവസത്തോളം പഴക്കം വരുമെന്ന് പോലീസ് പറഞ്ഞു. ദുർഗന്ധം വമിച്ചതോടെ ചതുപ്പിനോട് ചേർന്ന് ഉള്ള കെട്ടിടത്തിന്റെ ഉടമ പരിശോധിച്ചപ്പോഴാണ് മൃതദേഹം കണ്ടെത്തിയത്. കാലുകൾ നായ കടിച്ചു കീറിയ നിലയിലാണ്. പുളിക്കീഴ് പോലീസ് സ്ഥലത്തെത്തി മേൽ നടപടി ആരംഭിച്ചു. ഇൻക്വസ്റ്റ് അടക്കമുള്ള നടപടികൾ നാളെ നടക്കുമെന്ന് പോലീസ് പറഞ്ഞു.

ചികിത്സ തേടിയത് പനിക്ക്, കുത്തിവെയ്പ് പേവിഷബാധയ്ക്കും; സംഭവം അങ്കമാലിയിൽ

കൊച്ചി: പനിക്ക് ചികിത്സയ്ക്കെത്തിയ ഏഴു വയസുകാരിക്ക് കുത്തിവെയ്പ്പെടുത്തത് പേവിഷബാധയ്ക്ക്. അങ്കമാലി താലൂക്ക് ആശുപത്രിയിൽ വെള്ളിയാഴ്ചയാണ് സംഭവം നടന്നത്. കടുത്ത പനിയെ തുടർന്നാണ് കുട്ടി അമ്മയ്ക്കൊപ്പം ആശുപത്രിയിലെത്തിയത്. കാഷ്വാലിറ്റിയിൽ പ്രവേശിപ്പിച്ച കുട്ടിക്ക് ഡോക്ടർ രക്തപരിശോധനയ്ക്ക് നിർദേശിച്ചു. അതിനിടെ കുട്ടിയുടെ അമ്മ ഒപി ടിക്കറ്റ് എടുക്കുന്നതിനായി പോയി. ഈ സമയത്താണ് നഴ്സ് കുട്ടിക്ക് പേവിഷബാധയുടെ കുത്തിവയ്‌പ് നൽകിയത്.

കുട്ടിയുടെ അമ്മ തിരിച്ചെത്തിയപ്പോഴാണ് കാര്യമറിയുന്നത്. ഏഴ് വയസുകാരിയുടെ രണ്ടു കയ്യിലും പേവിഷബാധയ്ക്കുള്ള കുത്തിവയ്‌പ് എടുത്തിരുന്നു. പൂച്ച കടിച്ചെന്ന് കുട്ടി പറഞ്ഞത് കൊണ്ടാണ് കുത്തിവയ്പെടുത്തതെന്നായിരുന്നു നഴ്സിന്റെ വിശദീകരണം. എന്നാൽ മാറിപോയതാണെന്ന് പിന്നീട് വ്യക്തമായി. ആ സമയം തന്നെ മറ്റൊരു കുട്ടി പേവിഷബാധയ്ക്കുള്ള കുത്തിവയ്‌പ് എടുക്കാൻ വന്നതിനാൽ നഴ്സ് ആള് മാറി കുത്തിവയ്ക്കുകയായിരുന്നു.

നിലവിൽ കുട്ടി നിരീക്ഷണത്തിലാണ്. പനിയുണ്ടെങ്കിലും മറ്റ് ആരോ​ഗ്യപ്രശ്നങ്ങൾ കുട്ടിക്കില്ലെന്ന് അധികൃതർ വ്യക്തമാക്കിയിട്ടുണ്ട്. പേവിഷബാധയ്ക്കുള്ള കുത്തിവയ്‌പ് മുൻകൂറായി എടുത്തതിൽ പ്രശ്നമില്ലെന്ന് ആശുപത്രി സൂപ്രണ്ട് പറഞ്ഞതായി കുട്ടിയുടെ അമ്മ പറഞ്ഞു. സംഭവത്തിൽ അങ്കമാലി പോലീസ് വിവരങ്ങൾ ശേഖരിച്ചിട്ടുണ്ട്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy