കണ്ണൂർ: കണ്ണൂർ മട്ടന്നൂർ ഉളിയിൽ നിയന്ത്രണം വിട്ട കാർ സ്വകാര്യ ബസിലേക്ക് ഇടിച്ചുകയറി അപകടം. രണ്ട് പേർ മരിച്ചു. ഉളിക്കൽ സ്വദേശികളായ ലിജോ, ബീന എന്നിവരാണ് മരിച്ചത്. അപകടത്തിൽ നാല് പേർക്ക് പരിക്കേറ്റു. പരിക്കേറ്റവരുടെ നില ഗുരുതരമാണ്. ഇവരെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.
കർണാടക രജിസ്ട്രേഷനിലുള്ള കാറാണ് അപകടത്തിൽപ്പെട്ടത്. കാർ പൂർണമായും തകർന്നു. ബുധനാഴ്ച രാവിലെ എട്ട് മണിയോടെ സംസ്ഥാന പാതയിൽ കണ്ണൂർ-ഇരിട്ടി റൂട്ടിൽ ഉളിയിൽ പാലത്തിനടുത്താണ് അപകടമുണ്ടായത്. ബസ് തലശേരി ഭാഗത്തേക്ക് പോകുകയായിരുന്നു. ഇരിട്ടി ഭാഗത്തേക്കാണ് കാർ പോയിരുന്നത്.
ALSO READ: കെഎസ്ആർടിസി സ്വിഫ്റ്റും ഗുഡ്‌സ് ഓട്ടോറിക്ഷയും കൂട്ടിയിടിച്ച് നാലുവയസുകാരിക്ക് ദാരുണാന്ത്യം
ബസ് സ്റ്റോപ്പിൽ നിർത്തിയിരുന്ന സമയത്ത് നിയന്ത്രണം വിട്ടുവന്ന കാർ ബസിലേക്ക് ഇടിച്ചുകയറുകയായിരുന്നുവെന്നാണ് ദൃക്സാക്ഷികൾ വ്യക്തമാക്കുന്നത്. ആറ് പേരാണ് കാറിലുണ്ടായിരുന്നതെന്നാണ് വിവരം. അഗ്നിരക്ഷാസേനയെത്തി വളരെ ശ്രമകരമായാണ് കാറിലുണ്ടായിരുന്നവരെ പുറത്തെടുത്തത്. മട്ടന്നൂർ പോലീസ് സംഭവസ്ഥലത്തെത്തി പരിശോധന നടത്തി.
പരിക്കേറ്റവരെ കണ്ണൂരിലെ സ്വകാര്യ ആശുപത്രിയിൽ ചികിത്സയിൽ പ്രവേശിപ്പിച്ചു. പരിക്കേറ്റ എല്ലാവരുടെയും നില ഗുരുതരമാണ്. കാറിൽ ഉണ്ടായിരുന്ന ആൽബിന്റെ വിവാഹം ഈ മാസം 11ന് ആണ് നിശ്ചയിച്ചിരുന്നത്. വിവാഹത്തിന് വസ്ത്രങ്ങളെടുക്കാൻ എറണാകുളത്ത് പോയി വരുന്നവഴിയാണ് അപകടമുണ്ടായത്. ഡ്രൈവർ ഉറങ്ങിപ്പോയതാകാം അപകടകാരണമെന്നാണ് പ്രാഥമിക നിഗമനം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
