തൃശൂർ: തൃശൂർ രവർമപുരത്തുള്ള പൊലീസ് അക്കാദമിയിൽ വനിതാ ഉദ്യോഗസ്ഥയ്ക്ക് നേരെ ലൈംഗികാതിക്രമം. ഓഫീസർ കമാന്റന്റ് റാങ്കിൽ ഉള്ള ഉദ്യോഗസ്ഥനാണ് വനിതാ ഉദ്യോഗസ്ഥയോട് അതിക്രമം കാണിച്ചത്. ഓഫീസിൽ വിളിച്ചുവരുത്തി ലൈംഗികമായി അതിക്രമിച്ചു എന്നാണ് പരാതി. ഈ മാസം 17നാണ് പരാതി.
യുവതി അക്കാദമി ഡയറക്ടർക്ക് പരാതി നൽകി. പ്രസ്തുത ഉദ്യോഗസ്ഥനെതിരെ നടപടി എടുക്കണം എന്നും, ജോലി മാറ്റം വേണം എന്നും യുവതി ആവശ്യപ്പെട്ടു. അതേസമയം, ഉദ്യോഗസ്ഥ നൽകിയ പരാതിയെ സംബന്ധിച്ച് ആഭ്യന്തര അന്വേഷണം നടക്കുന്നുണ്ട്. യുവതിയിൽ നിന്നും മൊഴിയെടുക്കുകയും ചെയ്തു.അതിനിടയില്‍ പരാതി ഒത്തുതീര്‍പ്പാനുള്ള ശ്രമം നടക്കുന്നതായും ആരോപണം ഉയര്‍ന്നിട്ടുണ്ട്.
