KSRTC Bus Fire: കായംകുളത്ത് കെഎസ്ആര്‍ടിസി ബസ് കത്തിനശിച്ചു; രക്ഷകനായി ഡ്രൈവർ

Alappuzha KSRTC Bus Fire: കരുനാഗപ്പള്ളിയിൽ നിന്ന് തൊപ്പുംപടിയിലേക്ക് പോയ കെഎസ്ആർടിസി ബസിനാണ് തീപിടിച്ചത്. എംഎസ്എം കോളേജിന് സമീപത്തുവച്ചാണ് അപകടം.

ആലപ്പുഴ: കായംകുളത്ത് കെഎസ്ആര്‍ടിസി ബസിന് തീപിച്ചു. ദേശീയപാതയിൽ ഓടിക്കൊണ്ടിരുന്ന ബസിനാണ് തീപിടിച്ചത്. ഡീസൽ ടാങ്ക് ചോർന്നതായാണ് സൂചന. കരുനാഗപ്പള്ളിയിൽ നിന്ന് തൊപ്പുംപടിയിലേക്ക് പോയ കെഎസ്ആർടിസി ബസിനാണ് തീപിടിച്ചത്. എംഎസ്എം കോളേജിന് സമീപത്തുവച്ചാണ് അപകടം.

കഴിഞ്ഞ ദിവസം ബസിന് സാങ്കേതിക പ്രശ്നങ്ങൾ ഉണ്ടായിരുന്നുവെങ്കിലും അത് പരിഹരിക്കാൻ അധികൃതർ തയ്യാറായില്ലെന്ന് ബസ് ഡ്രൈവർ പറയുന്നു. ബസ് പൂര്‍ണമായി കത്തിനശിച്ചു. തീപടരും മുന്‍പ് യാത്രക്കാരെ പുറത്തിറക്കിയതിനാല്‍ ആര്‍ക്കും പരിക്കില്ല. രൂക്ഷ​ഗന്ധം ശ്രദ്ധയിൽപ്പെട്ടതിനെ തുടർന്നാണ് ഡ്രൈവർ വാഹനം നിർത്തിയത്.

ബസിൽനിന്ന് രൂക്ഷമായ ഗന്ധം ഉയരുന്നത് ശ്രദ്ധയിൽപ്പെട്ട ഡ്രൈവർ ഉടൻ തന്നെ ബസ് നിർത്തി യാത്രക്കാരോട് ഇറങ്ങാൻ ആവശ്യപ്പെട്ടു. ഇതിന് പിന്നാലെ ബസ് പൂർണമായും അ​ഗ്നിക്കിരയായി. അഗ്നിശമന സേന എത്തി തീയണച്ചു. തീപിടിത്തത്തിന്റെ കാരണം വ്യക്തമല്ല. ബസുകളുടെ അറ്റക്കുറ്റപ്പണി ശരിയായി നടക്കുന്നില്ലെന്ന് മന്ത്രി കെബി ​ഗണേഷ് കുമാർ പറഞ്ഞു. ബസുകൾ എല്ലാം പരിശോധിക്കുമെന്നും മന്ത്രി അറിയിച്ചു.