ന്യൂഡൽ‌ഹി: കോൺഗ്രസ് നേതാവും കരുണാകരന്റെ മകളുമായ പത്മജ വേണുഗോപാൽ ബിജെപി അംഗത്വം സ്വീകരിച്ചു. പ്രകാശ് ജാവേദ്ക്കറാണ് പത്മജയ്ക്ക് ബിജെപി അംഗത്വം നൽകിയത്. കഴിഞ്ഞ ദിവസം മുതൽ പത്മജ ബിജെപിയിൽ ചേരുമെന്ന തരത്തിൽ അഭ്യൂഹങ്ങൾ ഉയർന്നിരുന്നു. സംഗതി വാർത്തയാതിന് പിന്നാലെ പത്മജ തന്നെ ഈ വാർത്തകൾ നിഷേധിച്ചുവെങ്കിലും പിന്നീട് തന്റെ ബിജെപി പ്രവേശനം സ്ഥിരീകരിക്കുകയായിരുന്നു. കോൺഗ്രസിൽ നേരിട്ട അവഗണനയാണ് താൻ കോൺഗ്രസിൽ ചേർന്നതിന് കാരണമെന്നും കോണ‍ഗ്രസുകാരാണ് തന്നെ ബിജെപിക്കാരിയാക്കിയതെന്നുമാണ് പത്മജ തന്റെ ബിജെപി പ്രവേശനവമായി ബന്ധപ്പെട്ട് മാധ്യമപ്രവര്‌‍ത്തകരോട് പ്രതികരിച്ചത്.
കെപിസിസി ഭാരവാഹിത്വവും എഐസിസിസി അംഗത്വവും വഹിച്ചിട്ടുണ്ട് പത്മജ. തൃശ്ശൂർ നിയമസഭയിലേക്ക് കഴിഞ്ഞ രണ്ടു തവണ മത്സരിച്ചെങ്കിലും പരാജയമാണ് നേരിട്ടത്. മുകുന്ദപുരം ലോക്സഭാ മണ്ഡലത്തിലും 2004 ൽ മത്സരിച്ചു. കെ.ടി.ഡി.സി മുൻ ചെയർപേഴ്സൺ, ഇലക്ട്രിസിറ്റ് എംപ്ലോയീസ് കോൺഫ‍ഡേറേഷൻ, ഐ.എൻ.ടി.യു.സി വർക്കിങ് കമ്മിറ്റി അംഗം, പ്രിയദർശിനി ആൻഡ് രാജീവ് ഗാന്ധി സ്റ്റഡി സെന്റർ, എച്ച്. എം.ടി എംപ്ലോയീസ് യൂണിയൻ, ടെക്ക്നിക്കൽ എജ്യൂക്കേഷണൽ സൊസൈറ്റി ഓഫ് ഇന്ത്യ എന്നിങ്ങനെ നിരവധി സംഘടനകളുടെ ഭാരവാഹിത്വം നിർവ്വഹിച്ചിട്ടുണ്ട്.
ALSO READ: നിയമന ചട്ടങ്ങൾ പാലിച്ചില്ല...! കാലിക്കറ്റ്, സംസ്കൃത സർവകലാശാല വി.സിമാരെ പുറത്താക്കി ഗവർണർ
അതേസമയം പത്മജയുടെ ബിജെപി പ്രവേശനത്തിൽ കോൺഗ്രസ്സിന് യാതൊരു വിധത്തിലുള്ള നഷ്ടവും സംഭവിക്കുന്നില്ലെന്ന് രമേശ് ചെന്നിത്തല.
