 "Kerala Police: സാമൂഹ്യവിരുദ്ധരുമായി ബന്ധം സ്ഥാപിക്കുന്ന പോലീസ് ഉദ്യോഗസ്ഥര്ക്കെതിരെ കര്ശന നടപടി; നിര്ദ്ദേശം നൽകി ഡിജിപി")
തിരുവനന്തപുരം: സാമൂഹ്യവിരുദ്ധരുമായി ബന്ധം സ്ഥാപിക്കുന്ന പോലീസ് ഉദ്യോഗസ്ഥര്ക്കെതിരെ കര്ശന നിയമനടപടി സ്വീകരിക്കാന് നിര്ദ്ദേശം നൽകി ഡിജിപി ഡോ. ഷെയ്ഖ് ദര്വേഷ് സാഹിബ്. ഇത്തരം പോലീസുകാരെ സര്വീസില് നിന്ന് തന്നെ നീക്കം ചെയ്യാന് നടപടി വേണം. തിരുവനന്തപുരത്ത് പോലീസ് ആസ്ഥാനത്ത് ക്രൈം റിവ്യൂ കോണ്ഫറന്സില് സംസാരിക്കവേയാണ് സംസ്ഥാന പോലീസ് മേധാവി ഇക്കാര്യം വ്യക്തമാക്കിയത്.
അടുത്ത മാസം നിലവില് വരുന്ന പുതിയ നിയമസംഹിതകളെക്കുറിച്ച് ജില്ലാ പോലീസ് മേധാവിമാര് ഉള്പ്പെടെ 38,000 ല് പരം പോലീസ് ഉദ്യോഗസ്ഥര്ക്ക് പരിശീലനം നല്കിയതായി ഡിജിപി പറഞ്ഞു. ബാക്കിയുള്ളവര്ക്ക് ഉടന് പരിശീലനം നല്കുമെന്നും ഡിജിപി അറിയിച്ചു. ഓണ്ലൈന് തട്ടിപ്പുകള് വര്ധിച്ചുവരുന്നത് തടയാൻ ജില്ലാ പോലീസ് മേധാവിമാര് ബോധവത്കരണം ശക്തമാക്കണം.
ഓണ്ലൈന് തട്ടിപ്പുകള് വര്ധിക്കുന്നത് തടയാൻ ജനമൈത്രി പോലീസിന്റെ സേവനം വിനിയോഗിക്കണം. പോലീസ് ഉദ്യോഗസ്ഥര്ക്കെതിരെയുള്ള ശിക്ഷാനടപടികള് നിശ്ചിതസമയത്തിനകം പൂര്ത്തിയാക്കുന്നതിന് പ്രത്യേകശ്രദ്ധ നല്കണം. സ്ത്രീകള്ക്കും കുട്ടികള്ക്കുമെതിരെയുള്ള അതിക്രമങ്ങള് തടയുന്നതിനും ഇത്തരം കേസുകളിലെ പ്രതികളെ അറസ്റ്റ് ചെയ്യുന്നതിനും ജില്ലാ പോലീസ് മേധാവിമാര് കര്ശന നടപടി സ്വീകരിക്കണം.
കുട്ടികളെയും സ്ത്രീകളെയും കാണാതാകുന്ന കേസുകളില് അന്വേഷണം ഊര്ജിതമാക്കണം. മോഷണവും വ്യക്തികള്ക്കെതിരെയുള്ള അതിക്രമവും തടയുന്നതിനും ഇത്തരം കേസുകളില് കുറ്റവാളികളെ പിടികൂടുന്നതിനും സംസ്ഥാന പോലീസ് മേധാവി ജില്ലാ പോലീസ് മേധാവിമാര്ക്ക് നിര്ദ്ദേശം നല്കി.
യോഗത്തിൽ സൈബര് കുറ്റകൃത്യങ്ങള്, സ്ത്രീകള്ക്കും കുട്ടികള്ക്കുമെതിരെയുള്ള അതിക്രമങ്ങള്, പോക്സോ കേസുകള് എന്നിവ സംബന്ധിച്ച നിലവിലെ സ്ഥിതി വിലയിരുത്തി. കാപ്പനിയമം ഉള്പ്പെടെ വിവിധ വകുപ്പുകള് പ്രകാരം സ്വീകരിച്ച നപടികളും യോഗത്തിൽ ചര്ച്ച ചെയ്തു. ലോക്സഭാ തിരഞ്ഞെടുപ്പ് സമാധാനപരമായി നടത്തുന്നതിൽ പങ്കു വഹിച്ച പോലീസ് ഉദ്യോഗസ്ഥരെ സംസ്ഥാന പോലീസ് മേധാവി അഭിനന്ദിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)