തിരുവനന്തപുരം: കാസര്ഗോഡ് ഇരട്ടക്കൊലപാതകത്തില് പ്രതിഷേധിച്ച് യൂത്ത് കോണ്ഗ്രസ് ആഹ്വാനം ചെയ്ത സംസ്ഥാന വ്യാപക ഹര്ത്താലിനെ തുടര്ന്നു ഇന്ന് നടത്താനിരുന്ന വിവിധ പരീക്ഷകള് മാറ്റിവച്ചു.
ഇന്ന് നടത്താന് നിശ്ചയിച്ചിരുന്ന എസ്എസ്എല്സി, ഒന്നാം വര്ഷ ഹയര് സെക്കന്ഡറി മോഡല് പരീക്ഷകള് മാറ്റിവച്ചു. പുതുക്കിയ തീയതി പിന്നീട് അറിയിക്കുമെന്ന് പരീക്ഷ സെക്രട്ടറി അറിയിച്ചു.
കേരള സര്വകലാശാല നടത്താനിരുന്ന എല്ലാ പരീക്ഷകളും മാറ്റിവച്ചു പുതുക്കിയ തീയതി പിന്നീട് അറിയിക്കും. എംജി സര്വകലാശാല തിങ്കളാഴ്ച നടത്താനിരുന്നു പരീക്ഷകള് മാറ്റി തീയതി പിന്നീട് അറിയിക്കും.