Train derailed | തൃശൂർ പുതുക്കാട് ചരക്ക് ട്രെയിൻ പാളം തെറ്റി

തൃശൂർ: ചരക്ക് ട്രെയിൻ പാളം തെറ്റി. തൃശൂർ പുതുക്കാടാണ് ചരക്ക് ട്രെയിൻ പാളം തെറ്റിയത്. എഞ്ചിനും നാല് ബോ​ഗികളും പാളം തെറ്റി. അപകടകാരണം വ്യക്തമായിട്ടില്ല. ഉദ്യോ​ഗസ്ഥർ സ്ഥലത്ത് പരിശോധന നടത്തുകയാണ്.

ഉച്ചയ്ക്ക് രണ്ടേകാലോടെയാണ് ട്രെയിൻ പാളം തെറ്റിയത്. ഷൊർണൂർ-എറണാകുളം റൂട്ടിൽ ട്രെയിൻ ​ഗതാ​ഗതം തടസ്സപ്പെട്ടു. എഞ്ചിൻ ഭാഗം ഉള്‍പ്പെടെയുള്ള മുൻഭാഗമാണ് പാളം തെറ്റിയത്. ഷൊർണൂർ ഭാഗത്ത് നിന്ന് എറണാകുളത്തേക്ക് പോയ ഗുഡ്സ് ട്രെയിൻ ആണ് അപകടത്തിൽപ്പെട്ടത്.

പുതുക്കാട്-നെല്ലായി സ്റ്റേഷനുകൾക്കിടയിൽ വച്ചാണ് അപകടം ഉണ്ടായത്. ഗുഡ്സ് ട്രെയിൻ പാളം തെറ്റിയതിനെ തുടർന്ന് ഷൊർണൂർ-എറണാകുളം റൂട്ടിലുള്ള ട്രെയിനുകൾ വൈകും. മൂന്ന് പാസഞ്ചർ ട്രെയിനുകൾ റദ്ദാക്കി. വേണാട് എക്സ്പ്രസും റദ്ദാക്കി.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy