Women Police Officer Killed: വനിതാ പോലീസ് ഉദ്യോ​ഗസ്ഥയെ ഭർത്താവ് വെട്ടിക്കൊലപ്പെടുത്തി; പ്രതി പിടിയിൽ

Women Police Officer Killed In Kannur: കണ്ണൂർ കരിവെള്ളൂരിലാണ് സംഭവം. കരിവെള്ളൂർ പാലേരിയിൽ ദിവ്യശ്രീ ആണ് കൊല്ലപ്പെട്ടത്.

കണ്ണൂർ: വനിതാ പോലീസ് ഉദ്യോ​ഗസ്ഥയെ ഭർത്താവ് വെട്ടിക്കൊലപ്പെടുത്തി. കണ്ണൂർ കരിവെള്ളൂരിലാണ് സംഭവം. കരിവെള്ളൂർ പാലേരിയിൽ ദിവ്യശ്രീ ആണ് കൊല്ലപ്പെട്ടത്. കാസർകോട് ചന്തേര പോലീസ് സ്റ്റേഷനിലെ സിപിഒ ആണ് കൊല്ലപ്പെട്ട ദിവ്യശ്രീ. പ്രതി രാജേഷിനെ പോലീസ് പിടികൂടി. ആക്രമണം തടയാൻ ശ്രമിച്ച ദിവ്യശ്രീയുടെ പിതാവ് വാസുവിന് ​ഗുരുതരമായി പരിക്കേറ്റു.

ദിവ്യശ്രീയുടെ അച്ഛൻ വാസുവിന് വയറിലും കയ്യിലുമാണ് വെട്ടേറ്റത്. വാസുവിനെ പരിയാരം മെഡിക്കൽ കോളേജിലേക്ക് മാറ്റി. ദിവ്യശ്രീയും ഭർത്താവും കുറേനാളുകളായി അകന്നാണ് കഴിഞ്ഞിരുന്നത്. വ്യാഴാഴ്ച വൈകുന്നേരം ആറ് മണിയോടെ രാജേഷ് ദിവ്യശ്രീയുടെ വീട്ടിലെത്തി ആക്രമണം നടത്തുകയായിരുന്നു.