Kishkkindha Kandam: കിഷ്കിന്ധാ കാണ്ഡം ഓണത്തിനെത്തും; ആസിഫ് അലി ചിത്രത്തിന്റെ ടീസർ പുറത്തിറക്കി

Kishkkindha Kandam Teaser: ഗുഡ് വിൽ എന്റർടെയ്ൻമെന്റ്സിന്റെ ബാനറിൽ ജോബി ജോർജ് ആണ് കിഷ്കിന്ധാ കാണ്ഡം നിർമിക്കുന്നത്.

ആസിഫ് അലിയെ നായകനാക്കി ദിൻജിത്ത് അയ്യത്താൻ സംവിധാനം ചെയ്യുന്ന കിഷ്കിന്ധാ കാണ്ഡത്തിന്റെ ടീസർ പുറത്തിറക്കി. കക്ഷി അമ്മിണിപിള്ളയ്ക്ക് ശേഷം ദിൻജിത്ത് അയ്യത്താൻ സംവിധാനം ചെയ്യുന്ന ചിത്രമാണിത്. ​ഗുഡ് വിൽ എന്റർടെയ്ൻമെന്റ്സിന്റെ ബാനറിൽ ജോബി ജോർജ് ആണ് ചിത്രം നിർമിക്കുന്നത്.

ചിത്രത്തിന്റെ കഥ, തിരക്കഥ, സംഭാഷണം എന്നിവ രചിച്ചിരിക്കുന്നത് ബാഹുൽ രമേഷ് ആണ്. ചിത്രത്തിൽ അപർണ ബാലമുരളി, വിജയരാഘവൻ, ജ​ഗദീഷ്, അശോകൻ, നിഷാൻ, വൈഷ്ണവി രാജ്, മേജർ രവി, നിഴൽകൾ രവി, ഷെബിൻ ബെൻസൺ, കോട്ടയം രമേഷ്, ബിലാസ് ചന്ദ്രഹാസൻ, മാസ്റ്റർ ആരവ്, ജിബിൻ ​ഗോപിനാഥ് തുടങ്ങിയവരും പ്രധാന വേഷങ്ങളിലെത്തുന്നു.

ചിത്രത്തിന്റെ ഛായാ​ഗ്രഹണം നിർവഹിച്ചിരിക്കുന്നതും ബാഹുൽ രമേഷ് തന്നെയാണ്. എഡിറ്റർ- സൂരജ് ഇഎസ്, സം​ഗീതം- മുജീബ് മജീദ്, വിതരണം- ഗുഡ് വിൽ എന്റർടെയ്ൻമെന്റ്സ്, ചീഫ് അസോസിയേറ്റ് ഡയറക്ടർ- ബോബി സത്യശീലൻ, ആർട്ട് ഡയറക്ടർ- സജീഷ് താമരശേരി, കോസ്റ്റ്യൂംസ്- സമീറ സനീഷ്, മേക്കപ്പ്- റഷീദ് അഹമ്മദ്.

പ്രോജക്ട് ഡിസൈൻ- കാക്ക സ്റ്റോറീസ്, പ്രൊഡക്ഷൻ കൺട്രോളർ- രാജേഷ് മേനോൻ, സൗണ്ട് മിക്സിങ്- വിഷ്ണു സുജാതൻ, ഓഡിയോ​ഗ്രഫി- രെൻജു രാജ് മാത്യു, ഡിജിറ്റൽ മാർക്കറ്റിങ്- പ്രവീൺ പൂക്കാടൻ, അരുൺ പൂക്കാടൻ (1000 ആരോസ്), പിആർഒ- ആതിര ദിൽജിത്ത്.