കെജിഎഫ് രണ്ടാം ഭാഗത്തിലെ സഞ്ജയ് ദത്തിന്റെ അധീര സ്‌പെഷ്യല്‍ ലുക്ക് പോസ്റ്റര്‍ പുറത്തിറങ്ങി. അദ്ദേഹത്തിന്റെ പിറന്നാള്‍ ദിനമായ ഇന്നാണ് അണിയറ പ്രവര്‍ത്തകര്‍ ലുക്ക് പുറത്തുവിട്ടത്. സഞ്ജയ് ദത്തും ചിത്രം ട്വിറ്ററിലൂടെ ഷെയർ ചെയ്തിട്ടുണ്ട്.
'ഈ ചിത്രത്തിന്റെ ഭാഗമാകാൻ സാധിച്ചതിൽ ഒരുപാട് സന്തോഷമുണ്ട്. ഇതിലും വലിയ ഒരു പിറന്നാൾ സമ്മാനം ഇനി ലഭിക്കാനില്ല' സഞ്ജയ് ട്വിറ്ററിൽ കുറിച്ചു.1980കളിലെ ഇന്ത്യയിലെ കഥയാണ് കെജിഎഫ് പറയുന്നത്. 2018ല്‍ പുറത്തിറങ്ങിയ കെജിഎഫ് ബോക്സ് ഓഫീസില്‍ വലിയ ഹിറ്റ് തന്നെയായിരുന്നു.
It's been a pleasure working on this film and I couldn't have asked for a better birthday gift. Thank you @prashanth_neel, @Karthik1423, @TheNameIsYash, @VKiragandur, #Deepak, #Lithika, #Pradeep & the entire team of KGF. pic.twitter.com/5BPX8injYM
— Sanjay Dutt (@duttsanjay) July 29, 2020
Also Read: ആരെയും വേദനിപ്പിക്കാനായിരുന്നില്ല ഉദ്ദേശ്യം; വിശദീകരണവുമായി അഹാന കൃഷ്ണകുമാർ
ശ്രീനിഥി ഷെട്ടി, അനന്ദ് നാഗ്, റാവു രമേഷ്, അച്യുത് കുമാര്‍, വസിഷ്ട എന്‍ സിംഹ, മാളവിക അവിനാഷ് എന്നിവരും ചിത്രത്തില്‍ കഥാപാത്രങ്ങളായെത്തുന്നുണ്ട്. കന്നഡ, തമിഴ്, തെലുങ്കു, മലയാളം, ഹിന്ദി എന്നീ ഭാഷകളിലും ചിത്രം റിലീസ് ചെയ്യും.
ഒക്ടോബര്‍ 23ന് ചിത്രം റിലീസ് ചെയ്യാനാണ് തീരുമാനിച്ചിരുന്നതെങ്കിലും കോറോണ വൈറസ് വ്യാപനം ചിത്രത്തിന്റെ പ്രൊഡക്ഷന്‍ വര്‍ക്കുകളെ അവതാളത്തിലാക്കിയിരിക്കുകയാണ്.
