സൗന്ദര്യത്തിനും ആരോഗ്യത്തിനും കറ്റാർവാഴ ഏറെ ഗുണകരമാണ്.
സൗന്ദര്യത്തിനും ആരോഗ്യത്തിനും കറ്റാർവാഴ ഏറെ ഗുണകരമാണ്. കറ്റാർവാഴയുടെ ചില ഗുണങ്ങൾ പരിചയപ്പെട്ടാലോ..
മുടി ബലമുള്ളതാക്കാനും താരൻ അകറ്റാനും കറ്റാർവാഴ ജെൽ മുടിയിഴകളിൽ പുരട്ടിയാൽ മതിയാകും.
മൗത്ത് വാഷായും കറ്റാർവാഴ ഉപയോഗിക്കാവുന്നതാണ്. രക്തസ്രാവവും മോണവീര്‍ക്കലും ഇത് കുറയ്ക്കും. വിറ്റാമിന്‍ സി അടങ്ങിയിട്ടുള്ളതിനാൽ കറ്റാര്‍വാഴ പല്ലിലെ കറ അകറ്റാൻ സഹായിക്കും.
കറ്റാര്‍വാഴ ചര്‍മ്മത്തിന് ഈര്‍പ്പം നല്‍കുന്നതിനാൽ ക്രീമുകള്‍ക്ക് പകരമായി ഇവ ഉപയോഗിക്കാം. ഒരു തണ്ടൊടിച്ച് അതിന്റെ ജെല്‍ മുഖത്ത് പുരട്ടുന്നത് ചര്‍മ്മത്തിന് തിളക്കം നൽകുന്നു.
നെഞ്ചെരിച്ചില്‍, ദഹനക്കേട് പോലുള്ള പ്രശ്നങ്ങൾക്ക് കറ്റാര്‍ വാഴ ജ്യൂസ് ഏറെ നല്ലതാണ്. എന്നാല്‍ ഒരു ഗ്ലാസ് വെള്ളത്തില്‍ രണ്ട് ടേബിള്‍ സ്പൂണില്‍ കൂടുതല്‍ കറ്റാര്‍വാഴ ജ്യൂസ് ചേര്‍ക്കാതിരിക്കുക.
വെയില്‍ മൂലമുണ്ടാകുന്ന ചെറിയ പൊള്ളലുകള്‍ക്കും കറ്റാർ വാഴ ജെൽ പുരട്ടാം. ചര്‍മ്മം വരണ്ട് പോകാതിരിക്കാനും ഇത് സഹായിക്കും.
മുഖത്ത് നിന്ന് മേയ്ക്കപ്പ് തുടച്ച് മാറ്റാനും കറ്റാര്‍വാഴ ജെല്‍ ഉപകരിക്കും. ഒരു പഞ്ഞിയിൽ അൽപം ജെൽ തേയ്ച്ച് തുടച്ചാല്‍ മുഖം വൃത്തിയാകും. (Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.)
