പ്രണയബന്ധം തകരുന്നതും കാമുകി - കാമുകൻമാ‍ർ തമ്മിൽ പിരിയുന്നതുമെല്ലും പലപ്പോഴും സംഭവിക്കാറുണ്ട്. ചില‍ർ വലിയ പ്രശ്നങ്ങളില്ലാതെ പുതിയ ജീവിതം തിരഞ്ഞെടുക്കുമെങ്കിലും മറ്റ് ചിലർക്ക് പഴയ കാമുകനെയോ കാമുകിയെയോ മറക്കാൻ കഴിയാറില്ല.
6 ways to forget EX: ആത്മാർത്ഥ പ്രണയം മനസിൽ സൂക്ഷിക്കുന്നവർക്ക് ബ്രേക്കപ്പിന് ശേഷം ജീവിതത്തിൽ മുന്നോട്ട് പോകുന്നത് വളരെ ബുദ്ധിമുട്ടാണ്. നിങ്ങളുടെ കാര്യവും ഇതുതന്നെയാണെങ്കിൽ പ്രശ്നങ്ങളില്ലാതെ ജീവിതത്തിൽ മുന്നേറാൻ 6 വഴികൾ ഇതാ.
1. ആളുകൾ എപ്പോഴും അവരുടെ ഭൂതകാലം മനസ്സിൽ സൂക്ഷിക്കുന്നവരാണ്. ഇത് പലപ്പോഴും നിങ്ങളെ വികാരാധീനരാക്കും. നിങ്ങൾക്ക് ഈ കാര്യങ്ങൾ നിങ്ങളോട് ഏറ്റവും അടുത്ത വ്യക്തിയുമായി പങ്കിടാം. അല്ലെങ്കിൽ ഈ വിഷയത്തിൽ നിങ്ങൾക്ക് ഒരു തെറാപ്പിസ്റ്റിൻ്റെ സഹായം തേടാം. ഇതുകൂടാതെ നിങ്ങളുടെ ചിന്തകൾ ഒരു ഡയറിയിൽ എഴുതി മനസ്സിനെ ശാന്തമാക്കാം.
2. കഴിഞ്ഞത് കഴിഞ്ഞു എന്ന് മനസിനെ പറഞ്ഞ് പഠിപ്പിക്കേണ്ടത് പ്രധാനമാണ്. സംഭവിച്ചത് അംഗീകരിച്ച് സ്വയം മുന്നോട്ട് പോകാൻ തീരുമാനിക്കുക. ഇത്തരം തീരുമാനങ്ങൾ നിങ്ങളെയും നിങ്ങളുടെ മാനസികാവസ്ഥയെയും ശക്തിപ്പെടുത്തും.
3. വർത്തമാനകാലത്ത് ജീവിക്കാൻ സ്വയം ശീലിക്കുക. നിങ്ങൾ ഭൂതകാലത്തെക്കുറിച്ച് ചിന്തിക്കില്ലെന്ന് സ്വയം ഉറപ്പ് നൽകുക. ഇതിനായി നിങ്ങൾ ധ്യാനമോ മെഡിറ്റേഷനോ ചെയ്യണം. അത് നിങ്ങളുടെ ജീവിതത്തിൽ പോസിറ്റിവിറ്റി നൽകും.
4. ഭൂതകാലം നിങ്ങളുടെ മനസ്സിലേയ്ക്ക് വരുമ്പോൾ രണ്ടോ മൂന്നോ ദീർഘനിശ്വാസങ്ങൾ എടുത്ത് മറ്റെന്തിങ്കിലും കാര്യങ്ങളിൽ ശ്രദ്ധ കേന്ദ്രീകരിക്കുക. ചെയ്യുന്ന കാര്യങ്ങൾ ആസ്വദിച്ച് ചെയ്യുക. എഴുത്ത്, പാട്ട്, നൃത്തം, പെയിൻ്റിംഗ് എന്നിവയ്ക്ക് നിങ്ങളുടെ മനസ്സിനെ ശാന്തമാക്കാനും സന്തോഷം നൽകാനും സാധിക്കും.
5. ബ്രേക്കപ്പ് ആയാൽ ജിമ്മിൽ പോകുക എന്നത് പണ്ട് തൊട്ടേ ആൺകുട്ടികളുടെ ഒരു ശീലമാണ്. എന്നാൽ പെൺകുട്ടികൾക്കും ഇത് ചെയ്യാവുന്നതാണ്. ആരോഗ്യമുള്ള ശരീരത്തിലേ ആരോഗ്യമുള്ള മനസുണ്ടാകുകയുള്ളൂ എന്നാണല്ലോ പഴമൊഴി. നല്ല ആരോഗ്യം ഉണ്ടെങ്കിൽ മാത്രമേ നമുക്ക് നല്ല ജീവിതം നയിക്കാൻ കഴിയൂ എന്ന് ഓർക്കുക. അതിനാൽ സ്വയം ശ്രദ്ധിക്കുകയും സ്വയം സ്നേഹിക്കുകയും ചെയ്യുക.
6. ഒരു ബന്ധത്തിൽ വഞ്ചിക്കപ്പെടുന്നവർക്ക് മറ്റുള്ളവരോട് ക്ഷമിക്കാൻ പ്രയാസമാണ്. എന്നാൽ ക്ഷമ ഹൃദയത്തിൻ്റെ ഭാരം ലഘൂകരിക്കുകയും ജീവിതത്തിൽ മുന്നോട്ട് പോകാൻ നിങ്ങളെ പ്രാപ്തരാക്കുകയും ചെയ്യും. അതിനാൽ ആളുകളോട് ക്ഷമിക്കാൻ പഠിക്കുക.
