വിറ്റാമിനുകളായ എ, സി, ഇ, ബി1, ബി2, ബി3 എന്നിവയുൾപ്പെടെ അവശ്യ പോഷകങ്ങളും ധാതുക്കളും പൊട്ടാസ്യം, കാൽസ്യം, സിങ്ക്, മഗ്നീഷ്യം, ഇരുമ്പ് തുടങ്ങിയ ധാതുക്കളും കയ്പ്പക്കയിൽ അടങ്ങിയിട്ടുണ്ട്.
കയ്പ്പക്കയിൽ ആന്റി-ഇൻഫ്ലമേറ്ററി ഗുണങ്ങളുള്ള ആൻ്റി-ഓക്‌സിഡൻ്റുകൾ അടങ്ങിയിട്ടുണ്ട്. ഇത് ഓക്‌സിഡേറ്റീവ് സമ്മർദ്ദവും വീക്കവും കുറയ്ക്കാൻ സഹായിക്കും.
കയ്പ്പക്കയ്ക്ക് കുറഞ്ഞ ഗ്ലൈസെമിക് സൂചികയാണുള്ളത്. ഇത് രക്തത്തിലെ പഞ്ചസാരയുടെ അളവ് വർധിക്കാതിരിക്കാൻ സഹായിക്കുന്നു.
കയ്പ്പക്കയിൽ അടങ്ങിയിരിക്കുന്ന വിറ്റാമിൻ സി രോഗപ്രതിരോധശേഷി വർധിപ്പിക്കുന്നു.
ഇതിൽ അടങ്ങിയിരിക്കുന്ന നാരുകൾ ദഹനം മികച്ചതാക്കാൻ സഹായിക്കുന്നു.
പ്രമേഹം നിയന്ത്രിക്കുന്നതിനും രക്തത്തിലെ പഞ്ചസാരയുടെ അളവ് ആരോഗ്യകരമായി നിലനിർത്തുന്നതിനും കയ്പ്പയ്ക്ക മികച്ചതാണ്.
