Putrada Ekadashi: ഹൈന്ദവ വിശ്വാസമനുസരിച്ച്, ശ്രാവണ മാസത്തിലെ പുത്രദ ഏകാദശി ദിനത്തിൽ വ്രതം അനുഷ്ഠിക്കുന്നതിലൂടെ സന്താനങ്ങളുമായി ബന്ധപ്പെട്ടുള്ള പ്രശ്നങ്ങൾ നീങ്ങും.
എല്ലാ വർഷവും ശ്രാവണ മാസത്തിലെ ശുക്ല പക്ഷത്തിലെ ഏകാദശി തിഥിയിലാണ് പുത്രദ ഏകാദശി ആചരിക്കുന്നത്. ഈ വർഷം ഈ ഏകാദശി വരുന്നത് ഇന്ന്, ഓഗസ്റ്റ് 27 നാണ്. ഈ ദിവസം വ്രതം അനുഷ്ഠിച്ചാൽ കുട്ടികൾക്ക് അഭിവൃദ്ധിയുണ്ടാകും. അതുപോലെ തന്നെ കുട്ടികളുമായി ബന്ധപ്പെട്ട എല്ലാ പ്രശ്നങ്ങളും നീങ്ങും.
പുത്രദ ഏകാദശി നാളിൽ പ്രധാനമായി ആരാധിക്കുന്നത് മഹാവിഷ്ണുവിനെയാണ്. ഈ ഏകാദശിയിൽ ആരാധനയ്‌ക്കും വ്രതാനുഷ്ഠാനത്തിനും ചില നിയമങ്ങളുണ്ട്. ചില കാര്യങ്ങൾ ഈ ദിവസം ചെയ്യാൻ പാടില്ല. അത് മഹാവിഷ്ണുവിന്റെ കോപത്തിന് ഇരയാക്കും.
പുത്രാദ ഏകാദശി ദിനത്തിൽ അരിയാഹാരം കഴിക്കാൻ പാടില്ല.
മഹാവിഷ്ണുവിന് തുളസി ഇലകൾ വളരെ പ്രിയപ്പെട്ടതാണ്. എന്നാൽ പുത്രാദ ഏകാദശി ദിനത്തിൽ തുളസിയില അബദ്ധത്തിൽ പോലും തൊടുകയോ പറിക്കുകയോ ചെയ്യരുത്. തുളസിയില പറിക്കുന്നത് ലക്ഷ്മീദേവിയുടെ കോപത്തിന് കാരണമാകും.
ഹൈന്ദവ വിശ്വാസമനുസരിച്ച് ഈ ദിവസം കറുത്ത വസ്ത്രം ധരിക്കരുത്. മഹാവിഷ്ണുവിന്റെ അനുഗ്രഹം ലഭിക്കാൻ ഈ ദിവസം മഞ്ഞ നിറത്തിലുള്ള വസ്ത്രങ്ങൾ ധരിക്കുന്നത് വളരെ നല്ലതാണ്.
ശ്രാവണ മാസത്തിലെ പുത്രാദശി ദിനത്തിൽ അബദ്ധത്തിൽ പോലും മാംസവും മദ്യവും കഴിക്കരുത്. ഈ ദിവസം ആരെയും വേദനിപ്പിക്കാതിരിക്കാനും ശ്രമിക്കുക.
