പണപ്പെരുപ്പത്തിന്റെ (Inflation) ഈ ഘട്ടത്തിൽ Savings ഒന്നും ഇല്ലായെന്നൊരു അവസ്ഥയാണ്. എങ്കിലും Domestic Gas Cylinder ന്റെ വില റെക്കോർഡ് നിലയിലാണ്. 2020 നവംബറിൽ 594 രൂപ വിലയുണ്ടായിരുന്ന ഒരു ആഭ്യന്തര ഗ്യാസ് സിലിണ്ടർ ഇപ്പോൾ 819 രൂപയായി മാറി. എന്നാൽ വിലകൂടിയ സിലിണ്ടറുകൾക്ക് സബ്സിഡി എടുക്കുകയാണെങ്കിൽ നിങ്ങൾക്ക് 300 രൂപ വരെ ലാഭിക്കാം.
അടുത്തിടെ സിലിണ്ടറിനുള്ള സബ്സിഡി വെറും 10-20 രൂപയായി കുറച്ചിരുന്നു. എന്നാൽ ഇപ്പോൾ സർക്കാർ സബ്സിഡി തുക വർദ്ധിപ്പിച്ചു. ആഭ്യന്തര ഗ്യാസ് സിലിണ്ടറുകൾക്കുള്ള സബ്സിഡി 153.86 രൂപയിൽ നിന്ന് 291.48 രൂപയായി ഉയർന്നു. ഇനി നിങ്ങൾ ഉജ്ജ്‌വല സ്കീമിന് കീഴിൽ നിങ്ങൾ കണക്ഷൻ എടുത്തിട്ടുണ്ടെങ്കിൽ നിങ്ങൾക്ക് 312.48 രൂപ വരെ സബ്സിഡി ലഭിക്കും. നേരത്തെ അത് 174.86 രൂപയായിരുന്നു.
ഗ്യാസ് സിലിണ്ടറുകളിൽ സബ്സിഡി ലഭിക്കാൻ നിങ്ങൾ ആഗ്രഹിക്കുന്നുവെങ്കിൽ, നിങ്ങൾ സബ്സിഡി അക്കൗണ്ടിനെ ആധാർ കാർഡുമായി ലിങ്ക് ചെയ്യണം. ഇത് ചെയ്തുകഴിഞ്ഞാൽ, നിങ്ങളുടെ അക്കൗണ്ടിൽ ഏകദേശം 300 രൂപവരെ സബ്സിഡി ഉണ്ടാകും.
നിങ്ങളുടെ എൽപിജി കണക്ഷൻ ആധാർ കാർഡുമായി ലിങ്കുചെയ്‌തിട്ടില്ലെങ്കിൽ, നിങ്ങൾക്ക് വീട്ടിലിരുന്ന് ഇത് ചെയ്യാൻ കഴിയും. ഇൻഡെയ്ൻ ഉപഭോക്താക്കൾക്ക് പൂർണ്ണ വിവരങ്ങൾ https://cx.indianoil.in ൽ ലഭിക്കും. ഭാരത് ഗ്യാസ് ഉപഭോക്താക്കൾക്ക് Https://ebharatgas.com സന്ദർശിച്ച് അവരുടെ എൽപിജി കണക്ഷൻ ആധാറുമായി ലിങ്ക് ചെയ്യാൻ കഴിയും.
എണ്ണവില തുടർച്ചയായി ഉയരുന്നതും ആഭ്യന്തര വാതകത്തെ ബാധിച്ചിട്ടുണ്ട്. 4 മാസം മുമ്പ് വരെ 594 രൂപയ്ക്ക് ലഭ്യമായ ആഭ്യന്തര സിലിണ്ടർ ഇപ്പോൾ 819 രൂപയ്ക്കാണ് ഡൽഹിയിൽ ലഭിക്കുന്നത്.അതായത് നവംബർ മുതൽ മാർച്ച് വരെ സിലിണ്ടറിന്റെ വില 225 രൂപ വർദ്ധിച്ചു.
മൊബൈൽ ആപ്ലിക്കേഷൻ പേടിഎം വഴിയാണ് നിങ്ങൾ ഗ്യാസ് ബുക്കിംഗ് നടത്തുന്നതെങ്കിൽ പേടിഎം ആദ്യമായി ബുക്ക് ചെയ്യുന്നവർക്ക്100 രൂപ കിഴിവ് നൽകുന്നു. മുൻപ് നിങ്ങൾ പേടിഎമ്മിൽ ഗ്യാസ് ബുക്ക് ചെയ്തിട്ടില്ലെങ്കിൽ നിങ്ങൾക്ക് ഈ ഓഫർ പ്രയോജനപ്പെടുത്താം.
